ZWILILO 5:1 - BIVHILI KHETHWA Mafhungo Madifha

¹ Muṋe washu, elelwa zwo ri welaho, edzou sedza u vhone ṱhoni dzashu.

ZWILILO 5:1 Iomraidhean Croise

NEHEMIA 1:3

Vhone vha fhindula uri vho vhuyaho vhuthubwani vha khomboni khulu, na uri vhatsinda vho dzulaho tsini navho vha a vha nyadza. Vha dovha vha mmbudza uri mitsheṱo ya Jerusalema i tshee yo thuthwa, na khoro dzawo dzo fhiswa nga mulilo.

NEHEMIA 1:8

Elelwa ndayo dze wa ṋea Mushe muḓinḓa wau u tshi ri, ‘Arali inwi vhathu vha Israele ni tshi ntshandukela, ndi ḓo ni balanganya na dziṅwe tshakha.

NEHEMIA 4:4

Nṋe nda rabela nda ri, “Yawee Mudzimu, ipfa vha tshi kola! Ngavhe u ri goḓa havho hu tshi wela nṱha ha ṱhoho dzavho. Ngavhe vha tshi ṱangulwa zwoṱhe zwine vha vha nazwo, vha hwalwa vha iswa vhuthubwani shangoni ḽisili.

JOBO 10:9

U songo hangwa uri wo mmbumba nga vumba; kani u vho ṱoḓa u nkuya nda vhuelela buseni?

JOBO 7:7

Mudzimu, u songo hangwa uri vhutshilo hanga vhu tou vha mufemo, a thi tsha ḓo dovha nda vhona zwivhuya.

DZIPHISALEMA 119:153

Edzou sedza u vhone u shengedzwa hanga – a u nndamukisi? Hufha mulayo wau ndi sa u hangwi.

DZIPHISALEMA 74:18

Muṋe washu, u songo hangwa uri maswina a a u nyefula; ndi matsilu, a a u nyadza.

DZIPHISALEMA 79:12

Muṋe wa zwoṱhe, maṱamba e vhahura vhashu vha a posa ha Iwe, vha lifhedze kaṱanu na kavhili.

DZIPHISALEMA 79:4

Vhahura vhashu vha a ri holedza, vhe ra ṋekana navho masakha vha a ri sea vha ri goḓa.

YESAYA 62:6

Iwe Jerusalema, ndo vhea vhalindi mitsheṱoni yau; vhusiku na masiari vha songo vhuya vha fhumula. Nga vha humbudze Muṋe washu zwe a fulufhedzisa, vha si vhuye vha mu litsha a tshi vha hangwa;

JEREMIA 15:15

Zwenezwo nṋe nda ri, “Iwe Muṋe washu u a ṱalukanya; nnyelelwe u nndondole. Nndifhedzele vha ntovholaho. U songo mphelela mbilu wa nnzhavhula nga mbiti dzau. Edzou vhona zwine nda nyadzelwa u ima na Iwe.

JEREMIA 51:51

“Ro shona nge ra nyadziwa, ro tou niwa nga ṱhoni, nge vhatsinda vha dzhena fhethu hukhethwa nḓuni ya Muṋe washu.”

ZWILILO 1:11

Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:20

“Muṋe washu, edzou vhona uri zwi khou mmbavha hani! Ngomu hanga hu tou duga, mbilu yanga i a vhavha; ndo vha ḽishandukwa vhukuma. Nnḓa pfumo ḽi a vhulaha, ngomu nḓuni ndi lufu fhedzi.

ZWILILO 1:9

O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 2:15

Vhoṱhe vhafhiri vha nḓila vha vhanda zwanḓa vha ri, “Koṱo!” vha u nzhonzhowedza, vha u dzungudzela dziṱhoho iwe Jerusalema. Vha ri, “Nṋa uyu ndi uḽa muḓi we wa vha u tshi pfi u khunyelela ha lunako, dakalo ḽa ḽifhasi ḽoṱhe?”

ZWILILO 2:20

“Yawee Muṋe washu, edzou sedza u elekanye uri: We wa vhuya wa mu ita nga u rali ndi nnyi? Vhasadzi vha vho ḽa zwibebwa zwavho, vhana vhavho vhe vha tou vha mamisa vha vha alusa. Tshifhe na muporofita vha vhulawa thembeleni ya Muṋe washu.

ZWILILO 3:19

Ndi tshi elelwa u tambula hanga na u tendeleka hanga, zwi kalakata unga ndulu na vhutulu.

ZWILILO 3:50

Muṋe washu a vhuye a lavhelese fhasi e ṱaḓulu a zwi vhona.

ZWILILO 3:61

Iwe Muṋe washu, wo pfa maṱamba avho, na zwoṱhe zwine vha nndangana,

HABAKUKU 3:2

Muṋe washu, ndo pfa zwa bvumo ḽau, mishumo yau i a nnyofhisa Muṋe washu. Dovha u ite mishumo yeneyo misi ino yashu, i dzumbulule tshifhinga tshino tshashu. Naho wa sinyuwa u elelwe u khathutshela.

LUKASI 23:42

A konou amba na Yesu a ri, “Yesu, vha nkhumbule-vho musi vha tshi dzhena vhuhosi!”