1 aKorinto 10:32 - Emakhuwa Bible

³² Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku.

1 aKorinto 10:32 Iomraidhean Croise

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

Miteko 24:16

Tivawo kinaasaasaaka mahuku ootheene weera kikhale ni murima wooreera vamaithoni wa Muluku ni wa atthu.

aRooma 14:13

Tivawo, nihiyeke othorihana mukina ni mukhwaawe. Mulakele toko weera muhiikaathi nluku nookwattula, naari etthu enooceeliha mphironi ya munninyu.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.

1 aKorinto 10:33

Miyotho kinimweerera waasiveliha ootheene ni mikhalelo sootheene, niwoko nkinaasa mpuhaaka, mene mpuha wa atthu ancipale, weera evuluwe.

1 aKorinto 11:22

Weeraka nyuwo khamunono empa weiwo mungweraanyu oca ni owura? Hoye hoye munramusa ekerexa ya Muluku ni mungwuulihiha muru yaawo ahikhanle ni etthu? Nkooleeleni eheeni? Miyo nkoottottopeleni mwa yeeyo? Vekhaikhai hoye!

1 aKorinto 12:28

Hiiho Muluku ohaakhaliha mukerexani vanipuroni noopacera arummwa, nanaaveeli maprofeeti, nanaararu ahusiha, vahoolowaya yaawo ampaka sootikhiniha nitho yaawo arino yamahala yoolamiha, vahoolowaya yaawo arino yamahala yookhavihera, yaawo arino yamahala yoolamula, ni yaawo anuuluma muulumo makina.

1 aKorinto 15:9

Miyo kiri mukhaanene a arummwa ootheene, ni hata vakhaani nkiphwanenle wiitthaniwa murummwa, niwoko koottharatthara ekerexa ya Muluku.

1 aKorinto 7:17

Vanonto, khula mutthu apwaherere okhala moota Muluku onithoonyenraawe ntoko Owo onniitthanaawe. Nna ti nlamulonaka wa ikerexa sootheene.

1 aKorinto 8:13

Tivawo, yeeyo miyo kincaaka yamutthekiha munnaka, nkirwa kikhuuratho enama weera kihinkwattulihe munnaka.

2 aKorinto 1:1

Ya Pawulo, murummwa a Kristu Yeesu ntoko otthuna wa Muluku, ni munna Timootheyo. Wa ekerexa ya Muluku eri oKorinto, vamoha ni ootteela ootheene ankhala elapo yootheene ya wAkhaya.

2 aKorinto 6:3

Khanimukwattuliha akhalaru mutthu mwa yakhalaru etthu, weera mutekwaahu ohiramusiwe.

aGalata 1:13

Nyuwo mohiiwa sa mweettelowaaka, miyo kaaraaka mudiinini ya aYuda, ni moota kaattharattharaxaaka ekerexa ya Muluku kaasaasaka ophwata yeeyo.

aFilipi 1:10

weera musuwele yeeyo eri yooreera yoopwaha ni weeratho mukhale ootteela ni woohikhala malepa mpaka nihuku na Kristu.

aFilipi 3:6

munthitini namattharatthara a ekerexa; moottharani ekhaikhai ya nlamulo, oohikhala malepa.

1 aTesalonika 2:14

Niwoko nyuwo, axunna, moothatuwa anamatakiha a ikerexa sa Muluku siri oYudeiya mwa Kristu Yeesu. Nyuwo mwaahaawa itthusene seiyo niwoko na mulokwaanyu asineenaanyu, hiiho ntoko ikerexa iye saahaawaaya niwoko na aYuda,

1 Timootheyo 3:15

Miyo kapisatho, onoosuwela mweettelo wootthuneya wa atthu Mpaani mwa Muluku eri ekerexa ya Muluku mukumi, ereene marimbu ni mathipelo a ekhaikhai.

1 Timootheyo 3:5

Mukina aahiwera weettiha etthokwaawe, anaawere hai weettiha ekerexa ya Muluku?

Ruuti 3:14

Ruuti aahiixaatalela waamettowawe mpaka oxeexelo, mene aapeherera ovenya nsuwa nihinaaye okhuma weera ahooniwe. Bowazi aahuupuwela: “Ahikhale aneera asuwele weera muthiyana ola aari vanipuroni nimveeriwa*.”