ZWILILO 1:9 - BIVHILI KHETHWA Mafhungo Madifha

⁹ O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 1:9 Iomraidhean Croise

2 SAMUELE 16:12

Khamusi Muṋe washu u ḓo vhona u ṱungufhala hanga a nnyitela zwivhuya nge nda teketelwa ṋamusi.”

2 MAHOSI 14:26

Muṋe washu o vha o vhona u tambula hu ṱungufhadzaho ha Vhaisraele vhoṱhe, vhahulwane na vhaṱuku. Ho vha hu si na ane a nga vha lamulela.

NEHEMIA 9:32

“Yawee Mudzimu, Mudzimu washu, wo hula hani! U ofhisa hani, maanḓa au ndi mangafhani! U a fulufhedzea, zwe wa fulufhedzisa u tshi vhofha mulanga, u a zwi ita. U bva tshee mahosi a Vhaashuru a ri kandeledza, u swika na zwino, ro tambula hani! Mahosi ashu na vharangaphanḓa vhashu na vhotshifhe vhashu na vhaporofita na vhomakhulukuku washu na vhathu vhau vhoṱhe vho tambula. Elelwa uri ro tambula zwingafhani, u songo vhona zwi si tshithu!

DZIPHISALEMA 119:153

Edzou sedza u vhone u shengedzwa hanga – a u nndamukisi? Hufha mulayo wau ndi sa u hangwi.

DZIPHISALEMA 140:8

Muṋe washu, u songo ṋea vhavhi zwine vha tama, u songo tenda zwe vha langana zwi tshi itea, vha sa ḓo ḓihudza.

DZIPHISALEMA 25:18

Sedza vhuṱungu na u tambula hanga, u nkupule vhutshinyi.

DZIPHISALEMA 69:21

Ndi tshi pfa nḓala vho mpha vhutulu; ndó farwa nga ḓora vha mpha viniga.

EKISODA 3:17

Zwino-ha, ndo elekanya u ni pfulusa shangoni ḽa Egipita hune na khou kandeledzwa, nda ni isa shangoni ḽa Vhakanana na Vhahithi na Vhaamori na Vhapherisi na Vhahivi na Vhajebusi, shango ḽi elaho mukhaha na ṋotshi.’

EKISODA 3:7

Muṋe washu a ri, “Vhukuma ndo vhona u tambudzwa ha vhathu vhanga ngei Egipita. Ndo pfa tshililo tshavho vha tshi ṱavha mukosi nga mulandu wa vhashumisi vhavho. Vhukuma ndi ḓivha u tambula havho.

EKISODA 4:31

Vhathu vha zwi tenda, vha pembela nge Muṋe washu a londa Vhaisraele, a vhona u tambula havho; vha gwadama vha luvha.

MUFUNZI 4:1

Nda dovha nda vhona u kandeledzwa ha vhathu fhano fhasi ha ḓuvha. Vha kandeledzwaho vha lila hu si na mufhumudzi; vhakandeledzi vhavho vha na maanḓa, a hu na mulamuleli.

YESAYA 3:8

Jerusalema wo phusukana, Juda ḽo wa. Zwine vha amba na zwine vha ita zwi nyadzisa Muṋe washu, zwi lwa na vhugala hawe.

YESAYA 37:17

Zwino-ha Muṋe washu, thetshelesa u ri pfe, u sedze zwine ra itwa; thetshelesa zwoṱhe hezwi zwine Sanakheribi a amba a tshi u nyefula, Iwe Mudzimu a tshilaho.

YESAYA 37:23

Wo vha u tshi khou nyadza nnyi, u tshi khou nyefula nnyi? Wo vha u tshi khou zhambela nnyi, u tshi ḓihudza phanḓa ha nnyi? A si Mukhethwa wa Israele naa?

YESAYA 37:29

ndo zwi pfa zwa mbiti dzenedzo dzau na u ḓihudza hau. Zwino-ha ndi ḓo u phulela muhala ningoni, nda u longa ḓomu mulomoni, nda u humisa nga nḓila ye wa ḓa ngayo.

YESAYA 37:4

Khosi ya Ashuru yo ruma mulangammbi wayo u nyefula Mudzimu a tshilaho; khamusi Muṋe washu Mudzimu wau u ḓo pfa maṱamba aya a laṱisa vhe vha a amba nandi, zwenezwo u tshi humbelela vha hashu vho salaho u fa.”

YESAYA 40:2

Khuthadzani vhathu vha Jerusalema, vha vhudzeni uri vho tambulesa, zwino vho hangwelwa vhutshinyi havho; ndo vha lifhisa milandu yavho yoṱhe kavhili.”

YESAYA 47:7

Wo vha u tshi vhona unga u ḓo ḓi dzula u mufumakadzi, hezwi zwithu wa si vhuye wa zwi dzhenisa mbiluni, kana wa elekanya uri zwi ḓo fhela hani.

