ZWILILO 3:37 - BIVHILI KHETHWA Mafhungo Madifha

³⁷ Ndi nnyi ane a nga ri u amba tshithu tsha vha hone arali Muṋe washu a songo ri zwi ralo?

ZWILILO 3:37 Iomraidhean Croise

2 SAMUELE 16:10

Hone khosi ya ri, “Inwi vhana vha Tseruya, aya a si mafhungo anga kana aṋu! Arali a tshi khou nteketela nge Muṋe washu a ri, ‘Teketela Dafita,’ ndi nnyi ane a nga vhudzisa a ri, ‘Ndi mini u tshi ita izwi?’ ”

1 MAHOSI 22:34

Huno muṅwe a sokou akha vhura a sa londi, a pfula khosi ya Israele he zwitsimbi zwa tshiambaro tsha nndwa zwa ṱanganywa hone. Khosi ya vhudza mutshimbidzi wa gariki yayo ya ri, “Ndo huvhala, monisani gariki ni mmvise hafha nndwani.”

2 MAHOSI 6:33

Musi a tshi kha ḓi amba navho, khosi ya swika yone iṋe ya ri, “Khombo hei i bva kha Yahavee! Yahavee ndi kha ḓi mu fulufhela hani?”

JOBO 10:13

Hone zwino ndi vho ḓivha uri matsina wo vha u na tshimbevha:

JOBO 2:10

Jobo a fhindula a ri, “Ni khou amba unga tsilu! Mudzimu a ri ṋea zwivhuya ri a takala, zwino a tshi ri ṋea zwo vhifhaho ri zwi landule naa?” Nangwe Jobo o welwa nga khombo nngafho, ho ngo vhuya a amba zwo bvaho nḓilani.

EKISODA 10:10

Farao a vha goḓa a ri, “Ngavhe Yahavee a tshi vha na inwi arali nda vhuya nda ni litsha na ṱuwa na vhasadzi vhaṋu na vhana vhaṋu! Zwi khagala uri ndi vhukwila.

MIRERO 16:9

U nga ḓi elekanya zwine wa funa u ita; a no u endedza ndi Muṋe washu.

MIRERO 19:21

Mihumbulo ya muthu a i fheli, fhedzi hu ḓo pfumba zwe zwa dzudzanywa nga Muṋe washu.

MIRERO 21:30

Naho wo ṱalifha hani, u na ṱhalukanyo ngafhani, na maano áu, Muṋe washu u nga si mu kone.

YESAYA 46:10

U bva mathomoni ndo dzula ndo amba zwine zwa ḓo vha hone; kale-kale zwi sa athu itea ndo dzula ndo zwi bula. Nzudzanyo dzanga dzi nga si kundwe, ndi ḓo ita zwoṱhe zwine nda tama u zwi ita.

JEREMIA 23:32

Vhukumakuma ndi lwa na vhane vha porofita miloro i si yone. Vha i vhudza vhathu vha xedza vhathu nga mazwifhi avho na nga mazuwo avho, ngeno Nṋe ndi songo vha ruma kana nda vha vhea. A vha vhuyi vha farisa vhathu havha nga tshithu. Ho amba Nṋe Yahavee.”

DANIELE 4:35

Tshakha dza shango u vhona dzi si tshithu. Hu vharuṅwa vha ṱaḓulu, hu vhathu fhano fhasi, u vha ita zwine a funa. A hu na ane a nga thivhela zwine a ita kana a mu vhudzisa a ri, ‘U khou itani?’

VHAROMA 9:15

Hufha a tshi vhudza Mushe o ri, “Ndi ḓo khathutshela ane nda funa, nda pfela vhuṱungu ane nda funa.”

VHAEFESA 1:11

Mudzimu u tshimbidza zwoṱhe nga hune a tou funa Ene muṋe. Zwenezwo o dzula o zwi dzudzanya u bva mathomoni, a ri ta uri ri vhe mukovhe wawe nga u vha vhathihi na Khristo.