ZWILILO 2:15 - BIVHILI KHETHWA Mafhungo Madifha

¹⁵ Vhoṱhe vhafhiri vha nḓila vha vhanda zwanḓa vha ri, “Koṱo!” vha u nzhonzhowedza, vha u dzungudzela dziṱhoho iwe Jerusalema. Vha ri, “Nṋa uyu ndi uḽa muḓi we wa vha u tshi pfi u khunyelela ha lunako, dakalo ḽa ḽifhasi ḽoṱhe?”

ZWILILO 2:15 Iomraidhean Croise

2 MAHOSI 19:21

Yahavee a tshi mu fhindula u ri, “ ‘Musidzana ṅwananyana Tsioni u a u nyadza, u a u sea. Ṅwananyana Jerusalema u a u goḓa iwe u tshi khou shavha.

2 KORONIKA 7:21

Naho thembele iyi zwino i tshi huliswa, misi yeneyo vhafhiri vha nḓila vhoṱhe vha vho ḓo tshenuwa vha ri, ‘Ndi mini Yahavee o ita zwo raliho shangoni ḽino na thembeleni iyi?’

DZIPHISALEMA 109:25

Ndi tou vha tshikonelo tshavho; vha tshi mmbona vha dzungudza ṱhoho.

DZIPHISALEMA 22:7

Vhoṱhe vhane vha mmbona vha a nkolela, vha sokou nkongomedza vha dzungudza dziṱhoho;

DZIPHISALEMA 48:2

Yo ri u naka, ya ri u lapfa, ya ḓisa dakalo shangoni ḽoṱhe. Thavha ya Tsioni ngeiḽaa devhula, wone musanda wa Khosi khulu.

DZIPHISALEMA 48:3

Mudzimu u dzula pfamoni dzawo, u ḓihwa e dzhavhelo ḽawo.

DZIPHISALEMA 50:2

Mudzimu u vhonadza lupenyo lwawe e Tsioni, muḓi wa manakanaka.

DZIPHISALEMA 64:8

u ḓo vha lozwela ndimi dzenedzo dzavho. Vhoṱhe vhane vha vha vhona vha tshi wa vha ḓo dzungudza dziṱhoho dzavho.

YESAYA 28:21

Muṋe washu u ḓo lwa unga thavhani ya Pheratsimu, u ḓo sinyuwa unga govhani ḽa Gibioni, uri a ite zwine a ṱoḓa u ita – mishumo i sa ḓihwi nga muthu; u ḓo ṱhaphudza mushumo wawe – mushumo u sa ṱalukanywi nga muthu.

YESAYA 37:22

Zwino ipfi ḽa Muṋe washu ḽine a vhudza Sanakheribi ngeḽi: “ ‘Muḓi wavhuḓi wa Tsioni u a u nyadza, u a u sea; muḓi wo nakaho wa Jerusalema u a u kolela u tshi khou shavha.

YESAYA 64:11

Thembele yashu khethwa ya vhugala he vhokhotsi ashu vha vha vha tshi u renda yo fhiswa nga mulilo; zwe zwa vha zwi tshi ri takadza zwo no vha matumba.

JEREMIA 18:16

Shango ḽavho ḽi ḓo sala ḽi soga, ḽa vha tshinyadziwa tsha lini na lini; vhoṱhe vhafhiri vha nḓila zwi ḓo vha tshenusa vha dzinginyisa dziṱhoho.

JEREMIA 19:8

Ndi ḓo phusukanya hoyu muḓi, wa tou vha ṱano wa nyadzea; vhoṱhe vhafhiri vha nḓila vha ḓo tshenuwa vha akhamala vha tshi vhona mbonzhe dzawo.

JEREMIA 25:18

Jerusalema na miḓi ya Juda na mahosi avho na vhahulwane, ha vha u vha ita matumba, vha vha ṱano ḽa zwi ofhisaho na u nyadzea na u teketelwa, sa zwine vha vha zwone ṋamusi.

JEREMIA 25:9

ndi ḓo vhidza tshakha dzoṱhe dza Devhula na mukoma wanga Nebukhadnetsara khosi ya Babele, vha ḓa vha lwa na vhathu vha dzulaho shangoni heḽi, vha lwa na tshakha dzoṱhe dzo vha tangaho. Ndi ḓo vha lozwa tshoṱhe nda vha ita ṱano ḽa zwi ofhisaho na u nyadzea, ha sala hu matumba lini na lini. Ho amba Nṋe Yahavee.

JEREMIA 26:6

Na sa thetshelesa, nnḓu hei ndi ḓo i ita zwe nda ita Shilo, muḓi houno wa tou vha tshiga tshine tshakha dzoṱhe dza ḽifhasi dza teketelana ngatsho.’ ”

JEREMIA 29:18

Ndi ḓo vha pandamedza nga pfumo na nḓala na dwadze nda ita uri mivhuso yoṱhe ya shango i tshenuwe i tshi vhona zwe nda vha ita, vha vha ṱano ḽa u teketelwa na zwi ofhisaho, na u nyadziwa na u shona vhukati ha tshakha dzoṱhe hune nda ḓo vha balanganyela hone.

JEREMIA 48:27

Israele wo vha u sa khou ḽi shonedza naa? Kani ḽo vha ḽo farwa na mafobvu, hezwi u tshi ḽi nyadza wa ita na u dzungudza ṱhoho misi yoṱhe u tshi ḽi amba?

