1 aKorinto 4:12 - Emakhuwa Bible

¹² nimvara muteko woovihaxa ni matataahu. Akina yaanilaphaka, hiyo ninnaareeliha. Naattharatthariwaka, ninnavilela.

1 aKorinto 4:12 Iomraidhean Croise

Matheyo 5:11

Ooreelihiwa ti nyuwo akina yooruwanakani, yoosoondakani ni yaawuulumelakani soonanara ni soowootha niwoko na Miyo.

Matheyo 5:44

Mene Miyo kinooleelani: mwaasivele amwiittanaanyu, ni mwaavekelele yaawo anoosoondani,

Luuka 23:34

Yeesu aaheera: “Tiithi, mwaalevelele, niwoko khaansuwela yeeyo ampakaaya.” Vano yaakawana ikuwosawe empakaka mwaathanle.

Luuka 6:28

Mwaareelihe yaawo anoolaphani, ni mwaavekelele yaale anoohasulani.

Yohaane 15:20

Muupuwelele masu kooleenlaakani: kheewowo epottha yoowaapwaha apwiyaaya. Awo yaakittharatthanre Miyo, animoottharattharanitho. Yiiwelenle maswaaka, eniyiiweleletho maswaanyu.

Miteko 18:3

othukumanano yaawo, ni woonaka weera yaarino muteko mmoharu yoowo wa Akila, aakhala ni yaawo avaraka muteko niwoko yaari anamapaka a iheema.

Miteko 20:34

Nyuwo asineenaanyu moosuwela weera matataaka ala yaawina soohaawelasaka ni soohaawela sa asikhwaaka.

Miteko 7:60

Vano aakokhora ni aakhuwela: “Ohaalikeleiye mulattu wa yaawo mwaha wa yoottheka ela.” Ni ahimaka yeeyo, aahookhwa.

aRooma 12:14

Mwaareeliheke yaawo anoosoondani, mwaareeliheke ni muhaalapheke.

aRooma 12:20

Ohiyanawaya: “Mwiittanaanyu avoliwa etala, mumvaheke yooca, avoliwa ntthona, mumvaheke yoowura. Mwapaka yeeyo, nyuwo mmwimwaandyeerere wuuliwawawe muru.”

aRooma 8:35

Taani anaanimwalanyihe wa osivela wa Muluku? Apaale ohaawa, naari sookacamiha, naari ottharatthariwa, naari etala, naari osiwa, naari woopiha, hata ekatana?

1 aKorinto 9:6

Weeraka miyo ni Barnaba paahi nintthuneya ovara muteko weera nikhale?

2 aKorinto 11:8

Kohiiyera ikerexa sikina, kaakhelaka mwa seiyo ekhavihero weera koorumeeleni.

awEfeso 4:28

Yoowo iiya, ahiiyetho. Ohiyanawaya, avare muteko, apakaka etthu yootthuneyaxa ni matataawe weera akhalane etthu yoomvaha yoowo ori moohaawani.

1 aTesalonika 2:9

Axunna, vekhaikhai munuupuwelela mitekosahu ni okhulumuwawahu. Nannavara muteko ohiyu ni othana weera nihikhale oomulemela mutthu, hiyo noolaleerakani masu ooreeraxa a Muluku.

2 aTesalonika 3:8

hata khanaaciiye etthu ya mukina nihilivaka. Ohiyanawaya, nannavara muteko woovihaxa ohiyu ni othana weera ahilemeliwe mukina a nyuwo,

1 Timootheyo 4:10

Ninnavara muteko ni ninnawana mmunepani, niwoko noomuroromela Muluku mukumi Mvuluxa a atthu ootheene wootepaxa yaawo anroromela.

1 Pedru 2:23

Aaruwaniwaawe, khaahokoloxera; ahaawaawe, khoopopiha, mene iileva wa Yoole onthoriha ni ekhaikhai.

1 Pedru 3:14

Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Pedru 4:19

Tivawo, yaawo anghaawa niwoko na otthunawawe Muluku, ontthuneya weera evaherereke okumaaya wa Mpattuxa oororomeleya ni epake yooreera.

Yuda 1:9

Wa soothesene, hata ndyelo mutokweene Mikhayeli, aavaanyihanaawe ni Diyabu* ewanelaka erutthu ya Moisesi, kheerenre omoothera, amveihaka ni moota wooveiha Diyabu*, mene eenre: “Apwiya yoohiiheyoomuhiihe!”