ZWILILO 3:25 - BIVHILI KHETHWA Mafhungo Madifha

²⁵ Vhane vha mu fulufhela vha mu ṱoḓa, Muṋe washu u a vha tonda.

ZWILILO 3:25 Iomraidhean Croise

GENESI 49:18

“Muṋe washu, ndo lavhelela u tshidzwa nga Iwe.

1 KORONIKA 28:9

“Inwi Solomoni ṅwananga, ḓivhani Mudzimu wa khotsi aṋu, ni mu shumele nga mbilu yoṱhe, ni tshi tou zwi funa, ngauri Muṋe washu u ṱola mbilu dza vhathu vhoṱhe, u ḓivha mihumbulo yashu na zwine ra zwi tama. Arali na mu ṱoḓa, ni ḓo mu wana, hone arali na mu ṱamba, u ḓo ni landula lini na lini.

2 KORONIKA 15:2

A takuwa a yo ṱanganedza khosi Asa, a mu vhudza a ri, “Kha vha nthetshelese, vhamusanda Vho-Asa na vhathu vha Juda na vha Benyamini! Muṋe washu u na inwi arali ni khae. Arali na mu ṱoḓa ni ḓo mu wana, hone arali na mu furalela, u ḓo ni furalela-vho.

2 KORONIKA 19:3

Naho zwo ralo, vhone vha kha ḓi vha na zwivhuya, vho thutha zwifanyiso zwa thanda zwa Ashera mudzimu wa tshisadzi fhano shangoni, vha linga u tevhedza zwine Mudzimu a zwi funa.”

2 KORONIKA 30:19

ane a shumela Mudzimu Muṋe washu Mudzimu wa vhokhotsi awe nga mbilu nthihi, naho a songo ḓikumulula a tshi tevhedza ndayo dza hukhethwa.”

2 KORONIKA 31:21

Zwoṱhe zwe a ita a tshi shumela thembele ya Mudzimu na u thetshelesa mulayo na dzindayo, o vha a tshi ita zwine Mudzimu wawe a zwi funa, a tshi shuma nga mbilu yoṱhe, ndi zwe zwa mu nakela ngazwo.

ESRA 8:22

Ndo pfa ndi na ṱhoni ndi tshi humbula u humbela khosi uri a ri fhe vhahali na vhanameli vha dzibere uri vha ri tsireledze kha maswina gondoni, nge ra vha ro vhudza khosi ra ri, “Tshanḓa tsha Mudzimu washu tsha vhuthu tshi kha muṅwe na muṅwe ane a mu fulufhela, hone mbiti dzawe dzi ofhisaho dzi wela vhoṱhe vhane vha mu shandukela.”

DZIPHISALEMA 105:3

Zuwani dzina ḽawe ḽikhethwa; mbilu dza vhane vha mu ṱoḓa nga dzi takale.

DZIPHISALEMA 119:2

Vha na mashudu vha no vhulunga nyeletshedzo dzawe, vha ḓidinela Ene nga mbilu yoṱhe.

DZIPHISALEMA 22:26

Vhaheḓana vha ḓo ḽa vha fura zwiṱhavhelo; Muṋe washu u ḓo rendwa nga vha mu ṱoḓaho; ngavhe ni tshi ḓi khwaṱha lini na lini.

DZIPHISALEMA 25:8

Muṋe washu ndi muvhuya, u a fulufhedzea; na vhatshinyi u vha funza nḓila ya ngoho.

DZIPHISALEMA 27:14

Lindela Muṋe washu, ima u khwaṱhe, u songo kulea nungo, lindela Muṋe washu!

DZIPHISALEMA 27:8

Ndi elelwa zwe wa nndaya u tshi ri, “Iḓa u nnduvhe.” Ndi zwone: ndi ḓo ḓa nda luvha Muṋe washu,

DZIPHISALEMA 37:34

Fulufhela Muṋe washu u vhulunge milayo yawe, ndi hone a tshi ḓo u hulisa shango ḽa vha ḽau, wa vhona vhavhi vha tshi lovha.

