ZWILILO 5:5 - BIVHILI KHETHWA Mafhungo Madifha

⁵ Vha ri poṋodza zwirethe, a vha ri humeli; ro neta, a ri vhuyi ra awela.

ZWILILO 5:5 Iomraidhean Croise

JEREMIA 27:2

Muṋe washu o mmbudza a ri, “Ḓivhaḓele dzhogo u i itele pfuṋelo dza nnzwa u i vhee mutsingani wau.

JEREMIA 27:8

“ ‘Huno arali luṅwe lushaka kana muṅwe muvhuso wa sa shumela Nebukhadnetsara khosi ya Babele, lwa sa tenda u ṋekedza mutsinga uri a lu vhee dzhogo, lwonolwo lushaka ndi ḓo lu vhulaha nga pfumo na nḓala na dwadze ndi vhuye ndi lu lozwe tshoṱhe nga tshanḓa tshawe.

JEREMIA 28:14

Nṋe Yahavee Mulangazwoṱhe Mudzimu wa Israele ndi ri: Tshakha dzoṱhe hedzi ndi ḓo dzi hwesa dzhogo ya tsimbi mitsingani nda dzi ita phuli dza Nebukhadnetsara khosi ya Babele, dzi ḓo mu shumela. Ndi ḓo ita uri a vhuse na dzone phukha dza ḓaka!’ ”

JEREMIA 51:58

Muṋe washu Mulangazwoṱhe u ri, “Mutsheṱo mudenya wa Babele u ḓo thuthwa, gethe dzawo ndapfu dzi ḓo fungwa nga mulilo. Tshakha dzi sokou ḓinetisa nga zwifhaṱo zwadzo, mushumo wa dzitshakha wo no sokou vha mapfura a khavhu.”

ZWILILO 1:14

Zwivhi zwanga o zwi luka nga zwanḓa zwawe, zwa vhofhekana zwa vha dzhogo; zwa dzula nṱha ha mutsinga wanga. Muṋe washu o nkhamula nungo o nkumedza vhane nda si vha kone.

ZWILILO 1:3

Vhathu vha Juda vho thubiwa vha tambudzwa vha shumiswa nga tshiṱuhu, vha vho dzula vhukati ha dzitshakha; a hu na hune vha awela hone. Vhoṱhe vhane vha vha pandamedza vho vha fara vha vha thathedza.

ZWILILO 4:19

Vhatovholi vhashu vho vha vhe na luvhilo lu no fhira lwa magoni; vho ri pandamedza dzithavhani, vha ri lalela phangani.

MIKA 2:3

Zwenezwo Muṋe washu u ri, “Inwi vha tshigwada hetsho, ndi khou elekanya u ni ḓisela khombo ine na nga si i ponyoke. A ni tsha ḓo tshimbila ni na mutsindo, ngauri zwi ḓo vha zwo vhifha.

MATIOSI 11:29

Ḓihweseni dzhogo yanga ni gude kha Nṋe; ndo vuḓa, ndi na mbilu ya u ḓiṱukufhadza; ndi hone ni tshi ḓo rudza mbilu.

MISHUMO 15:10

Zwino ni itwa ngani ni tshi linga Mudzimu nga u funa u hwesa avha vhathu muhwalo we wa kunda riṋe na vhomakhulukuku washu?

DOTORONOMIO 28:48

ni ḓo shumela maswina ane Muṋe washu a ni rambela, na vha shumela ni tshi tambula nga nḓala na ḓora na tsiku na vhushai, vha ni hwesa dzhogo ya tsimbi muṱanani vha vhuya vha ni lozwa tshoṱhe.