ZWILILO 2:11 - BIVHILI KHETHWA Mafhungo Madifha

¹¹ Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ZWILILO 2:11 Iomraidhean Croise

JOBO 16:13

a mposa nga misevhe thungo dzoṱhe, a ita tshiṱuhu a mpfula tswio, a shululela ndulu yanga fhasi;

JOBO 30:27

Ndi lala ndi tshi ḽa mbilu; ndi sokou dzula ndi maṱunguni;

DZIPHISALEMA 119:82

Maṱo anga o neta nga u lavhelela zwe wa mpfulufhedzisa, ndi ri, “U ḓo mphumudza lini?”

DZIPHISALEMA 22:14

Ndo tou tevhulelwa kule sa maḓi, na zwiendanungo zwanga zwo lunguluwa; mbilu yanga yo ṋoka sa phula, yo tou pwaṱa ngomu khanani yanga.

DZIPHISALEMA 31:9

Muṋe washu, nkhathutshele, ndo hanganea! Maṱo anga o punda nga miṱodzi, ndo kulekana miraḓo tshoṱhe,

DZIPHISALEMA 38:8

Ndo ṱahala tshoṱhe, ndo pwashekana, ndi khou gomela nga vhuṱungu vhu re mbiluni yanga.

DZIPHISALEMA 6:7

Maṱo anga o no tou punda nga u lila; ha tsha vhona nga mulandu wa vhakandeledzi vhanga.

DZIPHISALEMA 69:3

Ndo neta nga u ṱavha mukosi, mikulo yanga i ita na u rema; maṱo anga o ita na u punda ndó lindela Mudzimu wanga a tshi nndamulela.

YESAYA 22:4

Ndi zwe nda ri, “Nṱutsheleni! Nnditsheni ndi lile lwa u ṱungufhadza, ni si mphumudze; litshani ndi lilele vhathu vhanga vho lozwiwaho!”

YESAYA 38:14

Vhutshilo hanga ho vha ho tumulwa ha fhela unga dennde ya mulisa yo rathululwaho ya ladzwa, unga sila ḽine ḽa tumulwa nga muluki ḽa petwa, vhusiku na masiari nda pfa Mudzimu o nṱamba tshoṱhe,

YESAYA 51:20

Mafhandeni a magondo au oṱhe vhana vhau vha sokou huru nga u shaya nungo; vha nga ntsa yo fashwa nga khunḓa; vho rwiwa nga mbiti dza Muṋe washu; vho kaidzwa nga Mudzimu wau.

JEREMIA 14:17

Muṋe washu o nndaya uri ndi vhudze vhathu nga maṱungu anga ndi ri, “Maṱo anga nga a bve miṱodzi i sa imi vhusiku na masiari, ngauri lushaka lwa hashu lwe lwa vha lu tshi nga musidzana a sa ḓivhi munna lwo pfulwa mbonzhe khulu, lwo huvhala zwi si na vhukono.

JEREMIA 4:19

Yawee, ndi khou pfa vhuṱungu, zwi tou vhavha! Mbilu yanga i tou sinḓa ngomu hanga, a thi koni u fhumula. Ndo pfa phalaphala i tshi lila, ndo pfa mukosi wa nndwa.

JEREMIA 44:7

“Zwino Nṋe Yahavee Mulangazwoṱhe Mudzimu wa Israele ndi ri: Ndi mini ni tshi ḓihwesa khombo nngafhangafha nga u lozwa vhanna na vhasadzi na vhana na dzitshetshe kha ḽa Juda, na sala ni si tshee na tsalela dza vhathu?

JEREMIA 8:19

Tshililo tsha vhathu vhanga tshi pfala thungo dzoṱhe, vha ri, “Kani Muṋe washu ha tsheeho Tsioni? Khosi ya Tsioni a i tsha dzula hone naa?” Muṋe washu a tshi fhindula u ri, “Ndi mini vha tshi nṱunga nga u luvha midzimu ya zwifanyiso, vha gwadamela midzimu isili i si tshithu?”

ZWILILO 1:11

Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:16

Ndi zwine nda lila, maṱo anga a bva miṱodzi. A hu na a re tsini ane a nkhuthadza, a hu na ane a rudza mbilu yanga. Vhana vhanga vho ṱovhowa, swina ḽo kunda.”

ZWILILO 1:20

“Muṋe washu, edzou vhona uri zwi khou mmbavha hani! Ngomu hanga hu tou duga, mbilu yanga i a vhavha; ndo vha ḽishandukwa vhukuma. Nnḓa pfumo ḽi a vhulaha, ngomu nḓuni ndi lufu fhedzi.

ZWILILO 5:17

Ndi zwe mbilu dzashu dza ṋoka. Ndi nga mulandu wa hezwi zwithu maṱo ashu a tshi vho vha na luswiswi,

LUKASI 23:29

Ḓivhani uri hu ḓo ḓa maḓuvha ane vhathu vha ḓo ri, ‘Vha na mashudu vha re vhaumba, vha ṋowa dzi songo vhuyaho dza fara, na maḓamu a songo vhuyaho a mamisa!’

1 SAMUELE 30:4

Dafita na vhanna vhe a vha e navho vha lila vha tou ṱavha mukosi u swika vha tshi kulea nungo vha si tsha kona u lila.