ZWILILO 3:40 - BIVHILI KHETHWA Mafhungo Madifha

⁴⁰ Nga ri dzou sedza nḓila dzashu nga nthihi nga nthihi, ri humele ha Muṋe washu.

ZWILILO 3:40 Iomraidhean Croise

2 KORONIKA 30:6

Vhaḓinḓa vha bva vha tshi tevhedza ndaela ya khosi na vharangaphanḓa, vha gidima vha ṱanganya ḽoṱhe ḽa Juda na ḽa Israele vhe na maṅwalo ane a ri, “Vhathu vha Israele, vhuelelani ha Muṋe washu Mudzimu wa Abrahamu na Isaka na Israele, uri na Ene a vhuye ha inwi no salaho no ponyokaho zwanḓani zwa mahosi a Ashuru.

2 KORONIKA 30:9

Arali na rembulutshela ha Muṋe washu, ndi hone mashaka aṋu na vhana vhaṋu vha tshi ḓo khathutshelwa nga vho vha thubaho, vha vhuya fhano shangoni ḽino, ngauri Muṋe washu Mudzimu waṋu u na tshilidzi, u na khathutshelo. Arali na vhuya khae, ha nga ni furaleli.”

DZIPHISALEMA 119:59

Ndi tshi elekanya zwine nda ḓo ita, ndi ḓiimisela u ita zwe wa nnyeletshedza.

DZIPHISALEMA 4:4

Na u sinyuwa háṋu, ni songo tshinya. Na musi ni malaloni, tshi vhe tshilomondundundu.

YESAYA 55:7

Vhavhi nga vha litshe nḓila dzavho, vhatshinyi vha laṱe mihumbulo yavho mivhi, vha humele ha Muṋe washu, u ḓo vha khathutshela, Mudzimu washu u ḓo vha hangwela tshoṱhe.

ESEKIELE 18:28

Zwino ngauri o dzivhuluwa a laṱa vhutshinyi hawe hoṱhe ha kale; vhukuma a nga si fe, u ḓo tshila.

HOSIA 12:6

Huno zwino ni fanela u vhuelela ha Mudzimu waṋu, ni vhe na lufuno lu sa shanduki, ni ite zwi re zwone, ni dzule no lindela Mudzimu waṋu.

HOSIA 5:15

Ndi hone ndi tshi ḓo humela fhethu hanga vha vhuye vha tende mulandu wavho, vha vhudzisa zwine Nṋe nda ṱoḓa, vha nṱoḓa vhukuma vho ṱungufhala.”

HOSIA 6:1

Vhathu vha ri, “Iḓani ri vhuelele ha Muṋe washu, Ene o ri ṱhukhukanya, u ḓo dovha a ri fhodza. O ri huvhadza, u ḓo pomba mbonzhe dzashu.

MISHUMO 26:20

Ndo mbo ḓi thoma u ḓivhadza ipfi ḽa Mudzimu Damasko na Jerusalema, nda konou ṱanganya ḽoṱhe ḽa Judia nda ya na kha vhannḓa, ndi tshi funza uri vhathu vha furalele vhuvhi havho vha rembulutshele kha Mudzimu, vha ite zwine zwa sumbedza uri vhukuma vho rembuluwa.

1 VHAKORINTA 11:28

Muthu kha a thome u ṱola mbilu yawe a sa athu ḽa uho vhurotho na u nwa itsho tshinwelo,

1 VHAKORINTA 11:31

Ngavhe ri thome u ṱola mbilu dzashu, ndi musi ri songo haṱulwa nga Mudzimu nga u ralo.

2 VHAKORINTA 13:5

Inwi vhaṋe ṱolani mbilu dzaṋu ni ḓisedze, ni vhone arali vhukuma ni na lutendo. Kani-ha a ni zwi ṱalukanyi uri Yesu Khristo u kha inwi? Arali ni sa zwi ṱalukanyi zwi amba uri no wanala ni vhatendi vha khole-khole.

DOTORONOMIO 4:30

Misi i ḓaho ni tshi vho tambula, nó welwa nga khombo hedzo dzoṱhe dze nda ni vhudza, ndi hone ni tshi vho ḓo rembulutshela ha Muṋe washu Mudzimu waṋu na thetshelesa zwine a amba.