1 aKorinto 10:7 - Emakhuwa Bible

⁷ Muhikhale atthu oolapa miluku soolokottha ntoko akina a yaawo. Vano yoolempwa: “Muloko waakilaathi weera oce ni owure, ni waaheemela weera wiine.”

1 aKorinto 10:7 Iomraidhean Croise

Okhuma 32:17

Yoxuwa iiwakaru onyakula wa atthu ekhuwelaka, aamweerela Moisesi: “Wookhala onyakula wa ekhotto okonelingwe.”

Okhuma 32:19

Moisesi aattamelaka waakonelingwe ni amoonakaru mwaamombe ni atthu yiinaka, aanyoonyiwa vancipale. Aavonyera vathi mukerekhere mwaako itthaabwa saari mmatatanimwawe apwexaka.

Okhuma 32:4

Aahaakuxa yaawo yaamuruuhenlaaya, anaahana, aatatuxaka ootheenaawo muluku oowootha akhalanaka ekhalelo ya mwaamombe. Vano awo yaaheera: “aYixrayeli, iya va milukusanyu sookhumihaleni wExipitu.”

Miteko 15:20

Ohiyanawaya, ontthuneya weera hiyo naalepele, naaleelaka weera ehikhuure inama soonanarihiwa ni miluku sikina, ehiraruwe, ehikhuure inama soonyopotoliwa mmilo, naari ehiwure ephomaaya.

1 aKorinto 10:14

Tivawo, axunnaka oosiveleya, mutthawe wa olapa miluku soolokottha.

1 aKorinto 5:11

Menetho kinoolepelani weera muhiithukumanyihe ni yaale aneera weera ari aKristu ereene alavilavi, anamilili, anamalapela miluku sikina, anamwaapa, anamawura, naari anamwiiya. Ni atthweene yaawo, hata khoontthuneya ocano vamoha.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 8:7

Wa soothesene, khaahiyono atthu ootheene asuwenle yeeyo. Akina nlelo ekhovelenleene miluku soolokottha moota wooweera ancaaya yooca eyo ntoko ereene yooca yootteeliheriwa miluku soolokottha seiyo. Ni seenre soowuupuwelasaya sikhalaka soohilipa, yooca eyo enoovaliheya.

Deuteronomiyo 9:12

anakeerela: “Mukhuruweke woowaakuveya, niwoko mulokwaanyu owo, mwa yoowo mukhumihalaanyu wExipitu woovirikanyiha. Woohapuwa woowaakuveya mphironi Miyo kilamulenlaaka, wiipakelaka ecaambulo yoohaniwa.”

1 Yohaane 5:21

Anamwane, mwiithokorore mwa miluku sikina.