1 aKorinto 5:11 - Emakhuwa Bible

¹¹ Menetho kinoolepelani weera muhiithukumanyihe ni yaale aneera weera ari aKristu ereene alavilavi, anamilili, anamalapela miluku sikina, anamwaapa, anamawura, naari anamwiiya. Ni atthweene yaawo, hata khoontthuneya ocano vamoha.

1 aKorinto 5:11 Iomraidhean Croise

Icipo 10:3

Mutakhali onlapa soohaawelasawe; owo onimureeliha namilili, anamukhootta Yave.

Icipo 101:5

Kinoommaaliha yoowo ommuuluma wiiphiini mukhwaawe; yoowo ooweemexa maitho ni murima woowiixoona nkinimvilela.

Ezekiyeli 22:12

Mpuwamwanyu, aakhala atthu anaakhulela makhwankwa weera eyeehe ephome; nyuwo munkoongoriha mweerelaka oliviwa iphura, ophwanya ewinelo, ni mungwina moota woohiroromeleya munnyesererihaka ni mmwiiyeraka mukhwiinyu. Nyuwo mookittiwala, onghima Yave onlamula sootheene.

Matheyo 18:17

Akhootta wiiwelela, mwaleele ekerexa, ni owo aahiiwelelatho ekerexa, akhale ntoko mmalapwaanyu, naari namaliviha a musoko.

Matheyo 23:25

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo munrapiha omokoni wa ekoomixi ni wa esasaani, mene mpuwa yoosareya ni ohaawelaxa ni milili.

Luuka 18:11

muFarisi*, eemenleene, aahiivekelela muneenaawe: ‘Muluku, kinootthapelani niwoko miyo nkihiyono ntoko atthu akina: anamwiiya, ootakhala, anamararuwa, hata ntoko namaliviha a musoko ola.

Luuka 21:34

Mwiipasoope weera mirimasanyu sihilemeliwe ni wiipeliwa, ohapaliwa, naari ni sooweeteteela sa okumi, weeratho nihuku nno nihoophiyereni wootutuxereya,

Miteko 1:15

Mahukweene yaale, Pedru aaheemela variyari wa axunna yaari wookwanaka atthu ncira ni miloko miili,

Miteko 9:17

Vano Ananiya aarowa, anavolowa mpaani, anamwiikaathera matata, anamweerela: “Munna Sawuli, Apwiya Yeesu yiixoonihenre wa nyuwo mphironi mwaarwaanyuwo, aakirumiha weera nyuwo moonetho ni musareye Munepa Wootteela.”

aRooma 13:13

Neetteleke mukhalelo wa nnene, ntoko atthu aneettela waara wa othana, ohikhanle ngwiipeliwani, moohapaliwani, naari mooraruwani ni moohuureyani, hata moonyakulihanani, hoye hoye munrimani.

aRooma 16:17

Kingwoopererani nyuwo, axunna, weera mwiipasoope wa yaale anruuhela ohiiwanana ni angwooceelihani mwa nihusiho nyuwo mwaakhenlaanyu. Mususe wa yaawo.

1 aKorinto 10:14

Tivawo, axunnaka oosiveleya, mutthawe wa olapa miluku soolokottha.

1 aKorinto 11:21

niwoko khula mutthu onca yoocaawe muneenaawe ahaawehereraka akina. Hiiho, mukina onoovoliwa etala ni mukina onoohapaliwa.

1 aKorinto 5:13

Muluku anaathorihe yaawo ari omokoni. “Mmoomole mulavilavi variyariwanyu.”

1 aKorinto 6:10

hata anamwiiya, hata anamilili, hata anamawura, hata anamwaapa, naari alipa angwaakha itthu asikhwaaya kheerwa yaakhela omwene wa Muluku.

1 aKorinto 6:6

Ongwereya hai muKristu mmoha omuronghela munneiye alipa oowuuluma milattu, ni yeeyo vamaithoni wa oohiroromela?

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 7:12

Wa akina ti miyo kinaaleela yeeyo, khaahiyono Apwiya: Akhala munna orino mwaariye oohiroromela, ni yoole atthuna okhala vamoha ni iyawe, ahimwalaneke.

1 aKorinto 7:15

Wa soothesene, mutthu oohiroromela amwalana, amwalaneke. Weereya hiiho, munna, naari murokora muKristu, khahiyono ootthukiwa, niwoko Muluku onniitthana weera nikhale ni murettele.

1 aKorinto 8:11

Hiiho, munna owo oohilipa, mwa yoowo Kristu omukhwenlaawe, onoophwateya niwoko na soosuwelasanyu.

aGalata 2:12

Vano, ehinaaye ophiya akina wa Yakobe, owo aaca ni atthu oohikhala aYuda. Yaaphiyalaaya, aasusa ni aamwalamwala ni atthu oohikhala aYuda, awoovaka atthu oowiineliwa.

awEfeso 5:18

Muhihapaliwe ni eviinyu, niwoko mwemmo wookhalamo olavilavi, mene muhiye woosareyeni Munepa,

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

2 aTesalonika 3:14

Akhala mukina ohiniiwelela maswaahu a ekaratta ela, munthoonye ni muheette ni yoowo, weera owo uuliwe muru.

2 aTesalonika 3:6

Axunna, hiyo ningwoopererani mwa Nsina na Apwiyaahu Yeesu Kristu weera mususe wa yoowo munna ootheene onkhala moota wa oreesi, ahittharaka ekhovelelo mwaakhenlaanyu wa hiyo.

1 Timootheyo 3:3

ohimusivele ohapaliwa, ahikhale ni isara woowaakuveya, mene akhale oomaaleleya, namurettele, ni ohimusivele musurukhu.

1 Timootheyo 6:5

ni oohiiwanana woohihiyerera variyari wa atthu ootakhala, mwa yaawo ekhaikhai yohiiyiwa, ni anuupuwela weera murima wa omuluku ti naattuuttu a owina musurukhu.

2 Yohaane 1:10

Akhala mukina onoophiyerelani nyuwo ahiruuhaka nihusiho nna ni yoowo, muhimwaakhelele, hata muhimuulumihe.

Ethupululo 2:14

Wa soothesene, kookhalano soowoohimahimani sikina nyuwo: Nyuwo mookhalano iwo atthu antthara mahusiho a Balaami, mwa yoowo aamuxuttihale Balaki waareiya muraakho aYixrayeli weera ece sooca sooveleeleliwa miluku sikina, ni weera epake olavilavi.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.