ZWILILO 2:8 - BIVHILI KHETHWA Mafhungo Madifha

⁸ Muṋe washu o vha o ḓiimisela u thutha mutsheṱo wo tangeledzaho ṅwananyana wawe Tsioni. O ṱharamudza thambo ya u ela uri hu si sale tombo, a si humise tshanḓa tshawe uri tshi si lozwe. O ita uri dzithawara na mitsheṱo zwi lile; zwino zwo sala zwi matumba.

ZWILILO 2:8 Iomraidhean Croise

2 SAMUELE 8:2

Dafita a kunda na Vhamuaba. Mathubwa a a ladza fhasi, kha vhararu vhaṅwe na vhaṅwe a vhulaha vhavhili a sia muthihi a tshila. Vhamuaba vha vha vhalanda vha Dafita vha thela muthelo.

2 MAHOSI 21:13

Ndi ḓo ita Jerusalema zwenezwo zwe nda ita Samaria, na zwe nda ita Ahaba khosi ya Israele na nnḓu yawe. Ndi ḓo swiela Jerusalema ha sala he swoto unga muthu a tshi phumula ndilo, a ri u i phumula, a i tiba.

JOBO 13:21

Nkhumele! U songo mmbulaha nga nyofho!

YESAYA 22:5

Tshino ndi tshone tshifhinga tsha u tshenuwa na u hanganea na u phusukanywa. Muṋe wa zwoṱhe, Muṋe washu Mulangazwoṱhe o ri hwesa zwone. Govhani ḽa mabono mitsheṱo i a thuthekanywa, mabamani aḽo hu pfala mikosi.

YESAYA 28:17

Muelo wanga wa muteo u ḓo vha khaṱhulo mbuya, u fulufhedzea tsha vha tshone tshilingi tshanga.” Mazwifhi oṱhe ane na ḓitika ngao a ḓo swielwa nga tshifhango, muḓalo wa maḓi wa kumba vhukhudo haṋu.

YESAYA 3:26

khoroni dzau hu ḓo pfala mukosi na tshililo; u ḓo nga musadzi ó sokou khotha, ó ṱangulwa.

YESAYA 34:11

Hu ḓo vha haya ha gombambudzi na tshiṱoni; gwitha na funguvhu zwi ḓo fhaṱa zwiṱaha zwazwo henefho. Muṋe washu u ḓo ḽi ela a vhea mikano, a ri ḽi dzule ḽo vilingana ḽi sa dzuli muthu, ḽa nga zwiḽa shango ḽi sa athu sikwa.

YESAYA 5:5

“Zwino-ha ndi ḓo ni vhudza zwine nda ḓo ita tsimu yanga: Ndi ḓo fuḓa mupfunda woṱhe wo i tangedzaho, nda litsha phukha dza ḓaka dzi tshi i ḽa, nda thutha mutsheṱo wayo dza i kandekanya,

JEREMIA 14:2

“Juda ḽi khou vusa tshililo, miḓi yaḽo yo ṋoka; vha lilela shango, Jerusalema hu pfala zwililo.

JEREMIA 5:10

Ndi ḓo ruma maswina a remekanya minḓirivhe ya vhathu vhanga, hone a si i remekanye tshoṱhe. Ndi ḓo ri vha ṱangule matavhi, ngauri a si anga.

JEREMIA 52:13

a fhisa thembele ya Muṋe washu nga mulilo, na pfamo ya musanda na nnḓu dzoṱhe dza Jerusalema. Nnḓu khulu iṅwe na iṅwe a i fhisa.

ZWILILO 2:17

Muṋe washu o ita zwe a dzudzanya; o khunyeledza ipfi ḽawe, ḽe a ḓivhadza kale-kale. O u lozwa a sa khathutsheli, o takadza swina nga u wa hau, a ombela maswina au shambo.

ZWILILO 2:18

Mbilu dza vhathu dzi ṱavhela Muṋe wa zwoṱhe mukosi. Iwe mutsheṱo wa Tsioni, miṱodzi yau nga i ele unga mulambo vhusiku na masiari; u songo vhuya wa ḓirula, maṱo au a songo awela.

ZWILILO 2:2

Muṋe wa zwoṱhe o mila vhudzulo ha Jakopo hoṱhe a sa khathutsheli; o phusula vhushavhelo ha ṅwananyana wawe Juda ó sinyuwa. O wisa muvhuso na vhavhusi vhawo a vha shonisa.

ZWILILO 2:5

Muṋe wa zwoṱhe u nga swina; o mila Israele. O mila pfamo dzaḽo dzoṱhe, a thutha vhushavhelo haḽo. Ṅwananyana wawe Juda o mu andisela maṱungu na zwililo.

ESEKIELE 20:22

Hone nda humisa tshanḓa tshanga nda si zwi ite, ndi tshi itela uri dzina ḽanga ḽi huliswe ḽi si nyadziwe nga tshaka dze dza zwi vhona ndi tshi vha pfulusa.