ZWILILO 3:22 - BIVHILI KHETHWA Mafhungo Madifha

²² lufuno lwa Muṋe washu a lu fheli. Ndi zwe ra si nyenge; khathutshelo yawe a i gumi.

ZWILILO 3:22 Iomraidhean Croise

2 SAMUELE 24:14

Dafita a fhindula Gadi a ri, “Ndo hanganea. Nga ri wele zwashu zwanḓani zwa Muṋe washu, ngauri khathutshelo yawe ndi khulu, hone ndi songo wela zwanḓani zwa vhathu.”

NEHEMIA 9:31

Naho zwo ralo, nga khathutshelo yau khulu, a wo ngo vha laṱa kana wa vha lozwa tshoṱhe. U Mudzimu wa tshilidzi na khathutshelo!

DZIPHISALEMA 103:10

ri tshi khakha ha ri rwi nga ṱhamu yo eḓanaho vhutshinyi hashu, ha vhili milandu yashu.

DZIPHISALEMA 106:45

a elelwa mulanga wawe we a vhofha navho, a vha pfela vhuṱungu; u na lufuno luhulu, lu sa tseki;

DZIPHISALEMA 69:17

U songo dzumbama mulanda wau; ndi khomboni khulu, ṱavhanya u mphindula!

DZIPHISALEMA 77:8

Lufuno lwawe lu sa dzinginyei lwo nyamalala tshoṱhe naa? Nṋa zwe a ri fulufhedzisa a zwi tsheeho?

DZIPHISALEMA 78:38

Naho zwo ralo o vha khathutshela; o vha hangwela vhuvhi havho a si tsha vha lozwa. Ndi kanzhi a tshi humisa mbiti dzawe a dzi kanda;

DZIPHISALEMA 86:15

Hone Iwe Muṋe wa zwoṱhe u Mudzimu wa tshilidzi na khathutshelo; a u fheli mbilu, lufuno lwau a lu dzinginyei, u a fulufhedzea.

JEREMIA 3:12

O mmbudza uri ndi ye devhula ndi vhudze Israele ndi ri, “Iwe Israele we wa ntshandukela, vhuya kha Nṋe! Nṋe thi shanduki, a thi tsha ḓo u sinyutshela; a thi nga u sinyutsheli tshoṱhe.

JEREMIA 30:11

Ndi na iwe, ndi ḓo u tshidza. Naho tshakha dze nda ni balanganyela khadzo ndi tshi ḓo dzi lozwa tshoṱhe, iwe ndi nga si u lozwe tshoṱhe. Ndi ḓo u laya nga khaṱhulo mbuya, a thi nga u litshi u tshi bva ú songo wana ṱhamu. Ho amba Nṋe Yahavee.”

JEREMIA 31:20

“Khezwi Efraimi a tshi nga ṅwana wanga ane nda mu funa. Khezwi a tshi nga u takadza mbilu yanga! Ndi tshi mu amba a thi tsha kona u mu hangwa. Mbilu yanga yo mu ṱuvha hani; vhukuma ndi ḓo mu khathutshela.”

DANIELE 9:9

“Iwe Mudzimu Muṋe washu u na tshilidzi, u a hangwela, nangwe ro u shandukela.

MALAKIA 3:6

Muṋe washu Mulangazwoṱhe u ri, “Ndi Nṋe Yahavee, NDI ANE NDA VHA ENE, a thi shanduki. Hone inwi-vho ni ḓi dzula ni vhana vha Jakopo, mudziavhufhura muṋe wa dzina.

LUKASI 1:50

vhoṱhe vha mu ofhaho u vha itela tshilidzi u bva kha murafho zwa ya kha murafho.