ZWILILO 2:2 - BIVHILI KHETHWA Mafhungo Madifha

² Muṋe wa zwoṱhe o mila vhudzulo ha Jakopo hoṱhe a sa khathutsheli; o phusula vhushavhelo ha ṅwananyana wawe Juda ó sinyuwa. O wisa muvhuso na vhavhusi vhawo a vha shonisa.

ZWILILO 2:2 Iomraidhean Croise

JOBO 2:3

Muṋe washu a mu vhudzisa a ri, “Wo vhuya wa vhona mulanda wanga Jobo? A hu na na muthihi shangoni ane a nga ene, ha solisei, u a fulufhedzea, u ofha Mudzimu, ha funi u tshinya. Wo ita uri ndi mu lozwe a si na mulandu, hone naho zwo ralo u kha ḓi fulufhedzea unga kale.”

DZIPHISALEMA 21:9

Muṋe washu a tshi bvelela vha ḓo swa u tou nga ṋanḓo i fhisaho, khavhu dza mbiti dzawe dzi ḓo vha fhisa dza vha lozwa.

DZIPHISALEMA 74:7

vha fhisa thembele yau ya tou lore, hune wa luvhiwa vho hu kumadza.

YESAYA 22:5

Tshino ndi tshone tshifhinga tsha u tshenuwa na u hanganea na u phusukanywa. Muṋe wa zwoṱhe, Muṋe washu Mulangazwoṱhe o ri hwesa zwone. Govhani ḽa mabono mitsheṱo i a thuthekanywa, mabamani aḽo hu pfala mikosi.

YESAYA 23:9

Zwo dzudzanywa nga Muṋe washu Mulangazwoṱhe, o zwi itela u fhedza u ḓihudza havho na vhugala havho hoṱhe, na u nyadzisa vha re na bvumo shangoni.

YESAYA 25:12

U ḓo wisa mitsheṱo yavho milapfu yo khwaṱhaho, ye huru, a i hovha ya kunguluwa ya wela buseni.

YESAYA 26:5

U ṱukufhadza vha no ṱongisa vhuhulwane, u phusukanya muḓi wavho wo dzivhelwaho, a u thutha we fhasi huru, a u posa fhasi buseni.

YESAYA 27:11

Matavhi a miri o puta a vunḓekana, vhasadzi vha reḓa dza khuni dza u vhasa. Musiki wavho a nga si vha khathutshele, Muvhumbi wavho a nga si vha pfele vhuṱungu; ndi vhathu vha si na ṱhalukanyo.

YESAYA 43:28

ndi zwe nda nyadzisa vhotshifhe vha nnḓu khethwa, Jakopo nda mu ḽisa nga pfumo, Israele nda mu nyadzisa.”

YESAYA 47:6

Ndo vha ndo sinyutshela vhathu vhanga, nda vha fara unga a vha tshee vhanga, nda vha kumedza zwanḓani zwau, iwe wa si vha khathutshele, na vho no vhaho vha maḓuvha wa vha hwesa dzhogo i gogonaho.

JEREMIA 13:14

Ndi ḓo vha kuḓanya vha pwashekana, vhokhotsi na vhana. A thi nga vha lileli, a thi nga vha pfeli vhuṱungu, a thi nga vha khathutsheli, a thi nga litshi u vha lozwa.”

JEREMIA 19:15

“Muṋe washu Mulangazwoṱhe Mudzimu wa Israele u ri, ‘Khombo dzoṱhe dze nda bula uri dzi ḓo wela vhathu havha, ndi khou dzi ḓisa muḓini houno na miḓini yo vhandekanaho nawo, nge vha ita tshipimbi vha si thetshelese maipfi anga.’ ”

JEREMIA 21:7

Hu ḓo ri ho no fhira izwo, nda dzhia Tsedekia khosi ya Juda na vhahulwane vhawe na vhathu vha muḓi houno vhe vha sala u fa hu tshi ḓa dwadze na pfumo na nḓala, nda vha kumedza Nebukhadnetsara khosi ya Babele na maswina avho ane a ṱoḓa u vha vhulaha. U ḓo vha vhulaha nga pfumo; ha nga vha khathutsheli, ha nga iti nga tshilidzi, ha nga vha pfeli vhuṱungu. Ho amba Nṋe Yahavee!’

JEREMIA 5:10

Ndi ḓo ruma maswina a remekanya minḓirivhe ya vhathu vhanga, hone a si i remekanye tshoṱhe. Ndi ḓo ri vha ṱangule matavhi, ngauri a si anga.