JEREMIA 51:37

Babele hu ḓo vha thulwi ya matumba, hu ḓo vha vhudzulo ha phunguhwe, hu ḓo vha na zwi ofhisaho ha nyadzea, a hu nga dzuli muthu.

ZWILILO 1:21

Vhathu vho pfa tshigomelo tshanga, hone a hu na ane a nkhuthadza. Maswina anga oṱhe o pfa uri zwo mmbifhela, a pembelela zwe wa nnyita. Ngavhe u tshi ḓisa ḓuvha ḽe wa ḽi ḓivhadza, uri na vhone vha itwe zwe nṋe nda itwa.

ZWILILO 1:8

Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 2:16

Maswina au oṱhe a a u kolela, vha a u nzhonzhowedza vha tshi shenganya maṋo vha ri, “Ro mu mila. Heḽi ndi ḓuvha ḽe ra ḽi lindela; ḽo swika, ro ḽi vhona.”

ZWILILO 2:6

O thutha fhethu hawe hune ha kuvhanganiwa. Muṋe washu o ita uri vha Tsioni vha hangwe zwa minyanya mikhethwa na Dzisabatha; o ṱamba vhoṱhe khosi na tshifhe, e mbitini dzi ofhisaho.

ESEKIELE 16:13

Wo vha wo ṱamiwa nga musuku na siliva, wa ambadzwa lukhaha lwavhuḓi na siliga ya mivhalavhala. Zwiḽiwa zwau zwo vha zwi vhukhopfu vhutshenatshena na ṋotshi na mapfura. Wa ḓi naka u tshi ya, wa vhuya wa tea u vha mufumakadzi wa musanda.

ESEKIELE 16:14

Bvumo ḽa lunako lwau ḽa pfala kha tshakha dzoṱhe nge lwa vha lwo khunyelela, ngauri ndo vha ndo u ambadza vhugala hanga – hu amba Nṋe Muṋe wa zwoṱhe Yahavee.

ESEKIELE 23:32

Muṋe wa zwoṱhe Muṋe washu u ri: “U ḓo nwa tshinwelo tsha khaṱhulo tshe nda nwisa mukomana wau; ndi tshinwelo tsho aṱamaho tsha tsisa, tsho ḓala tsho tou pha. Vha ḓo u holedza vha u nyadzisa.

ESEKIELE 25:6

Muṋe wa zwoṱhe Muṋe washu u ri, “Vhunga no vhanda zwanḓa na tou tshina nga u takalela khombo yo welaho shango ḽa Israele, na vha nyala nga mbilu yoṱhe,

ESEKIELE 5:15

“Ni ḓo nyadzwa na shona, na tou vha ndayo na tsumbo ya zwi ofhisaho kha tshakha dzoṱhe dzo ni tangaho musi ndi tshi ni haṱula ndi mbitini, ndó sinyuwa, ndi tshi ni rwa nga ṱhamu i vhavhaho. Hu amba Nṋe Yahavee.

DANIELE 9:16

“Yawee Muṋe washu, vhunga u tshi ḓi fulufhedzea, u songo tsha sinyutshela Jerusalema, wone muḓi wau, thavha yau khethwa. Vhoṱhe vho ri tangaho vha nyadza Jerusalema na vhathu vhau nga mulandu wa vhutshinyi hashu na vhuvhi ha vhokhotsi ashu.

MIKA 6:16

Midzimu ya zwifanyiso ya Omuri i ḓo pwashekanywa, khathihi na zwo itwaho nga Ahaba. Iwe wo kanda vhuṱalani havho, ndi zwine nda ḓo ita uri vhathu vha tshi vhona zwe nda u ita vha tshenuwe; vhoṱhe vha dzulaho muḓini vha ḓo nzhonzhowedzwa. No shonisa vhathu vhanga, ndi zwone, ni ḓo shona-vho.”

NAHUMI 3:19

A hu na tshine tsha nga fhodza mbonzhe dzau, fuvhalo ḽau ḽi isa lufuni. Vhoṱhe vhane vha pfa zwo u welaho vha ḓo vhanda zwanḓa vha tshi takalela u lozwiwa hau. Ndi nnyi a songo pfaho vhuṱungu ha tshiṱuhu tshau tshi sa gumi?

TSEFANIA 2:15

Ndi zwone zwine zwa ḓo wela muḓi uḽa wa mifhululu, we wa vha u tshi dzula u sa ofhi tshithu. Wo amba nga mbilu wa ri, “Muḓi ndi nṋe, a hu na muṅwe u no nga nṋe.” Zwino wo no vha matumba, wo no vha vhudzulo ha phukha dza ḓaka! Vhoṱhe vhafhiri vha nḓila vha lidza muludzi, vha dzungudza mavili vha tshi u holedza.

MATIOSI 27:39

Vhafhiri vha gondo vha tshi mu vhona vha dzungudza dziṱhoho vha mu holedza

MARKOSI 15:29

Vhafhiri vha gondo vha tshi zwi vhona vha dzungudza ṱhoho vha mu holedza vha ri, “Koṱo! Ndi iwe we wa ri u nga thutha nnḓu ya Mudzimu wa dovha wa i fhaṱa nga maḓuvha mararu!