ZWILILO 3:51 - BIVHILI KHETHWA Mafhungo Madifha

⁵¹ Mbilu yanga i a vhavha ndi tshi vhona zwi itwaho vhasadzi vhoṱhe vha muḓi wa hashu.

ZWILILO 3:51 Iomraidhean Croise

GENESI 44:34

Nṋe ndi nga humela hani ha khotsi anga, uyu mutukana ndi si nae? Aiwa nandi! Ndi nga si kone u konḓelela ndi tshi vhona u vhavha ha mbilu ya khotsi anga.”

JEREMIA 11:22

Muṋe washu Mulangazwoṱhe u ri, “Ndi ḓo vha laṱisa. Vhaṱhannga vhavho vha ḓo fa nga pfumo, vhana vhavho vha vhatuka na vha vhasidzana vha ḓo ṋoka nga nḓala.

JEREMIA 14:16

Na vhathu vhane vha khou pfa vhuporofita havho vha ḓo poswa mikotoni ya Jerusalema vhó fa nga nḓala na pfumo. A hu nga vhi na a no ḓo vha swiṱa, hu vhasadzi vhavho, hu vhana vhavho vha vhatuka, hu vha vhasidzana a vha nga swiṱwi. Ndi ḓo vha shululela khombo dzo vha teaho.”

JEREMIA 14:18

Arali nda bva muḓini ndi vhona vhe vha ḽiwa nga pfumo; arali nda dzhena muḓini ndi vhona vhathu vha no khou ṋoka nga nḓala. Hu vhaporofita, hu vhotshifhe, vhoṱhe vho hanganea, vha khou tendeleka na shango unga vhashavhi.”

JEREMIA 19:9

Ndi ḓo vha ḽisa ṋama ya vhana vhavho vha vhatuka na vha vhasidzana, vha dovha vha ḽana nga tshavho musi zwo vhifha vhó govhelwa nga maswina avho vha tshi ṱoḓa u vha vhulaha.’

ZWILILO 1:18

“Muṋe washu u a fulufhedzea, ngauri nṋe ndo nyadza zwe a amba. Thetshelesani inwi tshakha dzoṱhe! Edzonu vhona u tambula hanga. Vhana vhanga, vhaṱhannga na vhasidzana, vho hwalwa vha iswa vhuthubwani.

ZWILILO 2:11

Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ZWILILO 2:21

Muhulwane na muṱuku vha fa vhoṱhe mavuni a mikoto; vhaṱhannga vhanga na vhasidzana vho ḽiwa nga pfumo. Wo vha vhulaha musi wa mbiti dzau; wo vha shidzha u sa vhuyi wa vha khathutshela.

ZWILILO 3:50

Muṋe washu a vhuye a lavhelese fhasi e ṱaḓulu a zwi vhona.

ZWILILO 3:52

Vhe vha vha vha tshi sokou mmbenga vho vha vha tshi nnzwima unga tshiṋoni.

ZWILILO 5:11

Vhasadzi vho tshipiwa Tsioni, vhasidzana vho batiwa miḓanani ya Juda.