1 aKorinto 4:5 - Emakhuwa Bible

⁵ Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

1 aKorinto 4:5 Iomraidhean Croise

Yobi 12:22

Onthupulula mpiphini itthu soowiixera, anaruuhela waara mpiphini mooriipihana.

Masu a Miruku 12:8

Mutthu onttittimihiwa ottharihiwaka mmirukunimwawe, vaheera yoowo ori a murima woonanara onoonyoosiwa.

Namalaleiya 11:9

Ohakalale mmiravo hiiha oraawo mukithi! Otteeliwe murimaawo mmahukuni a omiravowaawo! Orowe weiwo onoolamulelaayawo murimaawo, mpaka anoonaayawo maithwaawo; Vaheera osuweleke weera mwa itthu sootheene iyo onoomwaakhulano Muluku.

Namalaleiya 12:14

Vano, Muluku onooruuhela nthorihelo sootheene sipakingwe, vamoha ni seiyo siipithihingwe – ekhalaka yooreera naari yoonanara.

Yeremiya 16:17

Maithwaaka annoona iphirosaya sootheene; awosa khayiipithiheiye vamaithoniwaka ni hiihotho sootthekasaya.

Yeremiya 23:25

“Kohiiwa anuulumaaya maprofeeti, anthalihera soowootha mwa Nsinanaka, yeeraka: ‘Kooloha! Kooloha!’

Hoxeya 8:13

Awosa ampaka sooveleela enakhuura enama, vaheera Yave khanghakalalela. Okhuma vaanaano va woorowa ohoolo, Owo onimuupuwelela sootakhalasaya ni onoottaruxa sootthekasaya. Awosa anoohokoleela wExipitu.

Malekiya 3:18

Hiiho, nyuwosa munimoonatho ovirikana eriyai ya oororomeleya ni mutakhali, eriyari ya yaawo animurumeela Muluku, ni ahinimurumeela.”

Matheyo 10:26

Tivawo, muhiwoove yaawo. Itthu sootheene soowiipithiheiya nsooneiye, ni itthu sootheene sookhuneeliwa, nsisuwelihiwe.

Matheyo 24:30

Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko.

Matheyo 24:46

Ooreelihiwa ti murumeiyi, Apwiyaawe yaahokolowaka, eneeraaya emphwanye apakaka yeeyo.

Matheyo 25:21

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Matheyo 25:23

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Luuka 6:37

Muhithorihe, ni khamurwa muthorihiwa. Muhithoriheleke mmooroni, ni khamurwa muthoriheleliwa mmooroni. Mulevelele, ni mmwileveleliwe.

Yohaane 21:22

Yeesu aamwaakhula: “Miyo kaatthuna weera owo akhale ni okumi mpaka kineeraaka kihokolowe, eheeni mumpwatthaanyu? Mukitthareke nyuwo.”

Yohaane 21:23

Tivawo yiiwanyeyaaya masu weera oohusera owo kharwa akhwa. Yeesutho kheenre weera owo kharwa akhwa. Eenre paahi: “Miyo kaatthuna weera owo akhale ni okumi mpaka kineeraaka kihokolowe, eheeni mumpwatthaanyu?”

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

aRooma 14:4

Nyuwo taani oomuthoriha murumeiyi a mukina? Ti Apwiyaawe anlakela owo awera weemela naari wuuwa. Ni aneemele, niwoko Apwiya angwera omweemexa.

aRooma 2:1

Tivawo, nyuwo munaathoriha akina muri oohileveleleya, niwoko muniittaruxa mwaneenaanyu mwa yeeyo munthorihaanyu, woonaka weera nyuwo munthoriha, mumpakatho itthusene seiyo.

aRooma 2:16

Eyo eniikhumelele vanihukuni Muluku aneeraawe athorihe ixiiri sa atthu mwa Yeesu Kristu, ntoko anthalihaaya masu ooreeraxa miyo kinlaleiyaaka.

aRooma 2:29

Hoye! muYuda ti yoowo ori mpuwamwawe, ni wiineliwa ti wiineliwa wa murima, ompakiwa ni Munepa, ohiya nlamulo noolempwa. Mutthweene yoowo khanaakhela nttittimiho wa atthu, mene wa Muluku.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

1 aKorinto 1:7

moota wooweera ehoohaleeleni naari vakhaani yamahala ya Munepa nyuwo muwehereraka weera Apwiyaahu Yeesu Kristu ethupululiwe.

