ZWILILO 2:3 - BIVHILI KHETHWA Mafhungo Madifha

³ O kula nungo dzoṱhe dza Israele e mbitini dzi ofhisaho! Swina ḽo ri ḽi tshi swika a humisa tshanḓa tshawe tsha maanḓa, mbiti dzawe dza dugela Jakopo unga khavhu ya mulilo ine ya fhisa zwoṱhe zwo i tangaho.

ZWILILO 2:3 Iomraidhean Croise

2 KORONIKA 34:25

Ndi uri vhathu vho nndandula, vha nṱunga nga u dubisela miṅwe midzimu zwioro, nda sinyuwa nga mulandu wa midzimu yoṱhe ye vha ḓiitela nga zwanḓa zwavho; ndi ḓo sinyutshela fhano fhethu mbiti dzanga dza tou duga ha si vhe na a dzi dzimaho.

JOBO 16:15

Ndi khou lila: ndo rungelela saga nṱha ha lukanda lwanga; ndi khou tsumbudzea mavuni.

DZIPHISALEMA 132:17

Henefho ndi ḓo vhumba muḓuhulu wa Dafita vhuhosi, a vha khosi khulu, nda mu shululela Muya wanga nda mu londola, a nga luvhone lu sa dzimi.

DZIPHISALEMA 74:11

Khefha u tshi sokou ṱanzwa maṱo wa lavhelesa? U ḓo ri phalala lini wa vha lozwa?

DZIPHISALEMA 75:10

Vhavhi vhoṱhe u ḓo vha kula ṋanga, vhafulufhedzea vhone u ḓo imisa ṋanga dzavho.

DZIPHISALEMA 75:5

Ni songo imisa ṋanga dzaṋu na lwa na ḽiṱaḓulu; ni songo amba no ṱoṱomodza mutsinga.’ ”

DZIPHISALEMA 79:5

Muṋe washu, u ḓo ri sinyutshela u swika lini? Mbiti dzau dzi ḓo duga lini na lini naa?

DZIPHISALEMA 89:24

Ndi a fulufhedzea, ndi ḓo mu funa nga lufuno lu sa dzinginyei, dzina ḽanga ḽi ḓo mu ombela shambo,

DZIPHISALEMA 89:46

Muṋe washu, zwi ḓo guma lini? U ḓo ḓi ri furalela naa? Mbiti dzau dzi ḓo ḓi duga unga mulilo naa?

YESAYA 1:31

Vha maanḓa vha ḓo lozwiwa nga mishumo yavho mivhi unga vhuṱasana vhu tshi fungwa nga ṱhase nthihi; zwi ḓo swa zwoṱhe ha si vhe na a konaho u dzima mulilo wazwo.

YESAYA 42:25

Ndi zwe a ita uri ri pfe u fuḓa ha mbiti dzawe na u vhavha ha nndwa. Mbiti dzawe dzo ri fhisa thungo dzoṱhe unga mulilo, hone ra si zwi ṱalukanye; dzo ri fhisa re lore, hone ra si zwi londe.

JEREMIA 21:14

Ndi ḓo u lifhedza ndi tshi tevhedza zwiito zwau. Ndi ḓo vhasa mulilo maṱakani au wa fhisa zwoṱhe zwo u tangaho zwe lore.’ ”

JEREMIA 4:4

Ḓifumbiseleni Nṋe Yahavee, ni tou fumba mbilu, inwi vhanna vha Juda na vhathu vha Jerusalema, mbiti dzanga dzi sa ḓo pwashea dza duga unga mulilo nga mulandu wa vhuvhi he na ita, dza ri u duga ha si vhe na a dzi dzimaho.”

JEREMIA 48:25

“Nungo dza Muaba dzo kulea, tshanḓa tshaḽo tsho vunḓea,” u ralo Muṋe washu.

JEREMIA 7:20

Huno Nṋe Yahavee Muṋe wa zwoṱhe ndi ḓo shululela mbiti dzanga kha thembele heino. Ndi ḓo dzi shululela kha vhathu na zwifuwo, na kha miri na mavhele. Mbiti dzanga dzi fhisa unga mulilo u sa dzimi.”

ZWILILO 1:13

O wisa mulilo u tshi bva ṱaḓulu, a u tsisela fhasi wa dzhena maramboni anga. O ṱharamudza mambule a mpfasha milenzhe a nṱanamisa. O ita uri ndi sale ndi ndoṱhe, nda ṱwa ndi tshi lwala.

ZWILILO 4:11

Muṋe washu o vusa mbiti dzawe dzoṱhe; o shulula mbiti dzawe dzi ofhisaho. O funga mulilo Tsioni wa fhisa miteo yawo.

ESEKIELE 13:13

Zwino-ha, Muṋe wa zwoṱhe Muṋe washu u ri, “Ndi ḓo vusa ḓumbu nga mbiti, nda nisa mvula ya mukumbela ndo sinyuwa, nda wisa matombo a tshifhango ndo halifha tsha pwashekanya zwoṱhe.

ESEKIELE 7:14

“Phalaphala i ḓo lila, vhoṱhe vha ḓilugisa, hone ha si vhe na a no ḓo bva pfumo, ngauri mbiti dzanga dzi ḓo vha wela vhoṱhe.

NAHUMI 1:6

A dinalea, ndi nnyi ane a nga ima? Ndi nnyi ane a nga konḓelela mbiti dzawe dzi ofhisaho? Mbiti dzawe dzi shuluwa unga mulilo, hune a kanda makwara a a pwashea a balangana.

MALAKIA 4:1

Muṋe washu Mulangazwoṱhe u ri, “Vhukuma ḓuvha ḽi khou ḓa; ḽi ḓo fhisa unga ṋanḓo. Vhoṱhe vhadzia-u-ḓihudza na vhaitazwivhi vha ḓo nga maṱanga, ḓuvha heḽo ḽi no khou ḓa ḽi ḓo vha fhisa nga mulilo. A hu nga sali mudzi wavho kana davhi ḽavho.

LUKASI 1:69

a ri vusela Mutshidzi wa maanḓa, ane a vha muḓuhulu wa Dafita mushumeli wawe.

LUKASI 3:17

U ḓa o fara luselo lwawe; u ḓo fhefhera mavhele a konou a shela ḓuluni. Mungu wone u ḓo u fhisa nga mulilo u sa dzimi!”

DOTORONOMIO 32:22

Mbiti dzanga dzo funga mulilo; u ḓo duga wa swika na ngei fhasi vhafuni, wa fhisa shango na mitshelo yaḽo, wa duga wa swika na kha miteo ya dzithavha.