ZWILILO 2:21 - BIVHILI KHETHWA Mafhungo Madifha

²¹ Muhulwane na muṱuku vha fa vhoṱhe mavuni a mikoto; vhaṱhannga vhanga na vhasidzana vho ḽiwa nga pfumo. Wo vha vhulaha musi wa mbiti dzau; wo vha shidzha u sa vhuyi wa vha khathutshela.

ZWILILO 2:21 Iomraidhean Croise

2 KORONIKA 36:17

Muṋe washu a vha ḓisela khosi ya Babele ya lwa navho, ya vhulaha vhaṱhannga vhavho fhethu hukhethwa ya si khathutshele muṱhannga kana musidzana, mulala kana a si na nungo. Mudzimu a vha kumedza vhoṱhe zwanḓani zwa Nebukhadnetsara.

ESTERE 3:13

Ha rumiwa vhagidimi vha isa iyo nḓivhadzo madzinguni oṱhe a muvhuso. Iyo nḓivhadzo yo ri, nga ḓuvha ḽithihi fhedzi, ḽa 13 ḽa Adara, Majuda vhoṱhe, vhahulwane na vhaṱuku, vhasadzi na vhana, vha vhulawe. Vho vha vho fanela u vhulawa vha sa khathutshelwi, vha tou lozwiwa vha ṱangulwe na thundu yavho.

YESAYA 27:11

Matavhi a miri o puta a vunḓekana, vhasadzi vha reḓa dza khuni dza u vhasa. Musiki wavho a nga si vha khathutshele, Muvhumbi wavho a nga si vha pfele vhuṱungu; ndi vhathu vha si na ṱhalukanyo.

JEREMIA 11:22

Muṋe washu Mulangazwoṱhe u ri, “Ndi ḓo vha laṱisa. Vhaṱhannga vhavho vha ḓo fa nga pfumo, vhana vhavho vha vhatuka na vha vhasidzana vha ḓo ṋoka nga nḓala.

JEREMIA 13:14

Ndi ḓo vha kuḓanya vha pwashekana, vhokhotsi na vhana. A thi nga vha lileli, a thi nga vha pfeli vhuṱungu, a thi nga vha khathutsheli, a thi nga litshi u vha lozwa.”

JEREMIA 18:21

Zwenezwo vhana vhavho nga vha fe nga nḓala, vha kudze u vha kumedze pfumo. Vhasadzi vhavho nga vha sale vha si na vhana, vhe dzitshilikadzi, vhanna vhavho nga vha vhulawe, vhaṱhanngana vhavho vha ḽiwe nga pfumo nndwani.

JEREMIA 21:7

Hu ḓo ri ho no fhira izwo, nda dzhia Tsedekia khosi ya Juda na vhahulwane vhawe na vhathu vha muḓi houno vhe vha sala u fa hu tshi ḓa dwadze na pfumo na nḓala, nda vha kumedza Nebukhadnetsara khosi ya Babele na maswina avho ane a ṱoḓa u vha vhulaha. U ḓo vha vhulaha nga pfumo; ha nga vha khathutsheli, ha nga iti nga tshilidzi, ha nga vha pfeli vhuṱungu. Ho amba Nṋe Yahavee!’

JEREMIA 4:31

Ndi khou pfa mukosi u no nga wa musadzi ane a ṱoḓou vhofholowa; ndi tshigomelo tsha a no nga u khou beba ṅwana wa tanzhe; ndi mukosi wa u fhihamelwa ha Tsioni a tshi onyolosa zwanḓa a tshi ri, “Yawee, ndi khou dzidzivhala, ndo kumedzwa dziphondi!”

JEREMIA 51:22

ndi pwasha munna na musadzi nga iwe, ndi pwasha mukalaha na muṱhannga nga iwe, ndi pwasha muṱhanngana na musidzana nga iwe,

JEREMIA 6:11

Mbiti dzau dzi khou duga ngomu hanga, a thi tsha kona u dzi konḓelela.” Zwenezwo Muṋe washu a mmbudza a ri, “Mbiti dzanga dzi shululele kha vhana zwiṱaraṱani na kha vhaṱhannga vho kuvhanganaho. Vhoṱhe, munna na musadzi, vha ḓo kumbiwa, na vho tshenaho mmvi, vho no vhaho vha maḓuvha.

JEREMIA 9:20

Nṋe nda ri, “Zwino inwi vhasadzi ipfani ipfi ḽa Muṋe washu, a tshi amba ni kolongonye nḓevhe. Funzani vhana vhaṋu tshililo; ni funzane mukosi wa lufu.

JEREMIA 9:21

Lufu lwo ri dzhenela nga mafasiṱere, lwo dzhena pfamoni dzashu; lwo vhulaha vhana zwiṱaraṱani, na vhaṱhannga mikotoni.

ZWILILO 1:15

Muṋe wa zwoṱhe o landula vhahali vhanga vhoṱhe; o vhidza mmbi ya ḓa ya lwa na nṋe ya kuya vhaṱhanngana vhanga, ya ḽa munyanya. Muṋe wa zwoṱhe o sukekanya Juda musidzana wa lunako bonḓeloni ḽawe.