1 aKorinto 11:16

Akhala mukina ontthuna ovaanya mwaha wa yeeyo, hata hiyo, hata ikerexa sa Muluku khasinono ekhovelelo ekina.

1 aKorinto 11:26

Vano, mahuku ootheene muneeraanyu muceeke epaawu ela ni muwureke ekoomixi ela, munlaleiya okhwa wa Apwiya mpaka eneeraaya ewe.

1 aKorinto 15:23

Mene mutthu ti mutthu emaaraawe: oopacera Kristu, vahoolowaya, Owo awa, yaawo ari awawe.

1 aKorinto 3:13

mene muteko wa khula mutthu oniwoonihereye, niwoko nihuku nno muteko owo ngwiruuheliwe waara. Ngwithupululiwe ni mooro, ni mooro owo oniweerere mikhalelo sa miteko sa atthu ootheene.

1 aKorinto 3:14

Yeeyo mukina otenkaawe yalekela, owo onimwaakhela ntthuvelonawe.

1 aKorinto 3:8

Yoowo omphatteiya ni yoowo onghelela ankhalano otthuna omoharu paahi, ni ooweeli eniiphwanye ntthuvelonaya, ntoko muteko ovanraawe.

2 aKorinto 10:18

niwoko khanaakhuleliwa yoowo oniilaihera muneenaawe, mene yoowo Apwiya animlangheraaya.

2 aKorinto 10:9

Nkintthuna weera kikhale ntoko kineerera owoopopihani ni ikarattasaka.

2 aKorinto 4:2

Ohiyanawaya, hiyo ninnyanyala itthu soovithiwa ni soowuulihiha muru. Khanimvarela muteko soolokottha, hata khanimpiritula masu a Muluku. Hoye! Nithaliheraka ekhaikhai nnenesene, hiyo nniixoonihera wa mirima sa atthu ootheene ohoolo wa Muluku.

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

1 aTesalonika 5:2

niwoko nyuwo asineenaanyu moosuwela nnenesene weera nihuku na Apwiya nnirwe ntoko namwiiya ohiyu.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Yakobe 4:11

Axunna, muhaapaneke mukina ni mukhwaawe. Yoowo onuuluma soonanara sa munneiye, hoye hoye omuthoriha, onuulumela nlamulo ni onthoriha nno. Mwaathorihaka nlamulo, khamunkwanihera nenno, mene muniikhaliha ntoko mphuki a nenno.

Yakobe 5:7

Tivawo, axunna, ngweherere ni ovilela mpaka orwa wa Apwiya. Moone moota namalima ongwehereraawe weera emattaawe eruwere soohepha sootthuneyaxa, ni moota ongwehereraawe ni ovilela mpaka otthula ni omala wa epula.

Yakobe 5:9

Axunna, muhaapaneke mukina ni mukhwaawe weera muhithorihiwe. Mphuki ori vamulako!

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.

1 Pedru 5:4

Iixooniheraka Mukukhuli Mutokweene, nyuwo mmwaakhele ecireemba yoohiriheya ya ovuwa.

2 Pedru 3:12

muwehereraka nihuku na Apwiya ni mwaakuvihaka orwawaya. Nihuku nenenenno wiirimu onuuhisiwe ni mooro, ni itthu sa vathi nsitothowe ni oviha.

2 Pedru 3:4

mwa yaawo eniyeere: “Ori woowi orwawawe woororomelihiwa? Okhuma okhwa wa makholowaahu sootheene simpwaherera ntoko okhuma ompacereroni wa ephattuwelo.”

Yuda 1:14

Henookhi, ekhapira yanaathannapiili okhuma wa Adamu, aathaliha mwaha wa yaawo: “Moone, Apwiya angwa ni ootteelaaya oohaalikeleya

Ethupululo 1:7

Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.