ZWILILO 2:14 - BIVHILI KHETHWA Mafhungo Madifha

¹⁴ Vhaporofita vhau vho u hanelela mabono a mahandana, a sa tshidzi; a vho ngo u dzumbululela vhuvhi hau uri u laṱe u si thubiwe nga dzitshakha. Milomo ya midzimu yau yo u vhudza mazwifhi fhedzi, ndi yone ye ya u lozwa.

ZWILILO 2:14 Iomraidhean Croise

YESAYA 58:1

Muṋe washu u ri, “Ṱavha mukosi nga hune wa kona! Takusa ipfi ḽau ḽi nge phalaphala! Ḓivhadza vhathu vhanga vhuvhi havho, vha muṱa wa Jakopo u vha sumbedze vhutshinyi havho!

JEREMIA 2:8

Vhotshifhe a vho ngo vhuya vha vhudzisa vha ri, ‘Yahavee u ngafhi?’ Vhafunzi vha maṅwalo a vho ngo nnḓivha; vharangaphanḓa vho ntshandukela. Vhaporofita vho porofita nga dzina ḽa Baali, vha luvha zwithu zwi sa tshidzi.”

JEREMIA 20:6

Huno iwe Phashuru na vhoṱhe vha no dzula nḓuni yau ni ḓo ya vhuthubwani Babele. U ḓo fela henengei wa swiṱwa hone, iwe na khonani dzau dzoṱhe dze wa dzi porofitela mazwifhi.’ ”

JEREMIA 23:22

Hone arali vho vha vho dzhena khoroni yanga, vho vha vha tshi ḓo vha vho ḓivhadza vhathu vhanga maipfi anga vha vha humisa nḓilani dzavho mmbi, vha vha laṱisa zwiito zwivhi.”

JEREMIA 23:36

Hone ni songo tsha vhudzisa na ri, ‘Yahavee u khou ri hwesa mini?’ Ane a ralo, ndaedzo yanga i ḓo tou vha muhwalo wawe vhukuma, ngauri u khou shanda maipfi a Mudzimu a tshilalo, Nṋe Yahavee Mulangazwoṱhe Mudzimu waṋu.

JEREMIA 28:15

Ndi hone muporofita Jeremia a tshi ya a vhudza muporofita Hanania a ri, “Inwi Hanania thetshelesani! A no ngo rumiwa nga Muṋe washu, nangwe zwo ralo no ita uri lushaka holu lu fulufhele mazwifhi.

JEREMIA 29:21

Muṋe washu Mulangazwoṱhe Mudzimu wa Israele a tshi amba nga Ahabu ṅwana wa Kolaya na nga Tsedekia ṅwana wa Maaseya vhane vha khou ni porofitela mazwifhi nga dzina ḽawe u ri, ‘Ndi ḓo vha kumedza Nebukhadnetsara khosi ya Babele, a vha vhulaha ni tshi zwi vhona.

JEREMIA 37:19

Vha ngafhi vhaḽa vhaporofita vhavho vhe vha vha porofitela vha ri, ‘Khosi ya Babele i nga si vha die, na shango heḽi i nga si ḽi die’?

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

ZWILILO 4:13

Mulandu u na vhaporofita vhawo; ndi vhutshinyi ha vhotshifhe vhawo vhe vha fhaladza malofha a vha si na mulandu ngomu hawo.

ESEKIELE 13:22

“Vhunga a fulufhedzeaho ane Nṋe nda si mu vhaise, inwi ni tshi vhaisa mbilu yawe nga mazwifhi aṋu, muvhi na mu ṱuṱuwedza uri a si laṱe vhuvhi hawe a dovha a tshila,

ESEKIELE 22:25

Vhavhusi vhau ngomu hau vha nga ndau i no khou fhandula tshe ya vhulaha. Vho ḽa vhathu, vha dzhia lupfumo na dzinungu, vhupondi havho ha ita uri vhasadzi vhanzhi vha sale vhe dzitshilikadzi ngomu muḓini.

ESEKIELE 22:28

“ ‘Vhaporofita vhau vho fhoma vhuvhi uho nga mabono avho a si na tshithu ngomu na u ḓivhadza mazwifhi. Vha ri: Yahavee u ralo; naho hu uri Yahavee ho ngo zwi amba.

ESEKIELE 23:36

Muṋe washu a mmbudza a ri, “Iwe ṅwana wa muthu, haṱula Ohola na Oholiba u vha vhee mulandu wa vhutshinyi havho vhu nengisaho.

HOSIA 9:7

Misi ya u lifhedzwa i khou ḓa, misi ya tsengo yo sendela. Vhaisraele vha ḓo zwi pfa! Ni ri, “Muporofita ndi tsilu, muthu o vhonetshelwaho ndi mpengo.” Ndi nge zwivhi zwaṋu zwa anda, vhuswina haṋu ho hulela.

MIKA 2:11

Kani-ha muthu a no endedzwa nga Muya a nga porofita mazwifhi? Ndi hone-ha nṋe ndi tshi nga porofita nda ni fulufhedzisa waini na thothotho. Hone havha vhathu vha ḓi futelela u porofita vha ri, “Mudzimu o ri fulufhedzisa a ri,

MIKA 3:8

A vha nṋe, ndi na maanḓa mahulu, ndi na Muya wa Muṋe washu, ndi lwela zwi re zwone, ndi na nungo, a thi ofhi u kaidza vhaḓuhulu vha Jakopo nge vha shandukela Muṋe washu, Vhaisraele ndi vha ḓivhadza u tshinya havho.

TSEFANIA 3:4

Vhaporofita vhawo vha a ḓihudza, vha na vhufhura. Vhotshifhe vhawo vha kumadza hukhethwa, vha pfuka mulayo.