DZIPHISALEMA 37:7

U songo fhela mbilu, lindela Muṋe washu. U tshi vhona vha pfumaho nga vhufhura, u si dinalee.

DZIPHISALEMA 39:7

Zwino-ha Muṋe wa zwoṱhe, a hu tshee na muṅwe mulamuleli, nṋe ndi fulufhela Iwe.

DZIPHISALEMA 61:1

Yowee Mudzimu, ipfa tshililo tshanga, thetshelesa thabelo yanga!

DZIPHISALEMA 61:5

Iwe Mudzimu wo pfa zwe nda u anela; wo nṋea ifa ḽi ṋewaho vhane vha ofha dzina ḽau.

DZIPHISALEMA 69:32

Vhakandeledzwa vha ḓo ri u zwi vhona vha takala, vha no luvha Mudzimu vha ḓo ṱuṱuwedzea.

DZIPHISALEMA 71:14

Ndi ḓo dzula ndo u fulufhela, nda u renda nda dovha.

YESAYA 25:9

Musi wonoyo vha ḓo ri, “Vhukuma hoyu ndi Mudzimu washu. Ro vha ro lavhelela Ene, a ri tshidza! Hoyu ndi Muṋe washu we ra mu lavhelela. O ri tshidza, nga ri takale ri pembele.”

YESAYA 26:9

Na vhusiku ndi u ṱuvha nga mbilu yanga yoṱhe, ndi bubela u u rabela nga tshiṱuvho tshihulu. Musi u tshi haṱula shango na vhathu vhaḽo, ndi hone vha tshi ḓo guda u ita zwi re zwone.

YESAYA 30:18

Hone Muṋe washu o ṱuvha u ni khathutshela, u ḓo sumbedza maanḓa awe a ni itela tshilidzi; Muṋe washu ndi Mudzimu a no dzula a tshi ita zwi re zwone. Vha mashudu ndi avho vhane vha fulufhela Ene.

YESAYA 40:31

hone vhe vha lavhelela Muṋe washu vha wana nungo ntswa, vha fhufha nga phapha dzi no nga dza goni, vha gidima vha sa neti, vha tshimbila vha sa fhelelwi nga nungo.

YESAYA 55:6

Ṱoḓani Muṋe washu a tshi kha ḓi wanala, mu rabeleni a tshee tsini.

YESAYA 64:4

A hu na muṅwe mudzimu ane a ita zwo raliho a tshi itela vhane vha mu fulufhela arali e si Iwe; a hu na nḓevhe yo no vhuyaho ya mu pfa, a hu na iṱo ḽo no vhuyaho ḽa mu vhona.

ZWILILO 3:26

Ndi zwavhuḓi u lindela u tshidzwa nga Muṋe washu wo dzika.

HOSIA 10:12

Ḓizwaleleni u fulufhedzea, ni kaṋe mutshelo wa lufuno lu sa shanduki, khathani mukhatho; tshino ndi tshone tshifhinga tsha u ṱoḓa Muṋe washu a vhuya a ḓa a ni nisela zwivhuya.

TSEFANIA 3:8

Muṋe washu u ri, “Zwino-ha nndavheleleni hu vhuye hu swike ḓuvha ḽine nda ḓo takuwa nda sengisa dzitshakha. Ndo elekanya u kuvhanganya dzitshakha na mivhuso uri ndi shululele mbiti dzanga khavho, mbiti dzanga dzoṱhe dzi ofhisaho. Ḽifhasi ḽoṱhe ḽi ḓo swa nga mulilo wa mbiti dzanga.

1 VHATHESALONIKA 1:10

na uri zwino ni vho lindela Murwa wawe a tshi bva ṱaḓulu, Ene we Khotsi a mu vusa vhafuni, ndi amba Yesu ane a ri lamukisa kha khaṱhulo i ḓaho.

JAKOPO 5:7

Ndi zwone vha hashu, inwi ni songo fhela mbilu u swika Muṋe washu a tshi vhuya. Edzonu vhona uri mulimi u lindela hani a sa fheli mbilu mvula ya tseula na ya tshifhefho ya vhuya ya na, mavhele e a a zwala a vhuya a pakata khula dzine dza vha tshililelwa.