ZWILILO 4:14 - BIVHILI KHETHWA Mafhungo Madifha

¹⁴ Zwino vha tendeleka na dzinḓila unga mabofu, vho khakhaṱhela na tshikha dza malofha, nguvho dzavho a dzi tsha kwamea.

ZWILILO 4:14 Iomraidhean Croise

YESAYA 1:15

Ni tshi imisa zwanḓa ni tshi rabela a thi nga vhuyi nda ni lavhelesa. Nangwe na tou rabela hani a thi nga thetshelesi, hufha zwanḓa zwaṋu zwo ḓala malofha.

YESAYA 56:10

Vharangaphanḓa vhavho vhoṱhe ndi mabofu, a vha ḓivhi khombo i ḓaho, vha nga mmbwa dza u linda dzi sa huvhi, tshadzo ndi u sokou shuvhama dza ḓilorela; vha funa hani khofhe!

JEREMIA 2:34

Nguvho dzaṋu dzo khakhaṱhela malofha a vhashai vha si na mulandu; nahone a no ngo vha wana vha tshi khou pwasha uri vha dzhene nḓuni. Naho zwo ralo

JEREMIA 26:8

Hone Jeremia a tshi tou fhedza u vhudza vhathu vhoṱhe zwoṱhe zwe Muṋe washu a mu vhudza uri a zwi ambe, vhotshifhe na vhaporofita na vhathu vhoṱhe vha mu fara vha ri, “U fanela u fa!

ESEKIELE 23:45

Hone vha fulufhedzeaho vha ḓo vha haṱula nga khaṱhulo yo teaho dziphombwe na dziphondi; hufha vhe dziphombwe, na zwanḓa zwavho zwi tshi khou rotha malofha.”

HOSIA 4:2

Vha a teketelana, vha a zwifhelana, vha a vhulahana, vha a tswa, vha ita vhupombwe; vhutshinyi ho no tou kalula, vha shulula malofha vha tshi ya.

TSEFANIA 1:17

Muṋe washu u ri, “Vhathu ndi ḓo ri zwi vha konḓele, vha ḓo tshimbila unga mabofu, nge vha khakhela Nṋe. Malofha avho a ḓo shululwa zwi sa londwi, zwa nga ndi buse, zwitumbu zwavho zwa nga mupfudze.

NUMERI 19:16

Arali muthu a kwama muthu we a vhulawa kana we a tou ḓifela zwawe ḓakani kana arali a kwama shambo ḽa muthu kana tshalo, onoyo u ḓo vha o kumala ha vhuya ha fhela maḓuvha maṱanu na mavhili.

NUMERI 35:33

Arali na ita nga u ralo, shango ḽine na dzula khaḽo ni ḓo ḽi shata tshika. Vhupondi vhu kumadza shango, nahone a hu na maṅwe maitele a u kumulula shango ḽe muthu a vhulawa khaḽo arali hu si u vhulaha phondi.

MATIOSI 15:14

Vha litsheni, vha ḓi vha mabofu vhane vha endedza mabofu. Hone arali bofu ḽi tshi endedza ḽiṅwe bofu, vha ḓo wela dindini vhuvhili havho.”

VHAEFESA 4:18

mbilu dzavho dza vha dzo swifhalelwaho; a vha na vhutshilo vhune Mudzimu a ri ṋea, ngauri vho omisa dziṱhoho, na u pfa a vha pfi;