ZWILILO 2:9 - BIVHILI KHETHWA Mafhungo Madifha

⁹ Khoro dzawe dzo wa, dzo no tou fukedzwa nga mavu; tswinga dzadzo o dzi vunḓekanya a dzi posa kule. Khosi yawe na vhavhusi vhawe vho thubwa nga dzitshakha, a hu tsha funzwa mulayo, vhaporofita vhawe a vha tsha wana mabono a bvaho kha Muṋe washu.

ZWILILO 2:9 Iomraidhean Croise

2 MAHOSI 25:7

Vha shidzha vhana vha vhatuka vha Tsedekia a tshi zwi vhona. Zwo no ralo vha mu nongola maṱo, vha mu vhofha nga tsimbi dza musinaseṱha, vha mu isa Babele.

2 KORONIKA 15:3

Vhaisraele vho fhedza tshifhinga tshilapfu vha si na Mudzimu wa ngoho, vha si na vhotshifhe vhane vha vha funza, vha si na mulayo.

NEHEMIA 1:3

Vhone vha fhindula uri vho vhuyaho vhuthubwani vha khomboni khulu, na uri vhatsinda vho dzulaho tsini navho vha a vha nyadza. Vha dovha vha mmbudza uri mitsheṱo ya Jerusalema i tshee yo thuthwa, na khoro dzawo dzo fhiswa nga mulilo.

DZIPHISALEMA 74:9

A ri tsha vhona na tshiga tsha maḓembe; a hu tshee na a no ri ḓivhadza zwine wa funa; a hu na a ḓivhaho uri zwi ḓo fhela lini.

YESAYA 24:12

Muḓi ndi matumba, khoro dzo vunḓekana.

JEREMIA 14:14

Muṋe washu a fhindula a ri, “Vhaporofita vha khou porofita mazwifhi nga dzina ḽanga. A tho ngo vha ruma, a tho ngo vha laedza, a tho ngo vhuya nda amba navho. Vha khou ni porofitela mabono a si a ngoho, vha ni bvumbela zwi sa tshidzi, ndi miloro ya u ḓihumbulela.

JEREMIA 23:16

Muṋe washu Mulangazwoṱhe u ri, “Ni songo thetshelesa zwine vhaporofita vha ni porofitela; vha ni fulufhelisa zwi si zwone. Vha amba mabono a no bva mihumbuloni yavho a songo ambiwa nga Nṋe Yahavee.

JEREMIA 39:2

Nga ḓuvha ḽa vhuṱanu na vhuṋa ḽa ṅwedzi wa vhuṋa wa ṅwaha wa 11 wa muvhuso wa Tsedekia mutsheṱo wa muḓi wa pwashiwa wa phuletshedzwa.

JEREMIA 39:8

Vhababele vha fhisa pfamo ya musanda na nnḓu dza vhathu, vha thutha mitsheṱo ya Jerusalema.

JEREMIA 51:30

Vhahali vha Babele a vha tsha lwa; vha sokou dzula vhushavheloni havho. Nungo dzavho dzo fhela, vha vho nga vhasadzi. Nnḓu dzawo dzo fungwa nga mulilo, tswinga dza mafhoro awo dza tsimbi dzo vunḓea.

JEREMIA 52:14

Mmbi yoṱhe ya Babele ye ya vha i tshi langwa nga mulangammbi wa musanda ya thutha mitsheṱo u mona na muḓi wa Jerusalema.

ZWILILO 1:3

Vhathu vha Juda vho thubiwa vha tambudzwa vha shumiswa nga tshiṱuhu, vha vho dzula vhukati ha dzitshakha; a hu na hune vha awela hone. Vhoṱhe vhane vha vha pandamedza vho vha fara vha vha thathedza.

ZWILILO 4:15

Vhathu vha vha ṱavhela mukosi vha ri, “Ṱuwani! No kumala! Ṱuwani! Ṱuwani! Ni songo ri kwama!” Musi vha tshi shavha vha tshi tendeleka na vha dzitshakha dza vhannḓa vha ri, “Vha songo dzula fhano!”

ZWILILO 4:20

Mufemo wa vhutshilo hashu, ene mutiwa wa Muṋe washu, vho mu fasha nga khunḓa dzavho. Ro vha ri tshi vhona unga ri ḓo tshila rí vhukati ha dzitshakha, rí fhasi ha murunzi wawe.

ESEKIELE 12:13

Ndi ḓo ṱharamudza mambule anga nda a posa nṱha hawe, nda mu fasha nga mambule anga; ndi ḓo mu hwala nda mu ḓisa Babele shangoni ḽa Vhakhaladia, hone maṱo awe a nga si ḽi vhone; u ḓo fela henefhano Babele.

ESEKIELE 17:20

Ndi ḓo posa mambule anga nṱha hawe nda mu fasha nga mulavhu wanga, nda mu isa Babele nda mu lifhedza henengei nge a pfuka muano wawe we a nnyanela.

ESEKIELE 7:26

Khombo dzi ḓo ṱanḓulukana, phungo i ḓo tevhela phungo, vha ḓo ṱoḓa bono kha muporofita, hone tshifhe ha tsha ḓo ḓivha pfunzo, vhahulwane a vha tsha ḓo kona u eletshedza vhathu.

HOSIA 11:6

Mafumo a ḓo ḽa miḓi yavho, tswinga dza khoro dza muḓi wavho dzi ḓo vunḓekanywa, vhutande he vha vhu tanda ha vha ḽa ṱhoho.

HOSIA 3:4

Zwi ḓo ralo na kha Vhaisraele: vha ḓo fhedza maḓuvha manzhi vha si na khosi kana muvhusi, vha si na tshiṱhavhelo kana phuphu dza matombo, vha si na nzumbululo ya Mudzimu kana zwitungulo.

AMUSI 1:5

Ndi ḓo vunḓekanya tswinga dza Damasko, nda lozwa khosi ya Govha ḽa Vhuvhi na o faraho luḓo lwa vhuhosi Muḓini wa u ḓiphiṋa. Vhathu vha Aramu vha ḓo hwalwa vha iswa vhuthubwani ngei Kiri hune vha bva hone.” U ralo Muṋe washu.

DOTORONOMIO 28:36

Muṋe washu u ḓo dzhia inwi na khosi yaṋu ine na nga ḓivhetshela a ni isa shangoni ḽa kule ḽa lushaka lune na si lu ḓivhe, na vhomakhulukuku waṋu vha songo vhuya vha lu ḓivha, henefho na shumela midzimu isili yo vhaḓwaho nga thanda na tombo.

DOTORONOMIO 28:63

“Unga u thomani Muṋe washu o takalela u ni tonda na u ni andisa, u vho ḓo takalela u ni lozwa zwino, a tou ni tupula shangoni ḽine na khou ya khaḽo u ḽi dzhia uri ḽi vhe ḽaṋu.

1 SAMUELE 28:6

Saulo a vhudzisa Muṋe washu, hone Muṋe washu a si mu fhindule nga miloro kana nga madeṅwa makhethwa kana nga vhaporofita.