ZWILILO 2:7 - BIVHILI KHETHWA Mafhungo Madifha

⁷ Muṋe washu o landula aḽiṱari yawe, a ṅaledza thembele yawe khethwa ya kandekanywa. Mitsheṱo ya pfamo dzayo o dzi kumedza maswina; vho ṱavha mukosi nḓuni ya Muṋe washu, zwa nga ḓuvha ḽa minyanya mikhethwa.

ZWILILO 2:7 Iomraidhean Croise

2 MAHOSI 25:9

a fhisa thembele ya Muṋe washu na pfamo ya musanda na nnḓu dzoṱhe dza vhathu vha Jerusalema, na dza vhaḓivhalea.

2 KORONIKA 36:19

Vha fhisa thembele ya Mudzimu, vha pwashekanya mutsheṱo wa Jerusalema, vha fhisa pfamo dzoṱhe, vha phusukanya tshiṅwe na tshiṅwe tsha mutengo muhulu henefho.

DZIPHISALEMA 89:39

wo vhofholola mulanga we wa vhofha na mulanda wau, tshiala tshawe tsha vhuhosi wa tshi mbulumbudza buseni.

YESAYA 64:9

Muṋe washu, u songo sinyuwa wa pfuka ndinganyo, u songo dzula wo ri fara nga mbilu; edzou ri sedza, hufha roṱhe ri vhathu vhau!

JEREMIA 21:4

‘Muṋe washu Mudzimu wa Israele u ri: Zwihali zwa nndwa zwe na fara, zwine na khou lwa ngazwo na khosi ya Babele na Vhakhaladia vhane vha ḓo ni govhela nnḓa ha mutsheṱo, ndi ḓo ṱuwa ndi tshi zwi rembulusa zwa ḽa inwi. Ndi ḓo kuvhanganya maswina ngomu ha muḓi houno,

JEREMIA 26:18

“Mika wa Moreshethe o porofita misi ya Hiskia khosi ya Juda. O vhudza vhathu vhoṱhe vha Juda a ri, ‘Muṋe washu Mulangazwoṱhe u ri: “ ‘Tsioni hu ḓo liṅwa unga tsimu, Jerusalema hu ḓo sala hu thulwi ya matumba, muvhundu wa thembele u ḓo mela maṱaka.’

JEREMIA 26:6

Na sa thetshelesa, nnḓu hei ndi ḓo i ita zwe nda ita Shilo, muḓi houno wa tou vha tshiga tshine tshakha dzoṱhe dza ḽifhasi dza teketelana ngatsho.’ ”

JEREMIA 32:29

Vhakhaladia vhane vha khou dia hoyu muḓi vha ḓo u dzhena vha u fhisa nga mulilo; vha ḓo u fhisa we lore, vha fhisa na nnḓu he vhathu vha nṱunga nga u dubisela Baali zwioro nṱha ha ṱhanga dzadzo, vha dovha vha tevhulela midzimu thevhula henefho.

JEREMIA 39:8

Vhababele vha fhisa pfamo ya musanda na nnḓu dza vhathu, vha thutha mitsheṱo ya Jerusalema.

JEREMIA 4:26

Nda sedza nda vhona shango ḽo vhibvelaho ḽo no sala ḽi soga, miḓi yaḽo yo sala i matumba, ngauri Muṋe washu o ḽi sinyutshela.

JEREMIA 4:27

(Muṋe washu o amba uri ḽifhasi ḽoṱhe ḽi ḓo sala ḽi soga, naho a sa nga ḽi lozwi tshoṱhe.)

JEREMIA 50:28

Thetshelesani tshavhi na vhafhalali vha no bva Babele vha tshi ḓivhadza Tsioni zwe Yahavee Mudzimu washu a vha lifhedza, a tshi lifhedzela thembele yawe.”

JEREMIA 52:13

a fhisa thembele ya Muṋe washu nga mulilo, na pfamo ya musanda na nnḓu dzoṱhe dza Jerusalema. Nnḓu khulu iṅwe na iṅwe a i fhisa.

ZWILILO 1:4

Nḓila dzi yaho Tsioni dzo ṱungufhala, a hu na ane a ḓa minyanyani yawe. Khoro dzawe ndi soga, vhotshifhe vhawe vha a gomela, vhasidzana vhawe vha pfa vhuṱungu, ene muṋe u vhuṱunguni vhuhulu.

ZWILILO 2:1

Muṋe washu o tiba Tsioni, ṅwananyana wa lunako, nga gole ḽa mbiti dzawe! Vhugala ha Israele o vhu posa fhasi, ha bva ṱaḓulu ha wela mavuni; musi wa mbiti dzawe ho ngo tsha elelwa thembele yawe, vhukando ha milenzhe yawe.

ZWILILO 2:5

Muṋe wa zwoṱhe u nga swina; o mila Israele. O mila pfamo dzaḽo dzoṱhe, a thutha vhushavhelo haḽo. Ṅwananyana wawe Juda o mu andisela maṱungu na zwililo.

ESEKIELE 24:21

‘Vhudza vhathu vha Israele u ri: Muṋe wa zwoṱhe Yahavee u ri: Ndi ḓo ṱuwa ndi tshi kumadza fhethu hanga hukhethwa, ḽone goliso ḽa maanḓa aṋu, ḽone dakalo ḽa maṱo aṋu, tshone tshitaṅwa tsha mbilu dzaṋu. Vhana vhaṋu vha vhatuka na vha vhasidzana vhe na vha sia vha ḓo fa nga pfumo.

ESEKIELE 7:24

Ndi ḓo vhidza dzone tshakha dzi no fhira dzoṱhe nga vhuvhi dza thuba nnḓu dzavho. Ndi ḓo fhedza u ḓihudza ha vha maanḓa, fhethu havho hukhethwa hu ḓo kumadzwa.

LIVITIKO 26:31

nda phusukanya miḓi yaṋu ya sala i matumba, nda phusukanya pfamo dzaṋu hune na luvha hone, nda landula nduvho dzaṋu.

LIVITIKO 26:44

Hone naho zwa ralo, musi vha tshi kha ḓi vha shangoni ḽa maswina avho, a thi nga vha nyali nda vha nengwa tshoṱhe, a thi nga laṱi mulanga we nda vhofha navho; ndi Nṋe Yahavee Mudzimu wavho.

AMUSI 2:5

shango ḽa Juda ndi ḓo ḽi funga nga mulilo wa fhisa madzhavhelo a Jerusalema.”

MIKA 3:12

Matsina Tsioni u ḓo liṅwa unga tsimu nga mulandu waṋu, Jerusalema ha vha thulwi ya matumba, thavha ya thembele ya mela maṱaka.

MATIOSI 24:2

Hone Ene a vha vhudza a ri, “A thi ri izwi zwifhaṱo ni khou zwi vhona? Zwino ipfani-ha: fhano a hu na tombo na ḽithihi ḽine ḽa ḓo sala ḽo dzula kha ḽiṅwe; oṱhe a ḓo piḓimulwa.”