ZWILILO 4:19 - BIVHILI KHETHWA Mafhungo Madifha

¹⁹ Vhatovholi vhashu vho vha vhe na luvhilo lu no fhira lwa magoni; vho ri pandamedza dzithavhani, vha ri lalela phangani.

ZWILILO 4:19 Iomraidhean Croise

JEREMIA 16:16

Muṋe washu u ri, “Ndi ḓo ruma vharei vha khovhe vhanzhi vha ḓa vha fasha havha vhathu. Ngavhuya ndi ḓo ruma vhazwimi vhanzhi vha ḓa vha vha zwima dzithavhani dzoṱhe na mivhunduni na mapakoni vhukati ha nngwa.

JEREMIA 4:13

Vhonani maswina a khou swika nga luvhilo unga gole, gariki dzao dzi khou ḓa unga tshiḓumbumukwe, bere dzao dzi na luvhilo lu no fhira lwa goni. Ro welwa nga khombo! Ndi hone ro lovha!

ZWILILO 1:13

O wisa mulilo u tshi bva ṱaḓulu, a u tsisela fhasi wa dzhena maramboni anga. O ṱharamudza mambule a mpfasha milenzhe a nṱanamisa. O ita uri ndi sale ndi ndoṱhe, nda ṱwa ndi tshi lwala.

HOSIA 8:1

Muṋe washu u ri, “Lidzani phalaphala! Goni ḽi khou fhufha nṱha ha Israele nnḓu ya Yahavee. Ndi nge vhathu vha vhofholola mulanga wanga vha shandukela mulayo wanga.

HOSIA 8:3

Hone vho nengwa zwine zwa vha zwivhuya; ndi zwone, maswina avho a ḓo vha tovhola.

LIVITIKO 26:36

“Vhathu vha haṋu vha re vhuthubwani ndi ḓo vha tshenusa lune vha tshi pfa ṱari ḽa muri ḽi tshi hwalwa nga muya vha ḓo shavha. Ni ḓo shavha unga vhathu vha no khou pandamedzwa nndwani, na wa hu si na swina tsini haṋu.

AMUSI 2:14

Na wa luvhilo a nga si ponyoke musi wonoyo, wa nungo u ḓo wana nungo dzawe dzi si na mushumo, na muhali a nga si ḓitshidze;

HABAKUKU 1:8

Bere dzavho dzi na luvhilo lu no fhira lwa nngwe, dzi ofhisa u fhira maṱalerwa. Bere dzavho dzi gada dzi tshi ya, vhanameli vhavho vha dzibere vha bva kule. Dzi fhufha unga goni ḽi tshi zhuvhula mbila.

DOTORONOMIO 28:49

Muṋe washu u ḓo ni rambela lushaka lu no bva kule-kule vhusendekamisi lwa ni zhuvhula unga goni. Ndi lushaka lune na sa ḓivhe luambo lwalwo,