1 aKorinto 3:13 - Emakhuwa Bible

¹³ mene muteko wa khula mutthu oniwoonihereye, niwoko nihuku nno muteko owo ngwiruuheliwe waara. Ngwithupululiwe ni mooro, ni mooro owo oniweerere mikhalelo sa miteko sa atthu ootheene.

1 aKorinto 3:13 Iomraidhean Croise

Yesaya 28:17

Kinoopaka ekhaikhai efiiyu yooringelano ni ororomeleya efiiyu yoowookolela. Maralala anoophwata ntthawelonanyu na wootha ni maahi a mirupi anookumburula moowiipithamwanyu.

Yesaya 8:20

Vano moone Nlamulo ni ikano sa Yave! Atthu yaahuuluma ntoko masu ala awosa khaanoonatho waara.

Yeremiya 23:28

Mprofeeti olonghe, athalihe yooloha, ni yoowo orino maswaaka alaleiye moota woororomeleya. Vano malaxi ancelana hai ni etrigu?” onghima Yave.

Yeremiya 23:29

“Maswaaka ari ntoko mooro,” onghima Yave, “ni ntoko enyutto enimpwexa mwala.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Malekiya 3:2

Vaheera, taani anaavilele nihuku na orwawawe? Ni taani aneemele ohoolowawe aarwaaka? Niwoko Owo anaakhale ntoko mooro ontteeliha ni ntoko sabawu oomukatthela.

Matheyo 10:15

Miyo kinooleelani ekhaikhai: vanihukuni na othorihiwa onuukhale ohaawa wootepaxa wa esidade eyo opwaha wa oSodoma ni oGomora.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Luuka 2:35

Hiiho soowuupuwela sa mirima sincipale nsikhale soothupululiwa. Vano, wa nyuwo, ekatana eniihome munepaanyu.”

aRooma 2:16

Eyo eniikhumelele vanihukuni Muluku aneeraawe athorihe ixiiri sa atthu mwa Yeesu Kristu, ntoko anthalihaaya masu ooreeraxa miyo kinlaleiyaaka.

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

1 aKorinto 1:8

Owo anoolipiheni mpaka ommaleloni, moota wooweera nyuwo mukhale oohootheriwa vanihukuni na Apwiyaahu Yeesu Kristu.

1 aKorinto 3:12

Vasulu wa yeeyo khula mutthu onoowera oteka ni iyuuma sooreeraxa, hoye hoye maluku ootthuneyaxa, hoye hoye miri, hoye hoye malaxi, hoye hoye mitathi,

1 aKorinto 4:5

Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

2 Timootheyo 1:18

Apwiya emvahe mahala weera yoowo aphwanye ikharari vamaithoni wa Apwiya nihuku nno. Weyo woosuwela nnenesene sookhaviherasawe aakipakenlaawe wEfeso.

2 Timootheyo 3:9

Wa soothesene, awo khaanrowa ottai. Ntoko yeereiyaaya ni yaale eeli, ololowaaya onuusuwanyeye ni atthu ootheene.

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

aHeberi 10:25

Nihihiye othukumana mukerexani, ntoko akina ankhovelelaaya, mene nilipihanaxeke mukina ni mukhwaawe, woonaka weera nihuku eneeraaya erwe Apwiya ninnaattamela.

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.

1 Pedru 4:12

Oosiveleya, muhitikhine ni sooweereriwa soolipaxa sinkhumelela variyariwanyu, ntoko ereene etthu yootikhiniheya.

2 Pedru 3:10

Wa soothesene, nihuku na Apwiya nniwe ntoko namwiiya. Wiirimu onuulakaseye ni oruma otokotoko; itthu sa vathi nsiphwatiwe ni mooro, ni elapo ya vathi ni mitekosaya nsiruliwe.

2 Pedru 3:7

Ni masweene yaawo, wiirimu ni elapo ya vaanaano vaava ensungeriwa mooro, ethokororeliweene nihuku na othorihiwa ni na ophwatiwa wa atthu oonanara.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.