ZWILILO 4:13 - BIVHILI KHETHWA Mafhungo Madifha

¹³ Mulandu u na vhaporofita vhawo; ndi vhutshinyi ha vhotshifhe vhawo vhe vha fhaladza malofha a vha si na mulandu ngomu hawo.

ZWILILO 4:13 Iomraidhean Croise

JEREMIA 14:14

Muṋe washu a fhindula a ri, “Vhaporofita vha khou porofita mazwifhi nga dzina ḽanga. A tho ngo vha ruma, a tho ngo vha laedza, a tho ngo vhuya nda amba navho. Vha khou ni porofitela mabono a si a ngoho, vha ni bvumbela zwi sa tshidzi, ndi miloro ya u ḓihumbulela.

JEREMIA 2:20

Muṋe washu Muṋe wa zwoṱhe u ri, “Tsha kale na kale wo ḓi vunḓa dzhogo, wa ṱhukhula nnzwa dzo u vhofhaho, wa hana u ntshumela, wa ṱanama mivhunduni yoṱhe na fhasi ha miri yoṱhe yo adzaho, wa ita vhupombwe ha u luvha midzimu.

JEREMIA 2:30

Ndi tshi rwa vhana vhaṋu ho vha u sokou ḓinetisa, a vho ngo laṱa. Pfumo ḽaṋu ḽo ḽa vhaporofita vhe nda ni rumela unga ndau yo halifhaho.”

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

JEREMIA 6:13

Vhoṱhe vhahulwane na vhaṱuku vha tama u pfuma nga vhufhura; na vhaporofita na vhotshifhe vha fhura vhathu.

ZWILILO 2:14

Vhaporofita vhau vho u hanelela mabono a mahandana, a sa tshidzi; a vho ngo u dzumbululela vhuvhi hau uri u laṱe u si thubiwe nga dzitshakha. Milomo ya midzimu yau yo u vhudza mazwifhi fhedzi, ndi yone ye ya u lozwa.

ESEKIELE 11:6

No ḓadza muḓi houno nga zwitumbu zwi si na mbalo zwa vhanna vho vhulawaho, na ḓadza mikoto yawo nga vhe na vha vhulaha.

ESEKIELE 22:25

Vhavhusi vhau ngomu hau vha nga ndau i no khou fhandula tshe ya vhulaha. Vho ḽa vhathu, vha dzhia lupfumo na dzinungu, vhupondi havho ha ita uri vhasadzi vhanzhi vha sale vhe dzitshilikadzi ngomu muḓini.

MATIOSI 23:31

Ni tshi ralo ha vha u ḓiambulula uri ni vhana vha vho vhulahaho vhaporofita.

MISHUMO 7:52

Ndi ufhio muporofita we vhomakhulukuku waṋu vha si mu tovhole? Hufha vho ḓi vhulaha na vhaḓinḓa vha Mudzimu vhe zwiḽa kale-kale vha ḓa u ḓivhadza u ḓa ha Muḓinḓa wawe muvhuya! Zwino inwi no tou fheṱa Ene muṋe vhukuma na mu vhulaha!