1 aKorinto 1:9 - Emakhuwa Bible

⁹ Muluku ti oororomeleya, Yoowo owiitthanneni weera mukhale ngwiiwananani ni Mwanawe Yeesu Kristu.

1 aKorinto 1:9 Iomraidhean Croise

Icipo 100:5

Vano Yave ti ooreera ni osivelawawe woohihiyanyiheya ti woohimala. Ororomeleyawawe onkhala ni ikhapira sootheene.

Yesaya 11:5

Ekhaikhai eniikhale yoowiitthukelano vakakasani ni ororomeleya laamba a muyuununi.

Yesaya 25:1

Ii! Yave, Nyuwo ti Mulukwaaka. Kinimoovuhiwani ni kinoottottopela Nsinananyu, niwoko moopaka itthu sootikhiniha moororomeleyanimwanyu wookwanela – itthu saavaaneliwe khalayi.

Yesaya 49:7

Vano Yave, Mvuluxa ni Ootteela a oYixrayeli onimweerela yoole ooramusiwa ni oothanyiwa ni miloko, murumeiyi a anamalamula: “Mamwene anoowoonani, eneemela; anamwane a mamwene anoowoonani, enakokhora niwoko na Yave ori oororomeleya, Ootteela a oYixrayeli othanlaleni.”

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Matheyo 24:35

Wiirimu ni vathi onuuvire, mene maswaaka kheerwa eviratho.

Yohaane 17:21

weera ootheene ekhale mmoha, Tiithi, ntoko Nyuwo muraanyu mwa Miyo ni Miyo mwa Nyuwo, ni weera awo ekhaletho mwa Hiyo. Hiiho amalapo eniiroromele weera Nyuwo mwaakirumiha.

aRooma 11:17

Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai.

aRooma 8:28

Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye.

aRooma 8:30

Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho.

aRooma 9:24

Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 10:13

Khamweereriwe nyuwo ohikhanle ni sooweereriwa sa omutthu. Muluku ti oororomeleya. Owo khantthunihera weera nyuwo mweereriwe opwaha yeeyo mungweraanyu ovilela. Vano, mweereriwa, Owo onimoovahani moota woowoopowa, weera muwere ovilela yooweereriwa.

1 aKorinto 10:16

Ekoomixi ya nreeliho hiyo ninreelihaahu, kheehiyono wiiwanana ni ephome ya Kristu? Ni epaawu hiyo nimmeyanyaahu, kheehiyono wiiwanana ni erutthu ya Kristu?

2 aKorinto 1:18

Wa soothesene, ntoko Muluku oraawe oororomeleya, mutthengaahu wa nyuwo khoohiyono “aani” ni “hoye,”

aGalata 1:15

Waamusivenlaaya Muluku okimwalanyinghe okhuma mweerutthuni ya amayaka ni okiitthanne ni mahalaawe, weera

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

awEfeso 3:6

Ntikhinelo ti nna: niwoko na masu ooreeraxa, amalapo anoowera waakhela yoohiyeriwa* vamoha ni aYixrayeli. Amalapo aritho mipatta sa erutthweene yeeyo, ni mwa Kristu Yeesu aakhalano yoororomelihiweene yeeyo ntoko aYixrayeli.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Deuteronomiyo 7:9

Musuwele weera Yave Mulukwaanyu ti Muluku. Owo ti Muluku oororomeleya ompwaherera wiiraana ni onnene wa ikhapira macira muloko sa yaawo animusivela yiiwelelaka malamulowaawe.

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

2 aTesalonika 2:14

Owo owiitthanenleni yeeyo ni maswaahu ooreeraxa weera mwaakhele ovuwa wa Apwiyaahu Yeesu Kristu.

2 aTesalonika 3:3

Apwiyatho ti oororomeleya. Awo anoolipiherani ni anoothokororani mwa namatakhala.

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

2 Timootheyo 2:13

Nakhala oohiroromeleya, Owo onookhala oororomeleya, niwoko khangwera wiikhootta mwaneenaawe.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

aHeberi 10:23

Nivarexexe nnenesene oweherera ninlapaahu, niwoko Yoowo ororomelihale ti oororomeleya.

aHeberi 11:11

Munroromeloni Abrahaamu, aarookhalaru namuuluvala nitho Sara oohiyara, aahaakhela ikuru sa omuyara mwaana, niwoko aaroromela weera Yoowo aamuroromelihale aari oororomeleya.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 1:3

Hiyo ninoolaleerani yeeyo noonnaahu ni niiwalaahu weera nyuwotho mukhale oowiiwanana ni hiyo. Wiiwananawahu ori ni Atiithi ni Mwanaya, Yeesu Kristu.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 4:13

Noosuwela weera hiyo ninkhala mwa Yoowo ni Owo mwa hiyo, niwoko oonivaha sa Munepaawe.

Ethupululo 19:11

Kaahoona wiirimu ohuleiyeene ohoolowaka ni ekavalu* yootteela mwa yeeyo Namweettihaaya oniitthaniwa Oororomeleya ni Ekhaikhai. Owo onthoriha ni ongwana ni ekhaikhai.