1 aKorinto 2:14 - Emakhuwa Bible

¹⁴ Mutthu ohikhanleno Munepa Wootteela, khanaakhulela itthu singwa wa Munepa wa Muluku, niwoko siri sa anepa wa yoowo. Owo khangwera wiiwexexa itthu iyo, niwoko ontthuneya ophima iyo ni ekhalelo ya mmunepani.

1 aKorinto 2:14 Iomraidhean Croise

Masu a Miruku 14:6

Namatthebwa onaasaasa miruku woohiphwanya, vaheera esuwelo enimurweela wookhweya yoowo orino iseru.

Matheyo 16:23

Yeesu aarukunuwa ni aamweerela Pedru: “Osuseke wa miyo, Satana! Weyo ti nluku ninkikwattula, ni khoonuupuwela itthu sa Muluku, mene sa atthu.”

Yohaane 10:20

Ancipale a yaawo yaaheera: “Owo orino munepa woonanara ni ti naanepa! Heeni nimmwiiwaahu?”

Yohaane 12:37

Aari mweeraru apankeene Yeesu ineneero sootikhiniheya sootheene iye vamaithonimwaya, awo khayaamuroromenle.

Yohaane 14:17

eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Yohaane 14:26

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

Yohaane 8:43

Heeni muhiniiwexexaanyu nuulumonaka? Niwoko khamungwera wiiwa yeeyo kinghimaaka.

Miteko 16:14

Mmoha a yaawo yiiwale aari muthiyana oomoova Muluku iitthaniwa Lidiya, namathumiha a ekuwo yooxeera a esidade ya oThiyatira. Apwiya yaahula murimaawe weera iiwexexe mutthenga wa Pawulo.

Miteko 17:18

Asuweli akina a Epikuro ni a mahusiho a Estoyika yannatthekula ni Pawulo. Akina yaakoha yeeraka: “Eheeni ontthunaawe ohima, namatipura ola?” Akina yaaheera: “Nnoona ntoko owo onlaleiya miluku sa anamarwa,” niwoko Pawulo aalaleiya masu ooreeraxa mwaha wa Yeesu ni wa ovenyerera.

Miteko 17:32

Yiiwaka sa ovenyerera wa anamakhwa akina yaamveiha, ni akinatho yaaheera: “Mwaha wa yeeyo, nnimwiiwe ehuhu ekina.”

Miteko 18:15

vaheera yeenre ekhalaka etthu ya masu ni masina a nlamulonanyu asineenaanyu, muulume mulattu nyuwo asineenaanyu. Nkinkhala mphuki a itthusene seiya.”

Miteko 25:19

Ohiyanawaya, yaavirikanyiha ni yoowo sa mipatta sikina sa ediinaaya, ni sa Yeesu mmoha okhwiiye, mwa Yoowo Pawulo aanyesereraawe weera ori ni okumi.

1 aKorinto 1:18

Vano, mutthenga wa muttanda ti anepa wa ariheiye, mene wa hiyo nimvuluxiwa, mutthenga ole ti ikuru sa Muluku,

1 aKorinto 1:21

Muluku aalakela weera amalapo khaangwera omusuwela ni mirukusaya asineenaaya, mwa yeeyo waamusiveliha Muluku waavuluxa yaale anroromela mwaha wa anepa wa olaleiya.

1 aKorinto 1:23

wa soothesene, hiyo ninimulaleiya Kristu oothomeiwa. Eyo ti nluku nookwattula wa aYuda ni ya anepa wa amalapo.

1 aKorinto 1:25

Vano, anepa a Muluku ti osuwela woopwahaxa miruku sa omutthu, ni ohilipa wa Muluku ti woolipaxa opwaha ikuru sa omutthu.

1 aKorinto 15:44

Enaaliwa erutthu ya mutthu, emvenyerera erutthu ya mmunepani. Yakhala erutthu ya mutthu, enookhalatho erutthu ya mmunepani.

1 aKorinto 15:46

Kheehiyono erutthu ya mmunepani epacenre, mene ya mutthu; ni vahoolowaya ya mmunepani.

1 aKorinto 2:12

Wa soothesene, hiyo khannaakhela munepa wa elapo ya vathi, mene Munepa ongwa wa Muluku. Hiiho ninniiwexexa itthu Muluku onivanghaawe sa mahala.

1 aKorinto 3:1

Axunnaka, nkiwenre wuuluma ni nyuwo ntoko atthu a mmunepani, mene ntoko atthu a erutthuru, ntoko anamwane mwa Kristu.

Yakobe 3:15

Moota wa miruku ola khoonrweela wiirimu, mene wa vathi; khoohiyono wa Munepa, mene wa minepa soonanara.

1 Yohaane 2:20

Nyuwotho mohaakhelela yoottikittheliwa enrweela wa Munepa Wootteela, ni ootheene nyuwo moosuwela ekhaikhai.

1 Yohaane 2:27

Vano, mwaha wa nyuwo, yoottikittheliwa mwaakhenlaanyu wa Munepa Wootteela enkhala mwa nyuwo, ni khoontthuneya weera ooxuttiheni mukina. Ntoko yoottikitthela ela ya ekhaikhai ni yoohilokottha enooxuttihani mwaha wa itthu sootheene, mukhale mwa Muluku, ntoko eyo yooxuttinghaayani.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

Yuda 1:19

Awo ari yaawo ankhumiha ohiiwanana variyariwanyu, ettharaka soohaawela sa eruttwaaya ni ehikhalanne Munepa.