1 aKorinto 3:3 - Emakhuwa Bible

³ niwoko muri atthu a erutthuru. Vano, woonaka weera nookhala nrima ni ohiiwanana variyariwanyu, khamuhiyono atthu a erutthuru, mupakaka ntoko amalapo?

1 aKorinto 3:3 Iomraidhean Croise

Hoxeya 6:7

Ntoko Adamu, awosa aananariha wiiraana, enakikhalela oohiroromeleya.

aRooma 13:13

Neetteleke mukhalelo wa nnene, ntoko atthu aneettela waara wa othana, ohikhanle ngwiipeliwani, moohapaliwani, naari mooraruwani ni moohuureyani, hata moonyakulihanani, hoye hoye munrimani.

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

1 aKorinto 1:11

Axunnaka, kileeliwe ni akina a vaate wa Klowe weera wookhala ohiiwanana variyariwanyu.

1 aKorinto 11:18

Woopacera kiniiwa weera, mwaathukumanaka ntoko ekerexa, wookhala ohiiwanana variyariwanyu, ni vano miyo kinroromela yeeyo vakhaani.

1 aKorinto 3:4

Akhala mukina oneera: “Miyo ti a Pawulo,” ni mukina oneera: “Miyo ti a Apolo,” khamuhiyono a erutthuru?

2 aKorinto 12:20

Vano, kinoova weera kooxekurakani, kihoophwanyeni ntoko kinroromelaaka, ni muhikiphwanye ntoko munroromelaanyu. Kinoova weera nkiphwanye variyariwanyu waakhulana, nrima, woonihera wa isara, ohiiwanana, waapa, wootherana, wiixoona, ni onyakulihana.

aGalata 5:15

Nyuwotho mwalumana ni mwakhuurana mukina ni mukhwaawe, mwiipasoope weera muhiphwatane.

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

Yakobe 3:16

Vano, weiwo niraayawo nrima ni otthuna mpuhaawe mwaneenaawe, iwo wookhalatho onyakhulihana ni mikhalelo sootheene sa soonanara.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.