ZWILILO 4:22 - BIVHILI KHETHWA Mafhungo Madifha

²² Iwe Tsioni, ṱhamu yau i ḓo guma, Muṋe washu ha nga lapfisi u thubwa hau. Hone iwe ṅwananyana wa Edomo, u ḓo u rwela vhukhakhi hau, a ṱana vhutshinyi hau.

ZWILILO 4:22 Iomraidhean Croise

DZIPHISALEMA 137:7

Muṋe washu, u songo hangwa zwe Vhaedomo vha ita musi wa u lozwiwa ha Jerusalema; vho ri, “U thutheni! U thutheni, na miteo yawo!”

YESAYA 40:2

Khuthadzani vhathu vha Jerusalema, vha vhudzeni uri vho tambulesa, zwino vho hangwelwa vhutshinyi havho; ndo vha lifhisa milandu yavho yoṱhe kavhili.”

YESAYA 52:1

Iwe Tsioni, vuwa! Takuwa, ambara maanḓa au! Iwe Jerusalema, muḓi mukhethwa, ambara dza maṱeleṱele! Vha songo fumbaho na vha dzitshika a vha tsha ḓo dzhena ngomu hau.

YESAYA 60:18

Vhuvemu a vhu tsha ḓo pfala shangoni ḽau; ngomu hau a hu tsha ḓo vha na phusuphusu na ndozwo; mitsheṱo yau u ḓo ri i pfi ‘U tshidzwa’, khoro dzau wa ri dzi pfi ‘Thendo’.

JEREMIA 32:40

Ndi ḓo vhofha mulanga navho u no ḓo vha wa lini na lini: A thi nga vhuyi nda litsha u vha tonda, ndi ḓo vha ṋea mbilu ya uri vha nnyofhe, uri vha si tsha ntshandukela.

JEREMIA 33:7

Ndi ḓo vhuisa Juda na Israele vhuthubwani nda dovha nda vha fhaṱa vha nga zwe vha vha vhe zwone kale.

JEREMIA 33:8

Ndi ḓo vha ṱanzwa tshika dza vhutshinyi hoṱhe he vha nkhakhela, nda vha hangwela vhutshinyi havho hoṱhe ha u ntshandukela.

JEREMIA 49:10

Hone Esau ndi ḓo mu bvula zwiambaro a sala e fhedzi; ndi ḓo fukula vhudzumbamo hawe, uri a si kone u dzumbama. Vhana vhawe na mashaka awe na vhahura vhawe vha ḓo lovha, ha tsha ḓo vha hone ane a nga ri,

JEREMIA 50:20

Misi yeneyo, tshifhinga tshenetsho, mulandu wa Israele u ḓo londoloswa, wa wanala u siho, ha londoloswa na vhutshinyi ha Juda, ha wanala vhu siho, ngauri ndi ḓo hangwela tsalela dza vhathu vhe nda vha sia,” u ralo Muṋe washu.

ZWILILO 4:21

Iwe Edomo, pembela zwau, takala zwau iwe u no dzula shangoni ḽa Utsi. Na iwe tshinwelo u ḓo tshi nwa-vho, wa tou kambwa wa bvula zwiambaro wa sala fhedzi.

ZWILILO 4:6

Vhutshinyi ha vhathu vhanga vhu fhira vhuḽa ha Sodoma, we wa sokou phusukana kathihi fhedzi hu si na we a isa tshanḓa.

ESEKIELE 37:28

Ndi hone tshakha dzi tshi ḓo zwi ḓivha uri ndi Nṋe Yahavee we nda ḓikhethela Israele, musi nnḓu yanga khethwa i navho lini na lini.’ ”

ESEKIELE 6:12

Vha re kule vha ḓo fa nga dwadze, vha re tsini vha ḓo vhulawa nga pfumo, vho salaho vho govhelwa vha ḓo fa nga nḓala; mbiti dzanga dzi ḓo fhelela khavho nga u ralo.

OBADIA 1:10

“U ḓo tibwa nga ṱhoni, u ḓo lozwiwa tshoṱhe, nge wa huvhadza murathu wau Jakopo.

MALAKIA 1:3

Esau nda mu vhenga, nda phusukanya shango ḽawe, thavha dzawe dza sala ḽi soga, shango ḽawe ḽa vha ḽa phunguhwe dza phangani.”

MALAKIA 1:4

Vhathu vha Edomo vha nga ḓi ri, “Naho ro kuyekanywa ri ḓo dovha ra vusa matumba ashu.” Huno Muṋe washu Mulangazwoṱhe u ri, “Vhone nga vha a vuse zwavho, Nṋe ndi ḓo dovha nda a thutha. Vha ḓo pfi ‘Shango Ḽivhi, vhathu vhe Yahavee a dzula o vha nengwa.’