ZWILILO 4:6 - BIVHILI KHETHWA Mafhungo Madifha

⁶ Vhutshinyi ha vhathu vhanga vhu fhira vhuḽa ha Sodoma, we wa sokou phusukana kathihi fhedzi hu si na we a isa tshanḓa.

ZWILILO 4:6 Iomraidhean Croise

GENESI 19:24

Muṋe washu a nisela Sodoma na Gomora tsevhela i fhisaho i tshi bva ha Muṋe washu ṱaḓulu.

GENESI 19:25

A phusukanya iyo miḓi na mudavhi woṱhe, khathihi na vhoṱhe vha dzulaho afho muḓini, na zwimela zwa shango.

YESAYA 24:2

Vhoṱhe vha ḓo welwa nga zwi fanaho! Vhathu zwavho na vhotshifhe, dziphuli na vhaṋe vhadzo, musidzana wa mushumi, na mufumakadzi, murengi na murengisi, muadzimi na mupambi, mupfumi na mushai – vhoṱhe zwi ḓo vha wela.

JEREMIA 20:16

Onoyo munna ngavhe a tshi nga miḓi ya Sodoma na Gomora ye Muṋe washu a i phusukanya a sa i khathutsheli. Ngavhe a tshi pfa tshililo nga matsheloni, na mukosi wa nndwa masiari tshivhangalala.

JEREMIA 23:14

Hone zwe nda vhona kha vhaporofita vha Jerusalema zwi tou nengisa u fhirisisa. Vha ita vhupombwe vha tevhela mazwifhi, vha ṱuṱuwedza vhaitazwivhi uri vha si furalele vhuvhi havho. Vhoṱhe ndi vhona vha tshi nga Sodoma; vhathu vha Jerusalema vha nga Gomora.”

ZWILILO 4:9

Vhe vha vhulawa nga pfumo vha khwiṋe u fhira vhe vha fa nga nḓala. Vhe vha ṱahadzwa nga nḓala vha fhelela nga u shaya zwiḽiwa zwi bvaho masimuni.

DANIELE 8:25

U ḓo ita vhufhura zwa mu nakela, a ḓihudza, a wela vhanzhi vha songo humbula, a vha lozwa. U ḓo imedzana na Muvhusi wa vhavhusi, hone u ḓo lozwiwa, hu si nga tshanḓa tsha muthu.

DANIELE 9:12

Wo khunyeledza maipfi e wa amba wa ri u ḓo rwa riṋe na vhavhusi vhoṱhe vhashu nga u ri ḓisela khombo khulu. Shangoni ḽoṱhe a hu athu vhuya ha itwa zwo itwaho Jerusalema.

MATIOSI 24:21

Maṱhupho a misi iyo a ḓo fhira oṱhe o no vhuyaho a vha hone u bva tshee shango ḽa sikwa u swika zwino. Nahone zwine zwa nga zwone a zwi nga dovhi zwa vha hone.

LUKASI 10:12

A vha Nṋe ndi ri nga ḓuvha ḽa khaṱhulo ṱhamu ine Mudzimu a ḓo rwa ngayo uyo muḓi i ḓo vhavha u fhira na i no ḓo rwa Sodoma.

LUKASI 12:47

Mushumi ane a ḓivha zwine muṋe wawe a zwi ṱoḓa, hone a si zwi ite, a si dzule o ḓilugisa, u ḓo wana ṱhamu nnzhi;