ZWILILO 4:17 - BIVHILI KHETHWA Mafhungo Madifha

¹⁷ Ro lavhelela u fariswa, maṱo a vhuya a neta, mathina ndi mahandana fhedzi. Rí thawarani dzashu ro vha ro sedza lushaka, lwe lwa vha lu sa koni u ri tshidza.

ZWILILO 4:17 Iomraidhean Croise

2 MAHOSI 24:7

U bva zwenezwo khosi ya Egipita ya si tsha dovha ya bva pfumo nge khosi ya Babele ya vha i tshi vho langa shango ḽoṱhe ḽe ḽa vha ḽi ḽa Egipita u bva mulamboni wa Yufuratha u swika masakhani a devhula a Egipita.

YESAYA 20:5

Vhe vha vha vha tshi fulufhela Kushu, vha zuwa Egipita, zwi ḓo vha ofhisa vha shona.

YESAYA 28:18

Mulanga we na vhofha na lufu u ḓo fheliswa, zwe na langana na vhudzulavhafu a zwi nga pfumbi; musi khombo i tshi swiela, ni ḓo kumbwa.

JEREMIA 2:18

Zwino u ḓo wanani u tshi tsela Egipita wa yo nwa maḓi a Nile? U yo nwa maḓi a mulambo wa Yufuratha shangoni ḽa Ashuru, zwi ḓo u farisani?

JEREMIA 2:36

Khefha ni tshi tshimbilesa ni tshi ṱanganya dzinḓila? Ni ḓo laṱedzwa nga Egipita sa zwe na itwa nga Ashuru.

JEREMIA 2:37

Ni ḓo ṱuwa hafho fhethu no farelela ṱhoho nga ṱhoni, ngauri Muṋe washu o landula vhane na vha fulufhela; a vha nga ni farisi nga tshithu.

JEREMIA 8:20

Vhathu vha ṱavha mukosi vha ri, “Khaṋo yo fhira, tshilimo tsho fhela, hone a ri athu tshidzwa.”

ZWILILO 1:19

Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 1:7

Misi ya u ṱungufhadzwa na u tambudzwa Jerusalema u elelwa lupfumo lwoṱhe lwe lwa vha lu lwawe misi iḽa ya kale. Zwiḽa vhana vhawe vha tshi wela zwanḓani zwa maswina, ho vha hu si na ane a nga mu tikedze. Maswina awe o mu sedza, a sea zwe zwa mu wela.

ZWILILO 5:6

Ro humbela Egipita na Ashuru uri ri wane zwiḽiwa.

ESEKIELE 29:16

Vhathu vha Israele a vha tsha ḓo ḽi fulufhela, ḽi ḓo vha ḽone tsumbo i vhonalaho ya vhuvhi ha Israele, zwiḽa Vhaisraele vha tshi kha ḓi ḓitika ngaḽo. Ndi hone vhathu vha tshi ḓo zwi ḓivha uri ndi Nṋe Muṋe wa zwoṱhe Yahavee.”