ZWILILO 1:18

“Muṋe washu u a fulufhedzea, ngauri nṋe ndo nyadza zwe a amba. Thetshelesani inwi tshakha dzoṱhe! Edzonu vhona u tambula hanga. Vhana vhanga, vhaṱhannga na vhasidzana, vho hwalwa vha iswa vhuthubwani.

ZWILILO 1:4

Nḓila dzi yaho Tsioni dzo ṱungufhala, a hu na ane a ḓa minyanyani yawe. Khoro dzawe ndi soga, vhotshifhe vhawe vha a gomela, vhasidzana vhawe vha pfa vhuṱungu, ene muṋe u vhuṱunguni vhuhulu.

ZWILILO 2:17

Muṋe washu o ita zwe a dzudzanya; o khunyeledza ipfi ḽawe, ḽe a ḓivhadza kale-kale. O u lozwa a sa khathutsheli, o takadza swina nga u wa hau, a ombela maswina au shambo.

ZWILILO 2:2

Muṋe wa zwoṱhe o mila vhudzulo ha Jakopo hoṱhe a sa khathutsheli; o phusula vhushavhelo ha ṅwananyana wawe Juda ó sinyuwa. O wisa muvhuso na vhavhusi vhawo a vha shonisa.

ZWILILO 3:43

Wo ḓiputela nga mbiti dzau wa ri pandamedza, wa ri vhulaha u sa khathutsheli.

ESEKIELE 24:21

‘Vhudza vhathu vha Israele u ri: Muṋe wa zwoṱhe Yahavee u ri: Ndi ḓo ṱuwa ndi tshi kumadza fhethu hanga hukhethwa, ḽone goliso ḽa maanḓa aṋu, ḽone dakalo ḽa maṱo aṋu, tshone tshitaṅwa tsha mbilu dzaṋu. Vhana vhaṋu vha vhatuka na vha vhasidzana vhe na vha sia vha ḓo fa nga pfumo.

ESEKIELE 5:11

“Zwino-ha, ndi ana nga vhutshilo hanga,” – hu amba Muṋe washu – “vhunga vhukuma no kumadza fhethu hanga hukhethwa nga zwi nengisaho na zwiito zwaṋu zwa mashika, na Nṋe ndi ḓo ni ṱangula ndi sa khathutsheli; a thi nga litshi muthu.

ESEKIELE 7:4

A thi nga u khathutsheli, a thi nga u sieli muthu; ndi ḓo u sengisela zwiito zwau na mishumo yau i nengisaho; ndi hone u tshi ḓo zwi ḓivha uri ndi Nṋe Yahavee.”

ESEKIELE 7:9

A thi nga ni khathutsheli, a thi nga ni pfeli vhuṱungu, ndi ḓo ni lifhedzela mishumo yaṋu na zwiito zwaṋu zwi nengisaho; ndi hone ni tshi ḓo zwi ḓivha uri ndi Nṋe Yahavee, ndi a lifhedza.

ESEKIELE 8:18

Mbiti dzanga dzi fuḓa dzi tshi ya khavho; a thi nga khathutsheli muthu, a thi nga vha pfeli vhuṱungu. Vha nga ḓi ṱavha mukosi nga hune vha kona, ndi nga si vha thetshelese.”

ESEKIELE 9:10

Zwino ndi zwone, na Nṋe a thi nga vha pfeli vhuṱungu, na Nṋe ndi ḓo vha fhedza. Zwe vha ita vhaṅwe, na vhone zwi ḓo vha wela-vho.”

AMUSI 4:10

Muṋe washu u ri, “Ndo ni ḓisela dwadze sa zwe nda ita ngei Egipita; ndo vhulaha vhaṱhannga vhaṋu nga pfumo, bere dzaṋu dza thubwa nga maswina, nda ni nukhisela zwitumbu zwa vho faho mishashani yaṋu. Naho zwo ralo a no ngo vhuya kha Nṋe.”

AMUSI 8:13

Musi wonoyo vhasidzana vha tamisaho na vhaṱhannga vha u khwaṱha vha ḓo ṋoka nga ḓora.

ZAKARIA 11:6

Muṋe washu u ri, “Vhadzulapo vha shango a thi tsha ḓo dovha nda vha itela vhuthu. Tshine nda ḓo ita ndi u dzhia muthu nda mu kumedza muṅwe kana nda mu kumedza khosi yawe. Vhavhusi vhavho vha ḓo kandeledza vhathu vha shango, hone Nṋe a thi nga vha lamuleli khavho.”

DOTORONOMIO 28:50

lushaka lwa tshiṱuhu lu sa khathutsheli na mukalaha, na muṱhannga a vha mu pfeli vhuṱungu.

DOTORONOMIO 32:25

Mikotoni vha ḓo ḽiwa nga pfumo, ngomu nḓuni vha fa nga nyofho – muṱhannga na musidzana, lushie na mukalaha, a hu nga ponyoki muthu.

JOSHUA 6:21

Vha vhulaha vhoṱhe vha re afho muḓini nga mafumo avho, vhanna na vhasadzi, vhaṱuku na vhahulwane, vha vhulaha na kholomo na nngu na donngi.

1 SAMUELE 15:3

Zwino iyani ni yo dia Vhaamaleke, ni phusukanye zwoṱhe zwine zwa vha zwavho. Ni songo sia tshithu, ni vhulahe vhanna na vhasadzi na vhana na dzitshetshe na kholomo na nngu na gamela na donngi.’ ”