1 aKorinto 7:19 - Emakhuwa Bible

¹⁹ Hata wiineliwa, naari ohiineliwa khoonthoonyera etthu. Yootthuneya ti wiiwelela malamulo a Muluku.

1 aKorinto 7:19 Iomraidhean Croise

Matheyo 5:19

Ootheene ahiniiwelela yakhalaru a malamulo ala ni anaaxuttiha akina opaka moota mmoha, eniyiitthaniwe ooyevaxa moomweneni wa wiirimu. Vaheera ootheene aniiwelela ni anxuttiha malamulo ala, eniyiitthaniwe asitokweene moomweneni wa wiirimu.

Yohaane 15:14

Nyuwo mmwikhale asinthamwenaaka mwapaka yeeyo Miyo kinoolamulelaakani.

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

1 aKorinto 8:8

Vanonto, yooca kheennitatuxa oowaakhuleleya ohoolo wa Muluku. Khaninkhala ootepaxa hiyo naahica, hata ooreeraxa hiyo naca.

aGalata 3:28

Khawowo muYuda, hata muGrego, epottha, hata neethi, mulopwana, hata muthiyana, niwoko ootheene ti mmoha mwa Kristu Yeesu.

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

aGalata 6:15

Vano, etthu entthuneya kheehiyono wiineliwa, hoye hoye ohiineliwa, mene aani, okhala ephattuwelo enyowani.

aKolosi 3:11

Mwa Yoowo khawowo muGrego, naari muYuda; oowiineliwa, naari oohiineliwa; mmalapo, naari muXitha*; epottha, naari neethi, mene Kristu ti sootheene ni ori mwa ootheene.

Yoxuwa 5:5

Ootheene yaakhummewo yaahiinelasiwa, vaheera ootheene yaayarelingwe munikareni mmukwahani okhummwaleene wExipitu khayiinelasiwe.

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.