1 aKorinto 14:16 - Emakhuwa Bible

¹⁶ Nyuwo mwaamuttottopelaka Muluku mmunepani, ongwereya hai yoole ori a yaale ahiniiwexexa weera “Ame*” wa otthapelawanyu, woonaka weera owo khasuwenle yeeyo nyuwo munghimaanyu?

1 aKorinto 14:16 Iomraidhean Croise

1 Mamwene 1:36

Benaiya, mwaana mulopwana a Yehoyada, aamwaakhula mwene: “Onimweereya! Yave, Muluku a apwiyaaka mwene aakhulele!

1 Nyaha 16:36

Attottopeliwe Yave, Muluku a oYixrayeli, ohimmalaru. Vano muloko wootheene waakhuwela: “Ame! Attottopeliwe Yave!”

Nehemiya 5:13

Kaatathatho mukaandyowaaka keeraka: “Muluku atatheke hiiho empa ni sooreela sa khula mutthu aneera ahikwanihere yoororomelihaawe. Mutthweene yoowo atathiwe ni ahale hiiho.” Wiiwaka yeeyo muthukumano wootheene waaheera: “Ame!*,” Waamvuwiha Yave. Vano atthu yaakwanihera yeeyo yaaroromelinghaaya.

Nehemiya 8:6

Ezera aamutthapela Yave, Muluku Mutokweene ni ootheene yaaheemexa matata yaakhulaka: “Ame*! Ame*!” Vahoolowaya yaamulapa Yave, yuuramihenleene ikhovesaya vathi.

Icipo 106:48

Yave, Muluku a aYixrayeli atthapeliwe wa mahuku ootheene. Miloko sootheene seere: Ame*! Munttottopele Yave.

Icipo 41:13

Atthapeliwe Yave, Muluku a oYixrayeli ni otthapela woohimala. Ame*, aani Ame*.

Icipo 72:19

Nsinanawe noovuwa nittottopeliweke wa mahuku ootheene; elapo yootheene esareyeke ni ovuwawawe. Ame* ni Ame*.

Icipo 89:52

Yave atthapeliwe wa mahuku ootheene! Ame* ni Ame*.

Yeremiya 11:5

Vano kinookwanihera yoororomeliha kaapakenlaaka makholowaanyu ni nlipelo weera kinimwaavaha elapo yoosareya mukaka ni oravo’ – eyo tiiyo elapo eri yawinyu olelo.” Miyo kaamwaakhula: “Ame* Yave.”

Yeremiya 28:6

“Ame! Yave apake hiiho! Yave akwanihere masu nyuwo muthalihenraanyu, wooruuha ikaruma sa Mpaani mwa Yave ni anamatthukiwa ootheene a oBabiloniya wa nipuro nna.

Nuumeru 5:22

Maahi ala anruuha nlapho evolowe mweerutthunimwanyu ni esare erukuluwaanyu ni ewooceeliheni oyara.” Vano muthiyana eereke: “Ame. Okhale hiiho.”

Matheyo 15:36

Akuxaka ipaawu ithannapiili ni ihopa, aareeliha, anameiyanyiha ipaawu, anaavaha oohusera. Vano oohusera yaahaakawela atthu ancipale.

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Marku 16:20

Vano oohusera yaavenya ni yaalaleiya mapuro ootheene. Apwiya yaavara muteko vamoha ni yaawo, ni yaalipihera maswaaya ni ineneero saahoola masweene yaale.]

Yohaane 21:25

Ohiya toko yeeyo, Yeesu aapaka itthu sikina sincipale. Sootheene sa seiyo saalempwale, kinuupuwela weera hata mweelaponi ya vathi yootheene saano ehikhanle mapuro oowaatta wa ilivuru seera silempwe.

Yohaane 7:15

aYuda yaatikhina ni yaakohana: “Owenre hai Mulopwana Ola okhalano nihusiho mooteene yoola ahinatoko oxuttera?”

Miteko 4:13

Yoonaka olipa murima wa Pedru ni Yohaane, ni esuwelaka weera khayaahiyono atthu oolepiweene, mene oohixuttihiwa, yaatikhina, ni yaasuwela weera awo yaakhala vamoha ni Yeesu.

1 aKorinto 11:24

ni emalihaka omuxukuru Muluku, yaameyanya ni yaaheera: “Ela ti erutthwaaka emvahiwa mwaha wa nyuwo; mpakeke yeeyo mukuupuwelelaka Miyo.

1 aKorinto 14:14

Miyo kavekela ni nuulumo nikina, munepaaka onoovekela, mene soosuwelasaka sinimweemela.

1 aKorinto 14:2

niwoko yoowo onuuluma nuulumo nikina, khanuuluma ni atthu, mene ni Muluku. Wa yeeyo, khaawo oniiwexexa; owo onuuluma matikhinelo mmunepani.

1 aKorinto 16:24

Osivelawaka okhale ni nyuwo ootheene mwa Kristu Yeesu.

2 aKorinto 1:20

Soororomelihiwa sootheene sipakiwe ni Muluku siri “aani” paahi mwa Kristu. Tivawo, ti niwoko na Yoowo nneeraahu “Ame*” wa ovuwa wa Muluku.

Ethupululo 22:20

Yoole onkhalela onamoona mwaha wa itthusene seiya oneera: “Aani, kinrwa vaanaano vaava!” Ame*, nkarwani, Apwiya Yeesu!

Ethupululo 5:14

Ikhalelo ixexe sa okumi saaheera: “Ame”*, ni asitokweene yaakokhorela ni yaalapa.

Ethupululo 7:12

yeeraka: “Ame!* Ottottopela, ovuwa, miruku, otthapela, nttittimiho, owera ni ikuru sikhale wa Mulukwaahu wa mahuku ootheene oohimala. Ame!*”