ZWILILO 3:39 - BIVHILI KHETHWA Mafhungo Madifha

³⁹ Muthu a nga gungulelani? Hufha a tshi kha ḓi tshila naho e mutshinyi!

ZWILILO 3:39 Iomraidhean Croise

2 MAHOSI 3:13

Elisha a vhudza khosi ya Israele a ri, “Nṋe na vhone hu na mafhungo ane ra nga amba lini? Nga vha ye kha vhaporofita vha khotsi avho na mme avho.” Joramu khosi ya Israele a fhindula a ri, “Aiwa nandi, ndi uri Muṋe washu o tou kunga riṋe mahosi mararu a ri kuvhanganya uri a ri kumedze zwanḓani zwa Vhamuaba.”

2 MAHOSI 6:32

Zwino Elisha o vha o dzula nḓuni yawe e na vhahulwane. Khosi ya ruma muḓinḓa a ranga phanḓa, hone a sa athu swika, Elisha a vhudza vhahulwane a ri, “A ni zwi vhoni uri iyi phondi i khou ruma muthu uri a ntumule ṱhoho? Ndi zwone, musi muḓinḓa a tshi ḓa, ni vale vothi ni ḽi vhambe a si dzhene. Hu khou pfala mutsindo wa muṋe wawe murahu hawe.”

2 MAHOSI 6:33

Musi a tshi kha ḓi amba navho, khosi ya swika yone iṋe ya ri, “Khombo hei i bva kha Yahavee! Yahavee ndi kha ḓi mu fulufhela hani?”

ESRA 9:13

“Zwo ri welaho zwo ḓiswa nga zwiito zwashu zwivhi na mulandu washu muhulu. Naho zwo ralo, Iwe Mudzimu washu wo ri rwa nga ṱhamu ṱhukhu i songo eḓanaho vhuvhi hashu, wa litsha vhaṅwe vha songo fa.

JOBO 11:6

O vha a tshi ḓo ni dzumbululela zwiphiri zwa vhuṱali, na konou ṱalukanya uri zwi kanukisa hani. Ḓivhani uri Mudzimu u khou ni rwa nga ṱhamu ṱhukhu.

JOBO 15:13

Ni sinyutshela Mudzimu, na shulula maipfi o raliho!

DZIPHISALEMA 107:17

Vhaṅwe vho tsilufhala vha shandukela Mudzimu, a vha tambudzela milandu yavho,

MIRERO 19:3

Muthu u xedzwa nga vhutsilu hawe ene muṋe, a vho sinyutshela Muṋe washu.

YESAYA 51:20

Mafhandeni a magondo au oṱhe vhana vhau vha sokou huru nga u shaya nungo; vha nga ntsa yo fashwa nga khunḓa; vho rwiwa nga mbiti dza Muṋe washu; vho kaidzwa nga Mudzimu wau.

JEREMIA 10:19

Vhathu vha Jerusalema vha tshema vha ri, “Ndi na khombo nṋe ndo huvhalaho! Mbonzhe yanga a i lafhei! Nda ḓivhudza nda ri, ‘Uvhu ndi vhulwadze hanga, ndi fanela u vhu konḓelela.’

JEREMIA 30:15

Ndi mini u tshi lilela mbonzhe dzau, mafuvhalo a sa lafhei? Ndo u ita zwithu hezwo nge milandu yau ya hula, vhutshinyi hau ha anda.

ZWILILO 3:22

lufuno lwa Muṋe washu a lu fheli. Ndi zwe ra si nyenge; khathutshelo yawe a i gumi.

LIVITIKO 26:41

Nṋe nda vhuya nda vha vutshela-vho nda vha isa vhuthubwani shangoni ḽa maswina avho uri ndi vhone arali vha tshi ḓo ḓiṱukufhadza vha laṱa mbilu dza tshihedeni vha tenda mulandu wavho.

LIVITIKO 26:43

Naho zwo ralo, tsha u ranga vhathu vha shango iḽo vho fanela u pfuluswa, uri ḽi awedzwe tshoṱhe nahone vho fanela u lifha mulandu wavho nga vhuḓalo wa u landula milayo yanga na u nengwa ndayo dzanga.

MIKA 7:9

Ndi ḓo konḓelela mbiti dza Muṋe washu ngauri ndo mu khakhela, a vhuya a ntsengela, a nndwela he nda khakhelwa. U ḓo mmvisela tshedzani, nda vhona a tshi ntshidza.

NUMERI 11:11

a vhudzisa Muṋe washu a ri, “Ndi mini u tshi nnḓisela khombo yo raliho? Wo ntsinyutshela zwine wa nkhwesa muhwalo wa vhathu avha vhoṱhe?

NUMERI 16:41

Nga matshelo Vhaisraele vhoṱhe vha gungulela Mushe na Aroni vha ri, “No vhulaha vhathu vha Muṋe washu!”

NUMERI 17:12

Vhaisraele vha vhudza Mushe vha ri, “Zwino ndi hone ro fhela! Vhukuma ro lovha!

NZUMBULULO 16:9

Vha fhiswa nga biso ḽi ofhisaho. Naho zwo ralo vha sema dzina ḽa Mudzimu a langaho ayo madambudzo, vha si rembuluwe, vha si mu rende.