ZWILILO 4:20 - BIVHILI KHETHWA Mafhungo Madifha

²⁰ Mufemo wa vhutshilo hashu, ene mutiwa wa Muṋe washu, vho mu fasha nga khunḓa dzavho. Ro vha ri tshi vhona unga ri ḓo tshila rí vhukati ha dzitshakha, rí fhasi ha murunzi wawe.

ZWILILO 4:20 Iomraidhean Croise

GENESI 2:7

Muṋe washu Mudzimu a vhumba muthu nga mavu, ningoni dzawe a vhudzulela mufemo u ṋeaho vhutshilo, muthu a mbo ḓi thoma u tshila.

GENESI 44:30

“Zwino-ha, mulanda wavho khotsi ashu a vha tsha ṱoḓa u fhambana na uyu mutukana; arali ra mu sia,

2 SAMUELE 1:14

Dafita a mu vhudzisa a ri, “Ndi mini ni songo ofha u angaladza tshanḓa na vhulaha mutiwa wa Muṋe washu?”

2 SAMUELE 1:21

“Inwi thavha dza Gilibua, ngavhe ni tshi teketelwa! Hu songo tsha wa ṅwando, hu songo tsha na mvula kha inwi, hu songo tsha mela thoro ya nduvho! Henefho ho kumala tshiṱangu tsha vhahali! Tshiṱangu tsha Saulo a tshi tsha ḓodzwa mapfura.

2 SAMUELE 18:3

Vhone vha fhindula vha ri, “Vha songo bva na riṋe, arali ra shavha, riṋe vha nga si ri tevhele. Naho ha lovha hafu yashu vha nga si londe riṋe. Vhone vha fana na zwigidi zwa fumi zwashu. Ndi khwiṋe vha tshi tou ri khwaṱhisa vhe henefha muḓini.”

2 SAMUELE 19:21

Ndi hone Abishai ṅwana wa Tseruya a tshi ri, “Shimei ho ngo fanela u vhulawa naa? Hufha o teketela we Muṋe washu a mu nanga uri a vhe khosi!”

2 KORONIKA 35:25

Mupofita Jeremia a sika luimbo lwa u lilela khosi Josiasi. Yo mbo ḓi vha nḓowelo ya vhaimbi shangoni ḽa Israele, na ṋamusi, vha lu imba vha tshi mu lila. Lwo ṅwalwa buguni ya Zwililo.

YESAYA 32:2

Muṅwe na muṅwe wavho u ḓo nga tshipilamuya na vhudzumbamo musi wa mvula khulu; vha ḓo nga milambwana i elaho phangani, vha nga murunzi wa dombo ḽihulu shangoni ḽo bvaho.

JEREMIA 39:5

Hone mmbi ya Vhababele ya vha pandamedza ya fara Tsedekia midavhini ya Jeriko. Vha mu fara vha mu isa ha Nebukhadnetsara khosi ya Babele e Ribila shangoni ḽa Hamathi, a mu haṱula hone.

JEREMIA 52:8

hone Vhababele vha pandamedza khosi Tsedekia vha mu fara mudavhini wa Jerikho. Vhahali vhawe vhoṱhe vha fhandekanywa nae vha balangana,

JEREMIA 52:9

ene a thubiwa. A dzhiwa a iswa ha khosi ya Babele muḓini wa Ribila shangoni ḽa Hamathi, ya mu haṱula henefho.

ZWILILO 2:9

Khoro dzawe dzo wa, dzo no tou fukedzwa nga mavu; tswinga dzadzo o dzi vunḓekanya a dzi posa kule. Khosi yawe na vhavhusi vhawe vho thubwa nga dzitshakha, a hu tsha funzwa mulayo, vhaporofita vhawe a vha tsha wana mabono a bvaho kha Muṋe washu.

ESEKIELE 12:13

Ndi ḓo ṱharamudza mambule anga nda a posa nṱha hawe, nda mu fasha nga mambule anga; ndi ḓo mu hwala nda mu ḓisa Babele shangoni ḽa Vhakhaladia, hone maṱo awe a nga si ḽi vhone; u ḓo fela henefhano Babele.

