1 aKorinto 12:8 - Emakhuwa Bible

⁸ Mukina omvahiwa ni Munepa nsu na miruku, ni wa mukina nsu na yoosuweliha ni Munepeene Yoowo mmoharu.

1 aKorinto 12:8 Iomraidhean Croise

Nehemiya 9:20

Mwaahaavaha Munepaanyu Wooreera weera waalake. Mwaahaavaha emanaanyu* yaacaaya ni maahi yaawuraaya.

Yobi 32:8

Vaheera ti munepa onkhala mpuwa mwa mutthu onimvaha wiiwexexa – ngwiya wa Muluku a ikuru sootheene.

Icipo 143:10

Mukixuttihe opaka otthunawanyu, niwoko Nyuwo ti Mulukwaaka. Munepaanyu Wooreera okeettihe munghawalawani.

Okhuma 31:3

ni koomusariha Munepa wa Muluku kimvahaka miruku, wiiwexexa ni ettottho ya nyoota soohiyanahiyana sa muteko.

Masu a Miruku 2:6

Vanonto ti Yave omvaha miruku; mmwaanomwawe enkhuma esuwelo ni wiiwexexa.

Yesaya 50:4

Yave onlamula sootheene ookivaha nlumi nooxuttihiwa weera kisuwele masu anaakhavihera ookhulumuwa. Owo onkivenxa khula oxeexelo, onghula maaruwaaka weera yiiwe ntoko mukina onxuttihiwaawe.

Yesaya 59:21

Vano Yave oneera: “Wa Miyo, owiiraananawaka yaawo ti wu: Munepaaka ori mwa nyuwo ni maswaaka kihenlaaka vayanoniwanyu khayoohiyani eyanowaanyu hata iyano sa anamwaniinyu naari iyano sa ikhapirasaya okhuma vaanaanova mpaka ommaleloni,” onghima Yave.

Daniyeli 2:21

Owo onceendya ihuhu sa vanihukuni ni sa vayaakani; Owo onaakhaliha mamwene ni Owo onaakuruxa yaawo. Owo onaavaha miruku anamiruku ni esuwelo yaale aniiwexexa nnene.

Matheyo 13:11

Owo aahaakhula: “Wa nyuwo moovahiwa osuwela ixiiri sa omwene wa wiirimu, mene wa yaawo, naari.

Miteko 6:3

Axunna, mwaathanle variyariwanyu asilopwana athanneeli a onamoona wooreera, oosareya ni Munepa ni a miruku. Hiyo ninrowa waakhalihera muteko ola,

aRooma 15:14

Axunnaka, miyo kooviriyeliwa weera nyuwo moosareya ni murima wooreera ni mooxuttihiwa nnenesene, ngweraka olakana mukina ni mukhwaawe.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 1:5

Mwa Yoowo nyuwo moopuhihiwa mwa sootheene, mwa masu ootheene ni miruku sootheene,

1 aKorinto 13:2

Hata miyo kikhalanaka yamahala yoothaliha otthuna wa Muluku, ni kisuwelaka matikhinelo ni soosuwela sootheene, nitho kikhalanaka nroromelo noowera osusiha nyaako, mene kaahikhalano osivela, nkinkhala etthu.

1 aKorinto 13:8

Osivela khoonriheya, mene soothaliha sa otthuna wa Muluku nsimale, muulumo eniimaale, ni osuwela onuumale.

1 aKorinto 14:26

Tivawo, axunnaka, nnihime eheeni? Mwaathukumanaka, khula mutthu a nyuwo onkhalano ecipo, hoye hoye masu a nihusiho, yoothupulula emoha, masu mmuulumoni, hoye hoye yootaphulela emoha. Mupakeke soothesene weera mpuhihe ekerexa.

1 aKorinto 14:6

Vano axunnaka, miyo kawa wooxekurani ni kuulumawo ni muulumo makina, eheeni kineeraaka koovareleni? Fataari weera miyo kooleeleni yoothupulula emoha, hoye hoye yoosuwela emoha, naari yoothalihera otthuna wa Muluku emoha, naari nihusiho nimoha.

1 aKorinto 2:11

Vano, eriyari ya atthu, taani osuwenle itthu sa mutthu, ohikhanle munepa ori mwa yoowo? Ni hiihaawotho, khaawo osuwenle itthu sa Muluku, ohikhanle Munepa Wootteela.

1 aKorinto 2:16

“Taani asuwenle soowuupuwela sa Apwiya weera aaxuttihe?” Vano, hiyo nookhalano soowuupuwela sa Kristu.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 11:6

Apaale miyo nkinuuluma masu nnenesene, wa soothesene nkihiyono oohilipa moosuwelani. Mwa yeeyo, noowooniherani yeeyo mwa itthu sootheene.

2 aKorinto 2:14

Vano atthapeliwe Muluku, Yoowo onneettiha moowinani mwa Kristu, ni onnivarela muteko hiyo omwaramwaxa wunkhela wa osuwelawawe mmapuroni mootheene.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 aKorinto 6:6

Aani, ninniilaihera mootteelani, moosuwelani, moovilelani, mooreerani, mMunepani Wootteela, moosivelani wa ekhaikhai,

2 aKorinto 8:7

Hiiho ntoko nyuwo munaattano mwa soothesene: mwa nroromelo, mwa masu, mwa osuwela, mwa nthiti nookwanela, ni mwa onisivelawanyu, hiihotho mwaatteno mwa muteko ola wa ovaha.