ZWILILO 2:19 - BIVHILI KHETHWA Mafhungo Madifha

¹⁹ Vuwa vhukati ha vhusiku, u ṱavhe mukosi sa vhalindi u tshi dovha ḽi vhuye ḽi tshe. Shulula zwa mbiluni yau unga maḓi u tshi pfiwa nga Muṋe wa zwoṱhe. Takusa zwanḓa zwau u mu rabele uri vhana vhau vha no khou ṋoka nga nḓala mafhandeni a mikoto vha tshile.

ZWILILO 2:19 Iomraidhean Croise

JOBO 3:24

Tshigomelo ndi zwone zwiḽiwa zwanga, tshinwiwa tshanga ndi miṱodzi.

DZIPHISALEMA 119:55

Na vhusiku ndi elelwa dzina ḽau, Muṋe washu, uri ndi vhulunge mulayo wau.

DZIPHISALEMA 134:2

Imisani zwanḓa zwaṋu no livha hukhethwa, ni rende Muṋe washu.

DZIPHISALEMA 141:2

Ngavhe thabelo yanga i tshi swika phanḓa hau unga zwioro; ndi tshi imisa zwanḓa zwi nge nduvho ya nga madekwana.

DZIPHISALEMA 142:2

Ndi tou mu ṱanzela zwa mbiluni yanga, nda mu vhudza zwi nndinaho.

DZIPHISALEMA 142:3

Ndi tshi kulekana nungo, ndi Iwe u no ḓivha zwoṱhe zwine nda ṱangana nazwo: Vho nthetshela zwikwekwe nḓilani yanga.

DZIPHISALEMA 28:2

Thetshelesa ndi tshi u luvhelela, ndi tshi u ṱavhela mukosi ndó imisela zwanḓa nṱha zwó livha pfamoni yau khethwa.

DZIPHISALEMA 42:3

Ndi lila vhusiku na masiari, miṱodzi ndi zwone zwiḽiwa zwanga; vhathu vha dzulela u nngoḓa vha ri, “Mudzimu wau u ngafhi?”

DZIPHISALEMA 42:4

Mbilu yanga i tou swa ndi tshi elelwa zwithu hezwi: zwiḽa ndi tshi ṱuwa na gogo ndó vha ranga phanḓa ri tshi ya nḓuni ya Mudzimu, vhathu vha tshi pembela, hu tshi pfala mifhululu ya dakalo, ha imbwa dza u livhuha Mudzimu.

DZIPHISALEMA 42:8

Tenda masiari Muṋe washu a sumbedza lufuno lwawe lu sa dzinginyei, na vhusiku ndi mu imbela luimbo, nda rabela Mudzimu a nṋeaho vhutshilo.

DZIPHISALEMA 62:8

Inwi vhathu, fulufhelani Ene misi yoṱhe, mu ṱanzeleni zwoṱhe zwa mbiluni dzaṋu; Mudzimu ndi Ene vhukhudo hashu.

DZIPHISALEMA 63:4

Ndi ḓo u livhuha vhutshilo hanga hoṱhe, nda imisa zwanḓa zwanga ndi tshi u rabela.

YESAYA 26:9

Na vhusiku ndi u ṱuvha nga mbilu yanga yoṱhe, ndi bubela u u rabela nga tshiṱuvho tshihulu. Musi u tshi haṱula shango na vhathu vhaḽo, ndi hone vha tshi ḓo guda u ita zwi re zwone.

YESAYA 51:20

Mafhandeni a magondo au oṱhe vhana vhau vha sokou huru nga u shaya nungo; vha nga ntsa yo fashwa nga khunḓa; vho rwiwa nga mbiti dza Muṋe washu; vho kaidzwa nga Mudzimu wau.

JEREMIA 14:18

Arali nda bva muḓini ndi vhona vhe vha ḽiwa nga pfumo; arali nda dzhena muḓini ndi vhona vhathu vha no khou ṋoka nga nḓala. Hu vhaporofita, hu vhotshifhe, vhoṱhe vho hanganea, vha khou tendeleka na shango unga vhashavhi.”

JEREMIA 9:20

Nṋe nda ri, “Zwino inwi vhasadzi ipfani ipfi ḽa Muṋe washu, a tshi amba ni kolongonye nḓevhe. Funzani vhana vhaṋu tshililo; ni funzane mukosi wa lufu.

ESEKIELE 5:10

Vhokhotsi aṋu vha ḓo ḽa vhana vhavho, vhana vha ḽa vhokhotsi avho. Ndi ḓo ni lifhedza, tsalela dzaṋu nda dzi balanganya muyani.

ESEKIELE 5:16

“Ndi ḓo ni ḓisela misevhe i vhulahaho nga nḓala; i ḓo ni lozwa, vhunga ndi tshi ḓo i ḓisa uri i ni lozwe; ndi ḓo ni wisela nḓala khulu ha sala hu si tshee na zwiḽiwa.

MIKA 1:16

Vheulani ṱhoho dzaṋu dzi sale na phanḓa unga ḽianga, ni lilele vhana vhaṋu vhafuniwa, ngauri vho ni ṱutshela vho iswa vhuthubwani.”

NAHUMI 3:10

Naho zwo ralo vhathu vhawo vho hwalwa vha iswa vhuthubwani. Tshetshe dzavho dzo devhiwa mafhandeni oṱhe a mikoto, vhaḓivhalea vhawo vho itelwa madeṅwa, vhahulwane vhawo vhoṱhe vho vhoxwa nga dzigeḓane.

MATIOSI 14:25

Nga maḓautsha a ḓa khavho a tshi khou tshimbila nṱha ha maḓi.

MARKOSI 1:35

Nga matshelo Yesu a fhinduwa hu tshee vhusiku a yo rabela sogani.

MARKOSI 13:35

Thanyani-ha ngauri a ni ḓivhi uri Muṋe wa muḓi u ḓo vhuya lini – a nga ḓi vhuya nga madekwana, a nga ḓi vhuya vhukati ha vhusiku, a nga ḓi vhuya nga maremamutsho, a nga ḓi vhuya ḓuvha ḽi tshi bvisa mulomo!

LUKASI 6:12

Misi iyo Yesu a yo rabela thavhani, a fhedza vhusiku hoṱhe a tshi khou rabela Mudzimu.

1 TIMOTI 2:8

Ndi funa vhanna vha tshi rabela zwivhidzoni zwoṱhe vho kuna, vha tshi rabela vhá songo sinyuwa, vha sa ṱaṱisani.

VHARANGAPHANḒA 7:19

Gidioni na vhanna vhawe vha ḓana vha swika lumemeni lwa mishasha henefha nga tshifhinga tsha fumi, vhalindi vha tshi kha ḓi bva u ṱuwa. Ndi hone vha tshi lidza phalaphala, vha pwasha mvuvhelo dze vha vha vho dzi fara,

1 SAMUELE 1:15

Huno Hanna a fhindula a ri, “Aiwa muṋe wanga, a tho ngo kambiwa. Nṋe ndi musadzi o dinaleaho zwihulu. A tho ngo nwa waini kana halwa, ndo vha ndi tshi khou tou tevhulela Muṋe washu zwa mbiluni yanga.

1 SAMUELE 7:6

Vha mbo kuvhangana Mitsipha, vha ka maḓi, vha a shulula phanḓa ha Muṋe washu. Musi wonoyo vha ḓidzima zwiḽiwa, vha bula vhuvhi havho vha ri, “Ro khakhela Muṋe washu.” Henefho Mitsipha Samuele a laya Vhaisraele.