ZWILILO 2:20 - BIVHILI KHETHWA Mafhungo Madifha

²⁰ “Yawee Muṋe washu, edzou sedza u elekanye uri: We wa vhuya wa mu ita nga u rali ndi nnyi? Vhasadzi vha vho ḽa zwibebwa zwavho, vhana vhavho vhe vha tou vha mamisa vha vha alusa. Tshifhe na muporofita vha vhulawa thembeleni ya Muṋe washu.

ZWILILO 2:20 Iomraidhean Croise

2 KORONIKA 36:17

Muṋe washu a vha ḓisela khosi ya Babele ya lwa navho, ya vhulaha vhaṱhannga vhavho fhethu hukhethwa ya si khathutshele muṱhannga kana musidzana, mulala kana a si na nungo. Mudzimu a vha kumedza vhoṱhe zwanḓani zwa Nebukhadnetsara.

DZIPHISALEMA 78:64

vhotshifhe vhavho vha ḽiwa nga pfumo, tshilikadzi dzavho dza si lile.

EKISODA 32:11

Hone Mushe a luvhelela Muṋe washu Mudzimu wawe a ri, “Muṋe washu, ndi mini u tshi sinyutshela vhathu vhau vhe wa vha pfulusa Egipita wó angaladza tshanḓa tshau tsha maanḓa?

YESAYA 22:2

Muḓi woṱhe wo vusa vilinga, hu pfala u zhamba na u nyanyuwa; vhanna vho fa, hone a vho ngo fa nga pfumo, a vho ngo fa nndwani.

JEREMIA 19:9

Ndi ḓo vha ḽisa ṋama ya vhana vhavho vha vhatuka na vha vhasidzana, vha dovha vha ḽana nga tshavho musi zwo vhifha vhó govhelwa nga maswina avho vha tshi ṱoḓa u vha vhulaha.’

JEREMIA 21:7

Hu ḓo ri ho no fhira izwo, nda dzhia Tsedekia khosi ya Juda na vhahulwane vhawe na vhathu vha muḓi houno vhe vha sala u fa hu tshi ḓa dwadze na pfumo na nḓala, nda vha kumedza Nebukhadnetsara khosi ya Babele na maswina avho ane a ṱoḓa u vha vhulaha. U ḓo vha vhulaha nga pfumo; ha nga vha khathutsheli, ha nga iti nga tshilidzi, ha nga vha pfeli vhuṱungu. Ho amba Nṋe Yahavee!’

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

ZWILILO 1:19

Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 4:10

Vhasadzi vha lufuno vho bika vhana vhavho nga zwavho zwanḓa, ndi zwone zwiḽiwa zwavho zwiḽa vhathu vhanga vha tshi lozwiwa.

ZWILILO 4:13

Mulandu u na vhaporofita vhawo; ndi vhutshinyi ha vhotshifhe vhawo vhe vha fhaladza malofha a vha si na mulandu ngomu hawo.

ZWILILO 4:16

Muṋe washu Ene muṋe o vha balanganya; ha tsha vha londa. Vhotshifhe a vha tsha huliswa, na vhakalaha a vha khathutshelwi.

ESEKIELE 5:10

Vhokhotsi aṋu vha ḓo ḽa vhana vhavho, vhana vha ḽa vhokhotsi avho. Ndi ḓo ni lifhedza, tsalela dzaṋu nda dzi balanganya muyani.

ESEKIELE 9:7

A vha vhudza a ri, “Miṱa ya thembele i ḓadzeni zwitumbu, ni songo tata u kumadza thembele.” Vha mbo ḓi tshimbila na muḓi vha tshi vhulaha vhathu.

LIVITIKO 26:29

Nḓala yaṋu i ḓo hulela lune na ḓo ḽa vhana vhaṋu.

DOTORONOMIO 9:26

Nda rabela Muṋe washu nda ri: Muṋe wa zwoṱhe Muṋe washu, u songo lozwa lushaka lwau nandi, vhathu vhau vhukuma vhe wa vha vhofholola nga vhuhulu hau wa vha pfulusa Egipita nga tshanḓa tshau tsha maanḓa.