ZWILILO 2:17 - BIVHILI KHETHWA Mafhungo Madifha

¹⁷ Muṋe washu o ita zwe a dzudzanya; o khunyeledza ipfi ḽawe, ḽe a ḓivhadza kale-kale. O u lozwa a sa khathutsheli, o takadza swina nga u wa hau, a ombela maswina au shambo.

ZWILILO 2:17 Iomraidhean Croise

1 MAHOSI 9:7

zwenezwo ndi ḓo pfulusa Vhaisraele shangoni ḽe nda vha ṋea, thembele hei ye nda i ita khethwa ndi tshi itela dzina ḽanga, nda i landula. Vhaisraele zwenezwo vha ḓo tou vha milomoni ya vhathu vha tou vha samba vha nyadziwa nga tshakha dzoṱhe.

DZIPHISALEMA 35:24

Mudzimu Muṋe wanga, hufha u muhaṱuli muvhuya, u songo vhuya wa tenda vha tshi ntshonedza,

DZIPHISALEMA 35:26

Ngavhe vhane vha takalela u tambula hanga vha tshi shona vha nyadziwa. Vhenevho vha u ḓihudza vha amare ṱhoni vha nyadzee.

DZIPHISALEMA 38:16

Ndi a rabela ndi ri, “U songo litsha vha tshi ntsea, u songo tenda vha tshi zuwa u kundwa hanga!”

DZIPHISALEMA 89:42

Wo ṋea maswina awe maanḓa a u mu kunda, wa a takadza oṱhe.

DZIPHISALEMA 89:43

Wo gomadza vhuhali ha pfumo ḽawe; nndwani ha tsha kunda.

YESAYA 14:29

Inwi Vhafilista noṱhe, ni songo ri u vhona mbuno ye ya vha i tshi ni rwa yo konyowa na pembela; ho fa vuluvulu, hu ḓo ḓa khangala yo ruḓa maṱo; gumba ḽa ṋowa ḽi thothonya ḓiragoni ḽi fhufhaho.

JEREMIA 18:11

Zwino-ha vhudza vhathu vha Juda na vha dzulaho Jerusalema u ri, ‘Yahavee u ri: Vhonani! Ndi khou ni kela ṱhamu, ndi khou ni dzudzanyela ndozwo. Zwenezwo laṱani maitele aṋu mavhi, nga muthihi nga muthihi, kutshilele kwaṋu na zwiito zwaṋu zwi vhe zwivhuya.’

JEREMIA 4:28

Ḽifhasi ḽi ḓo lila, lutombo lwa swifhala. Ho amba Muṋe washu, zwe a vhofha o vhofha. Ha nga ḓisoli, ha nga humeli murahu.

JEREMIA 40:3

Zwino-ha Yahavee o ita uri i bvelele; o ita zwenezwiḽa zwe a ri u ḓo zwi ita. Zwoṱhe hezwi zwo bvelela nge inwi Majuda na khakhela Yahavee na si mu thetshelese.

ZWILILO 1:5

Maswina awe a vho mu vhusa; ḽa maswina awe ḽo lala. Muṋe washu o mu ḓisela vhuṱungu nge a mu shandukela lunzhi. Vhana vhawe vho iswa vhuthubwani, vho thubwa nga swina.

ZWILILO 2:8

Muṋe washu o vha o ḓiimisela u thutha mutsheṱo wo tangeledzaho ṅwananyana wawe Tsioni. O ṱharamudza thambo ya u ela uri hu si sale tombo, a si humise tshanḓa tshawe uri tshi si lozwe. O ita uri dzithawara na mitsheṱo zwi lile; zwino zwo sala zwi matumba.

ZWILILO 3:43

Wo ḓiputela nga mbiti dzau wa ri pandamedza, wa ri vhulaha u sa khathutsheli.

ZWILILO 4:11

Muṋe washu o vusa mbiti dzawe dzoṱhe; o shulula mbiti dzawe dzi ofhisaho. O funga mulilo Tsioni wa fhisa miteo yawo.

ESEKIELE 5:11

“Zwino-ha, ndi ana nga vhutshilo hanga,” – hu amba Muṋe washu – “vhunga vhukuma no kumadza fhethu hanga hukhethwa nga zwi nengisaho na zwiito zwaṋu zwa mashika, na Nṋe ndi ḓo ni ṱangula ndi sa khathutsheli; a thi nga litshi muthu.

ESEKIELE 8:18

Mbiti dzanga dzi fuḓa dzi tshi ya khavho; a thi nga khathutsheli muthu, a thi nga vha pfeli vhuṱungu. Vha nga ḓi ṱavha mukosi nga hune vha kona, ndi nga si vha thetshelese.”

ESEKIELE 9:10

Zwino ndi zwone, na Nṋe a thi nga vha pfeli vhuṱungu, na Nṋe ndi ḓo vha fhedza. Zwe vha ita vhaṅwe, na vhone zwi ḓo vha wela-vho.”

DANIELE 9:12

Wo khunyeledza maipfi e wa amba wa ri u ḓo rwa riṋe na vhavhusi vhoṱhe vhashu nga u ri ḓisela khombo khulu. Shangoni ḽoṱhe a hu athu vhuya ha itwa zwo itwaho Jerusalema.

MIKA 2:3

Zwenezwo Muṋe washu u ri, “Inwi vha tshigwada hetsho, ndi khou elekanya u ni ḓisela khombo ine na nga si i ponyoke. A ni tsha ḓo tshimbila ni na mutsindo, ngauri zwi ḓo vha zwo vhifha.

TSEFANIA 1:2

Muṋe washu o ri, “Zwithu zwoṱhe zwi re shangoni ndi ḓo zwi swielela kule.

ZAKARIA 1:6

A thi ri vhomakhulukuku waṋu vho nyadza maipfi anga na ndaela dzanga dze nda vha vhudza nga milomo ya vhaḓinḓa vhanga vhaporofita, vha fhedza nga u tambula? Ngavhuya vho ḓisola vha ri, ‘Yahavee Mulangazwoṱhe o ri ita zwe a ḓiimisela u zwi ita, a ri ita zwo fanelaho nḓila dzashu na zwiito zwashu.’ ”