ZWILILO 2:18 - BIVHILI KHETHWA Mafhungo Madifha

¹⁸ Mbilu dza vhathu dzi ṱavhela Muṋe wa zwoṱhe mukosi. Iwe mutsheṱo wa Tsioni, miṱodzi yau nga i ele unga mulambo vhusiku na masiari; u songo vhuya wa ḓirula, maṱo au a songo awela.

ZWILILO 2:18 Iomraidhean Croise

DZIPHISALEMA 119:136

Maṱo anga a tou shuluwa nga u vhona vhathu vha sa vhulungi mulayo wau.

DZIPHISALEMA 119:145

Ndi khou u vhidzelela nga mbilu yanga yoṱhe; Muṋe washu, mphindule, ndi ḓo vhulunga zwe wa vhofha.

JEREMIA 13:17

Huno na sa thetshelesa, nṋe ndi ḓo lila tshiphirini, ndi tshi lilela u ḓihudza haṋu; ndi ḓo lila nda tswukisa maṱo, miṱodzi ya tevhukana ngauri sambi ḽa Muṋe washu ḽi ḓo iswa vhuthubwani.

JEREMIA 14:17

Muṋe washu o nndaya uri ndi vhudze vhathu nga maṱungu anga ndi ri, “Maṱo anga nga a bve miṱodzi i sa imi vhusiku na masiari, ngauri lushaka lwa hashu lwe lwa vha lu tshi nga musidzana a sa ḓivhi munna lwo pfulwa mbonzhe khulu, lwo huvhala zwi si na vhukono.

JEREMIA 4:31

Ndi khou pfa mukosi u no nga wa musadzi ane a ṱoḓou vhofholowa; ndi tshigomelo tsha a no nga u khou beba ṅwana wa tanzhe; ndi mukosi wa u fhihamelwa ha Tsioni a tshi onyolosa zwanḓa a tshi ri, “Yawee, ndi khou dzidzivhala, ndo kumedzwa dziphondi!”

JEREMIA 9:1

Ngavhe ṱhoho yanga i tshisima tsha maḓi, maṱo anga e tshisima tsha miṱodzi. Ndo vha ndi tshi ḓo lila vhusiku na masiari, ndi tshi lilela vhathu vha hashu vhe vha vhulawa nndwani.

ZWILILO 1:16

Ndi zwine nda lila, maṱo anga a bva miṱodzi. A hu na a re tsini ane a nkhuthadza, a hu na ane a rudza mbilu yanga. Vhana vhanga vho ṱovhowa, swina ḽo kunda.”

ZWILILO 1:2

Vhusiku u lila lu ṱungufhadzaho, marama awe o ḓala miṱodzi. Kha vhafunwa vhawe vhoṱhe a hu na ane a mu fhumudza. Khonani dzawe dzoṱhe dzo mu fheṱa; vho no vha maswina awe.

ZWILILO 2:8

Muṋe washu o vha o ḓiimisela u thutha mutsheṱo wo tangeledzaho ṅwananyana wawe Tsioni. O ṱharamudza thambo ya u ela uri hu si sale tombo, a si humise tshanḓa tshawe uri tshi si lozwe. O ita uri dzithawara na mitsheṱo zwi lile; zwino zwo sala zwi matumba.

HOSIA 7:14

A vha nthabeli zwi tshi bva mbiluni dzavho, vha sokou ongolela vhe vhulaloni havho vha tshi ḓitshetshekanya vha tshi ri midzimu i ḓo vha fha mavhele na waini ya tuvhu, Nṋe vha a mpfuralela,

HABAKUKU 2:11

Matombo a mitsheṱo na one a ḓo ṱavha mukosi, matanda a humisa uyo mukosi.