ZWILILO 5:17 - BIVHILI KHETHWA Mafhungo Madifha

¹⁷ Ndi zwe mbilu dzashu dza ṋoka. Ndi nga mulandu wa hezwi zwithu maṱo ashu a tshi vho vha na luswiswi,

ZWILILO 5:17 Iomraidhean Croise

JOBO 17:7

Ndo ṱoḓou pofula nga u ḽa mbilu; miraḓo yanga yo fhelela, ndo sala ndi murunzi.

DZIPHISALEMA 31:9

Muṋe washu, nkhathutshele, ndo hanganea! Maṱo anga o punda nga miṱodzi, ndo kulekana miraḓo tshoṱhe,

DZIPHISALEMA 38:8

Ndo ṱahala tshoṱhe, ndo pwashekana, ndi khou gomela nga vhuṱungu vhu re mbiluni yanga.

DZIPHISALEMA 6:7

Maṱo anga o no tou punda nga u lila; ha tsha vhona nga mulandu wa vhakandeledzi vhanga.

DZIPHISALEMA 69:3

Ndo neta nga u ṱavha mukosi, mikulo yanga i ita na u rema; maṱo anga o ita na u punda ndó lindela Mudzimu wanga a tshi nndamulela.

YESAYA 1:5

Hu tshee ho sala ngafhi hune na nga rwiwa hezwi ni tshi ḓi futelela u shandukela Mudzimu? Hufha ṱhoho yoṱhe yo ḓala mbonzhe, na mbilu i si tshee na nungo.

YESAYA 38:14

Vhutshilo hanga ho vha ho tumulwa ha fhela unga dennde ya mulisa yo rathululwaho ya ladzwa, unga sila ḽine ḽa tumulwa nga muluki ḽa petwa, vhusiku na masiari nda pfa Mudzimu o nṱamba tshoṱhe,

JEREMIA 46:5

Ndi khou vhona mini? Vho farwa nga nyofho, vha khou humela murahu, vhahali vhavho vho kundwa, vha khou shavha nga luvhilo, a vha tsha sedza murahu, vho no tou tangwa nga zwi ofhisaho,” u ralo Muṋe washu.

JEREMIA 8:18

Mbilu yanga i a vhavha, i tou ṋoka.

ZWILILO 1:13

O wisa mulilo u tshi bva ṱaḓulu, a u tsisela fhasi wa dzhena maramboni anga. O ṱharamudza mambule a mpfasha milenzhe a nṱanamisa. O ita uri ndi sale ndi ndoṱhe, nda ṱwa ndi tshi lwala.

ZWILILO 1:22

Ngavhe vhuvhi havho hoṱhe vhu tshi swika maṱoni au! Vha lifhedze unga wo lifhedze nṋe nga vhuvhi hanga hoṱhe. Zwigomelo zwanga ndi zwinzhi, ndo kulea nungo.”

ZWILILO 2:11

Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ESEKIELE 21:15

Zwo itelwa uri mbilu dzi ṋoke, vha no wa vha vhe vhanzhi, ndo vhea banga ḽa u vhulaha khoroni dzavho dzoṱhe. Yawee! Ḽo itelwa u penya unga lupenyo, ḽo farelwa u vhulaha.

ESEKIELE 21:7

Arali vha u vhudzisa vha ri, ‘U gomelelani?’ u vha fhindule u ri, ‘Ndi mafhungo a no khou ḓa a no ḓo ita uri mbilu dzoṱhe dzi ṋoke, zwanḓa zwi kulee nungo, mbilu dzi vhavhe, vhoṱhe vha ḓiṱambulutshele zwi tse na milenzhe. Zwino zwo swika, zwo no vha fhano –’ hu amba Nṋe Muṋe wa zwoṱhe Yahavee.”

LIVITIKO 26:36

“Vhathu vha haṋu vha re vhuthubwani ndi ḓo vha tshenusa lune vha tshi pfa ṱari ḽa muri ḽi tshi hwalwa nga muya vha ḓo shavha. Ni ḓo shavha unga vhathu vha no khou pandamedzwa nndwani, na wa hu si na swina tsini haṋu.

MIKA 6:13

Ndi zwine nda vho thoma u u rwa, nda tou u phusukanyela vhutshinyi hau.

DOTORONOMIO 28:65

Henefho mashangoni a tshakha idzo Muṋe washu u ḓo ita uri ni si tendelwe u awela, ni ḓo tou tendeleka naḽo, ngauri Muṋe washu u ḓo ita uri ni dzule ni tshi ofha, ni swiswini ḽihulu, nó hanganea.