ZWILILO 4:1 - BIVHILI KHETHWA Mafhungo Madifha

¹ Yowee, musuku a u tsha penya, musuku u songo vangwaho wo rivha! Nungu khethwa dzo balangana na mikoto!

ZWILILO 4:1 Iomraidhean Croise

YESAYA 1:21

Muḓi we wa vha u tshi fulufhedzea wo shandukela Mudzimu unga musadzi wa phombwe o shandukela munna; wo vha wo ḓala vha lwelaho zwi re zwone, hu hone he vhuvhuya ha lala hone, hone zwino ho sala dziphondi.

YESAYA 14:12

Iwe Masase i penyaho, ṅwana wa mapfuvhi, wo wa hani u tshi bva ṱaḓulu! Zwiḽa kale wo kunda dzitshakha, fhedzi zwino na iwe wo poswa fhasi.

JEREMIA 52:13

a fhisa thembele ya Muṋe washu nga mulilo, na pfamo ya musanda na nnḓu dzoṱhe dza Jerusalema. Nnḓu khulu iṅwe na iṅwe a i fhisa.

ZWILILO 2:19

Vuwa vhukati ha vhusiku, u ṱavhe mukosi sa vhalindi u tshi dovha ḽi vhuye ḽi tshe. Shulula zwa mbiluni yau unga maḓi u tshi pfiwa nga Muṋe wa zwoṱhe. Takusa zwanḓa zwau u mu rabele uri vhana vhau vha no khou ṋoka nga nḓala mafhandeni a mikoto vha tshile.

ESEKIELE 22:18

“Iwe ṅwana wa muthu, ndi tshi sedza vhathu vha Israele ndi vhona vha tshi nga manyelo a tsimbi; vhoṱhe vha nga musina na thini na ngweḓi na mutobvu zwi khalini ine zwa ṋokiswa ngayo; vha nga siliva i tshee yo vangana na manyelo.

MIKA 1:6

Muṋe washu u ri, “Ndi zwine Samaria nda ḓo hu ita thulwi ya mathukhwi ḓakani, hu ḓo limiwa minḓirivhe. Matombo awo ndi a kungulusela govhani, nda sia miteo yawo i khagala.

MATIOSI 24:2

Hone Ene a vha vhudza a ri, “A thi ri izwi zwifhaṱo ni khou zwi vhona? Zwino ipfani-ha: fhano a hu na tombo na ḽithihi ḽine ḽa ḓo sala ḽo dzula kha ḽiṅwe; oṱhe a ḓo piḓimulwa.”

MARKOSI 13:2

Yesu a tshi mu fhindula a ri, “A thi ri izwi zwifhaṱo zwihuluhulu ni khou zwi vhona? A hu na tombo na ḽithihi ḽine ḽa ḓo sala ḽo dzula nṱha ha ḽiṅwe, oṱhe a ḓo piḓimulwa.”