ZWILILO 4:18 - BIVHILI KHETHWA Mafhungo Madifha

¹⁸ Maswina o ri zwima hoṱhe he ra vha ri tshi kanda hone, uri ri si kone u tshimbila mikotoni ya muḓi washu, vhufhelo hashu ho vha vhu tsini, maḓuvha ashu o vha o vhaliwa, vhufhelo hashu ho vha ho swika.

ZWILILO 4:18 Iomraidhean Croise

JOBO 10:16

Zwa nnakela, u nndodela unga ndau, wa vhuya wa ita na maḓembe u tshi ṱoḓa u mmbaisa.

DZIPHISALEMA 140:11

Vhasasaladzi kha vha shaye vhudzulo fhano shangoni; khombo kha i londe vhadzia-u-levha, i vha lozwe!

JEREMIA 1:12

Muṋe washu a mmbudza a ri, “Wo zwi vhona zwavhuḓi. Ndo lindela u khunyeledza zwe nda amba.”

JEREMIA 16:16

Muṋe washu u ri, “Ndi ḓo ruma vharei vha khovhe vhanzhi vha ḓa vha fasha havha vhathu. Ngavhuya ndi ḓo ruma vhazwimi vhanzhi vha ḓa vha vha zwima dzithavhani dzoṱhe na mivhunduni na mapakoni vhukati ha nngwa.

JEREMIA 37:13

Hone musi a tshi swika Khoroni ya Benyamini, muhulwane wa vhalindi, we a vha a tshi pfi Iriya ṅwana wa Shelemia, ṅwana wa Hanania, a mu fara a ri, “Iwe u khou shavhela kha Vhababele!”

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

JEREMIA 51:33

Muṋe washu Mulangazwoṱhe Mudzimu wa Israele u ri, “Vhathu vha Babele vha nga luvhata, ho swika tshifhinga tshavho tsha u kandekanywa; vha ḓo ṱuwa vha tshi kaṋiwa unga khaṋo.”

ZWILILO 3:52

Vhe vha vha vha tshi sokou mmbenga vho vha vha tshi nnzwima unga tshiṋoni.

ESEKIELE 12:27

“Iwe ṅwana wa muthu, vhathu vha Israele vha ri, ‘Bono ḽine hoyu munna a ḽi vhona ḽi amba zwi kha ḓi ḓaho zwine zwa kha ḓi vha kule; u khou porofita zwa tshifhinga tshine tsha kha ḓi vha kule.’

AMUSI 8:2

Muṋe washu a vhudzisa a ri, “Amusi, u khou vhona mini?” Nṋe nda fhindula nda ri, “Ndi khou vhona tshirundu tsho fara mitshelo yo vhibvaho.” Ndi hone Muṋe washu a tshi mmbudza a ri, “Tshifhinga tsho swika tsha uri vhathu vhanga vha Israele vha lozwiwe, a thi tsha ḓo litsha u vha rwela vhutshinyi havho.”

1 SAMUELE 24:14

Khosi ya Israele yo vha i tshi khou londa nnyi? Vha khou pandamedza nnyi? Mmbwa yo faho? Dzedze?