ESEKIELE 17:18

O nyadza muano, a tshinya mulanga we wa vha wo mu vhofha. O ita zwoṱhe hezwo, ha nga tinyi ṱhamu.’ ”

ESEKIELE 31:17

Tshakha dzoṱhe dze dza vha dzi tshi ima nawo, dzi tshi dzula murunzini wawo dzi godimela nawo fhasi-fhasi dindini, hu re na vho vhulawaho nga pfumo.

DANIELE 4:12

Wa ita tshimvingimvingi tsha u naka, wa vha na mitshelo minzhi, ya fusha vhoṱhe vha re fhasi hawo. Zwivhanda zwa ḓaka zwo vha zwi tshi lala murunzini wawo, zwiṋoni zwa fhaṱa zwiṱaha matavhini awo, zwoṱhe zwi tshilaho zwa wana zwiḽiwa khawo.

HOSIA 13:10

Khosi yaṋu ine ya nga ni tshidza i ngafhi? Ni tshi amba ni ri, ‘Ri fhe khosi, ri fhe vhavhusi.’ Zwino vhavhusi vha miḓi yaṋu yoṱhe vha ngafhi?

VHARANGAPHANḒA 9:15

Murenzhe wa tenda wa ri, ‘Arali nangoho ni tshi funa u nnyita khosi, iḓani-ha ni dzule murunzini wanga; na sa ralo hu ḓo bva mulilo kha nṋe wa fhisa mikedara ya Libanoni.’ ”

1 SAMUELE 12:3

Nṋe ndi fhano, ṱanzilelani ni bule vhutshinyi hanga ni tshi pfiwa nga Muṋe washu na khosi ye a i nanga. Ndo vhuya nda dzhia phulu ya nnyi? Ndo vhuya nda dzhia donngi ya nnyi? Ndo vhuya nda fhura nnyi? Ndo vhuya nda kandeledza nnyi? Ndo vhuya nda ṱanganedza tshanḓanguvhoni kha nnyi uri ndi tsinye iṱo? Arali ndo vhuya nda ita tshiṅwe tsha zwenezwo, ndi ḓo tshi lifha.”

1 SAMUELE 12:5

Samuele a vha vhudza a ri, “Muṋe washu ndi ṱhanzi ya uri inwi a no ngo wana tshe nṋe nda tshinya, na khosi ye a i nanga ndi ṱhanzi ṋamusi.” Vhone vha ri, “Ngoho, Muṋe washu ndi ṱhanzi.”

1 SAMUELE 16:6

Musi vha tshi swika Samuele a vhona Eliaba, a elekanya a ri, “Vhukumakuma mutiwa wa Muṋe washu ngoyu!”

1 SAMUELE 24:10

Ṋamusi ḽino vho zwi vhona nga avho maṱo zwe Muṋe washu a vha kumedza zwanḓani zwanga ngei bakoni. Ndo vha ndo humbula u vha vhulaha, hone nda litsha u vha vhulaha, nda ri, ‘Ndi nga si ise tshanḓa tshanga kha muṋe wanga, ngauri ndi mutiwa wa Muṋe washu.’

1 SAMUELE 24:6

Dafita a amba na vhanna vhe a vha e navho a ri, “Ngavhe Muṋe washu a sa tendi ndi tshi ita muṋe wanga zwithu zwa u ralo, hufha e mutiwa wa Muṋe washu. Ndi songo vhuya nda isa tshanḓa khae, ndi mutiwa wa Muṋe washu.”

1 SAMUELE 26:16

Zwe na ita a si zwavhuḓi. Ndi ana nga Muṋe washu a tshilaho ndi ri, inwi na vhanna vhane na vha navho no fanela u vhulawa, nge na si linde muṋe waṋu mutiwa wa Muṋe washu. Edzonu sedza, pfumo ḽa khosi na mvuvhelo ya maḓi zwe zwa vha zwi dziṱhohoni dzavho zwi ngafhi?”

1 SAMUELE 26:9

Huno Dafita a amba na Abishai a ri, “Ni songo mu vhulaha! Ndi nnyi ane a nga isa tshanḓa kha mutiwa wa Muṋe washu a si ovhe mulandu?”