ZWILILO 3:64 - BIVHILI KHETHWA Mafhungo Madifha

⁶⁴ Iwe Muṋe washu, u lifhedza muthu nga zwo mu teaho; ndi zwone, vha lifhedze zwe vha zwi ita vhone vhaṋe.

ZWILILO 3:64 Iomraidhean Croise

DZIPHISALEMA 28:4

Vha lifhedze zwe vha ita u tshi tevhedza vhuvhi havho, vha lifhedze mishumo ya zwanḓa zwavho, u vha ṋee pfufho yo vha teaho.

JEREMIA 11:20

Huno Iwe Muṋe washu Mulangazwoṱhe, u tshi haṱula a u ṱaluli, u ṱola mbilu na muhumbulo, kha ndi vhone u tshi vha lifhedza, hufha ndo ḓikumedza Iwe.

JEREMIA 15:15

Zwenezwo nṋe nda ri, “Iwe Muṋe washu u a ṱalukanya; nnyelelwe u nndondole. Nndifhedzele vha ntovholaho. U songo mphelela mbilu wa nnzhavhula nga mbiti dzau. Edzou vhona zwine nda nyadzelwa u ima na Iwe.

JEREMIA 50:29

“Vhidzani vhapfuli vha lwe na Babele, vhoṱhe vhane vha akha vhura. U govheleni, hu songo vha na a ponyokaho. U lifhedzeni zwe wa ita; u iteni zwoṱhe zwe wone wa ita vhaṅwe. Wo nyadza Yahavee, Ene Mukhethwa wa Israele.

JEREMIA 51:24

“Hone zwino ndi ḓo lifhedza Babele ni tshi zwi vhona, nda lifhedza na vhoṱhe vhane vha dzula khaḽo, ndi tshi vha lifhedzela vhutshinyi hoṱhe he vha vhu ita Tsioni,” u ralo Muṋe washu.

JEREMIA 51:56

Hu ḓo ḓa mulozwi a dia Babele; vhahali vhawo vha ḓo thubiwa, vhura havho vhu ḓo vunḓekanywa. Nṋe Yahavee ndi Mudzimu a no lifhedza vhuvhi; ndi ḓo lifhedza tshoṱhe.

JEREMIA 51:6

“Shavhani ni bve Babele! Shavhani ni si fe! Ni songo lozwiwa nga mulandu wa zwivhi zwawo. Ndi wone musi wa Yahavee wa u lifhedza, u ḓo u lifhedza nga zwo u teaho.

2 TIMOTI 4:14

Alekzannda uḽa mufuli wa musina o nkhakhela zwihulu. Tenda Muṋe washu a tshi ḓo mu lifhedza.

NZUMBULULO 18:6

U lifhedzeni-ha zwe wa ita vhaṅwe, ni u lifhedze ni ite kavhili zwe wa ita. Ḓadzani dzhomela ḽawo kavhili, u nwe waini yeneyo ye wa vha ingela!

NZUMBULULO 6:10

vhone vha tshi khou ṱavha mukosi vha tshi ri, “Muṋe wa zwoṱhe, mukhethwa a fulufhedzeaho, zwi ḓo fhela lini? Vhaḽa vhathu vha re shangoni vhe vha ri vhulaha u ḓo vha haṱula lini wa lifhedzela malofha ashu?”