ZWILILO 2:17

Muṋe washu o ita zwe a dzudzanya; o khunyeledza ipfi ḽawe, ḽe a ḓivhadza kale-kale. O u lozwa a sa khathutsheli, o takadza swina nga u wa hau, a ombela maswina au shambo.

ZWILILO 2:21

Muhulwane na muṱuku vha fa vhoṱhe mavuni a mikoto; vhaṱhannga vhanga na vhasidzana vho ḽiwa nga pfumo. Wo vha vhulaha musi wa mbiti dzau; wo vha shidzha u sa vhuyi wa vha khathutshela.

ZWILILO 2:5

Muṋe wa zwoṱhe u nga swina; o mila Israele. O mila pfamo dzaḽo dzoṱhe, a thutha vhushavhelo haḽo. Ṅwananyana wawe Juda o mu andisela maṱungu na zwililo.

ZWILILO 3:43

Wo ḓiputela nga mbiti dzau wa ri pandamedza, wa ri vhulaha u sa khathutsheli.

ESEKIELE 5:11

“Zwino-ha, ndi ana nga vhutshilo hanga,” – hu amba Muṋe washu – “vhunga vhukuma no kumadza fhethu hanga hukhethwa nga zwi nengisaho na zwiito zwaṋu zwa mashika, na Nṋe ndi ḓo ni ṱangula ndi sa khathutsheli; a thi nga litshi muthu.

ESEKIELE 7:4

A thi nga u khathutsheli, a thi nga u sieli muthu; ndi ḓo u sengisela zwiito zwau na mishumo yau i nengisaho; ndi hone u tshi ḓo zwi ḓivha uri ndi Nṋe Yahavee.”

ESEKIELE 7:9

A thi nga ni khathutsheli, a thi nga ni pfeli vhuṱungu, ndi ḓo ni lifhedzela mishumo yaṋu na zwiito zwaṋu zwi nengisaho; ndi hone ni tshi ḓo zwi ḓivha uri ndi Nṋe Yahavee, ndi a lifhedza.

ESEKIELE 8:18

Mbiti dzanga dzi fuḓa dzi tshi ya khavho; a thi nga khathutsheli muthu, a thi nga vha pfeli vhuṱungu. Vha nga ḓi ṱavha mukosi nga hune vha kona, ndi nga si vha thetshelese.”

ESEKIELE 9:10

Zwino ndi zwone, na Nṋe a thi nga vha pfeli vhuṱungu, na Nṋe ndi ḓo vha fhedza. Zwe vha ita vhaṅwe, na vhone zwi ḓo vha wela-vho.”

MIKA 5:14

Ndi ḓo tupula zwifanyiso zwa thanda zwa Ashera mudzimu wa musadzi, nda phusukanya miḓi yaṋu.

MALAKIA 1:4

Vhathu vha Edomo vha nga ḓi ri, “Naho ro kuyekanywa ri ḓo dovha ra vusa matumba ashu.” Huno Muṋe washu Mulangazwoṱhe u ri, “Vhone nga vha a vuse zwavho, Nṋe ndi ḓo dovha nda a thutha. Vha ḓo pfi ‘Shango Ḽivhi, vhathu vhe Yahavee a dzula o vha nengwa.’

MATIOSI 18:33

Nṋa yo vha i si pfanelo naa, iwe u tshi khathutshela-vho mushumi nga iwe unga nṋe ndo u khathutshela?’

2 VHAKORINTA 10:4

Zwihali zwine ra lwa ngazwo a si zwa vhathu, hone nga maanḓa a Mudzimu zwi kona u thutha mitsheṱo yo khwaṱhaho. Zwi thuthekanya vhunwa vhu lukwaho nga vhathu,

DOTORONOMIO 28:52

Vha ḓo govhela miḓi yaṋu yoṱhe vha ni valela ngomu, vha vhuya vha thutha mitsheṱo yayo milapfu yo khwaṱhiswaho ine na ḓitika ngayo, vha ni valela miḓini yaṋu yoṱhe shangoni ḽoṱhe ḽine Muṋe washu Mudzimu waṋu a ni ṋea.

DOTORONOMIO 32:22

Mbiti dzanga dzo funga mulilo; u ḓo duga wa swika na ngei fhasi vhafuni, wa fhisa shango na mitshelo yaḽo, wa duga wa swika na kha miteo ya dzithavha.