YESAYA 51:19

Wo welwa nga khombo mbili kathihi: shango ḽau ḽo phusukanywa nga nndwa, vhathu vhau vha ṋoka nga nḓala; a hu na ane a u lilela, a hu na ane a u fhumudza.

YESAYA 54:11

Muṋe washu u ri, “Iwe Jerusalema, muḓi wo tambudzwaho, wo phusukanywaho, hu si na ane a u khuthadza, ndi ḓo vusa miteo yau nga matombo a mutengo muhulu, nda u fhaṱa nṱha ha matombo a safire;

JEREMIA 13:27

Ndo nengwa vhupombwe hau na nyemulo dzau na u sa fhira munna hau u sa vhui wa shona! Ndo u vhona u tshi ita zwi nengisaho mivhunduni na shangoni. Iwe Jerusalema u ḓo zwi vhona! U ḓo dzula u ngomu vhuaḓani u swika lini?”

JEREMIA 16:7

A hu na a no ḓo lilisa vhaṅwe nga u vha ḓisela zwiḽiwa; hu o felwaho nga khotsi, he o felwaho nga mme, a hu na a no ḓo mu khuthadza nga u mu ṋea tshinwiwa.

JEREMIA 2:34

Nguvho dzaṋu dzo khakhaṱhela malofha a vhashai vha si na mulandu; nahone a no ngo vha wana vha tshi khou pwasha uri vha dzhene nḓuni. Naho zwo ralo

JEREMIA 48:26

“Ḽi kambiseni, ḽo nyadza Yahavee. Muaba nga ḽi vhumbuluwe maṱanzani aḽo; vhathu nga vha ḽi shonedze.

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

JEREMIA 50:29

“Vhidzani vhapfuli vha lwe na Babele, vhoṱhe vhane vha akha vhura. U govheleni, hu songo vha na a ponyokaho. U lifhedzeni zwe wa ita; u iteni zwoṱhe zwe wone wa ita vhaṅwe. Wo nyadza Yahavee, Ene Mukhethwa wa Israele.

ZWILILO 1:17

Tsioni a ṱharamudza zwanḓa zwawe a tshi vhidza khonani dzawe, hone a hu na ane a mu khuthadza. Muṋe washu o rambela Jakopo maswina a no bva masia oṱhe. Vha vhona Jerusalema a tshi nga musadzi e maḓuvhani awe.

ZWILILO 1:21

Vhathu vho pfa tshigomelo tshanga, hone a hu na ane a nkhuthadza. Maswina anga oṱhe o pfa uri zwo mmbifhela, a pembelela zwe wa nnyita. Ngavhe u tshi ḓisa ḓuvha ḽe wa ḽi ḓivhadza, uri na vhone vha itwe zwe nṋe nda itwa.

ZWILILO 2:13

Iwe Jerusalema, ndi nga u vhudzani? Ndi nga u vhambedza na mini? Iwe Tsioni, ṅwananyana wa lunako, ndi nga u fanyisa na mini uri ndi u fhumudze? Mbonzhe yau yo tsesa unga lwanzhe, u nga fhodzwa nga nnyi?

ZWILILO 4:1

Yowee, musuku a u tsha penya, musuku u songo vangwaho wo rivha! Nungu khethwa dzo balangana na mikoto!

ZWILILO 5:1

Muṋe washu, elelwa zwo ri welaho, edzou sedza u vhone ṱhoni dzashu.

HOSIA 2:14

“Ndi zwine nda ḓo mu kunga, nda mu tshimbidza nda mu isa phangani, nda amba nae nga vhulenda.

TSEFANIA 2:10

Hetsho ndi tshine vha ḓo wana nge vha ḓihudza, nge vha nyadza vhathu vha Muṋe washu Mulangazwoṱhe vha vha kolela.

JOHANISI 11:19

ndi zwe ha vha ho ḓa Majuda manzhi ha Marita na Maria u imela lwonolwo lufu lwa khaladzi avho.

DOTORONOMIO 26:7

Riṋe ra ṱavhela Muṋe washu Mudzimu wa vhomakhulukuku washu mukosi, a ri pfa, a vhona u tambula hashu na u shengela hashu na u kandeledzwa hashu,

DOTORONOMIO 32:27

Hone maswina avho a nga nngoḓa, vha nga zwi shanda vha ri: A si Yahavee o itaho hezwo, ndi maanḓa ashu!’

DOTORONOMIO 32:29

Ngavhe vhe na ṱhalukanyo ndi musi vho zwi vhona, vha ṱalukanya uri vha ḓo gumafhi.

1 PITROSI 4:17

Tshifhinga tsha khaṱhulo tsho swika, nahone i ḓo thoma nga muṱa wa Mudzimu Ene muṋe. Zwino-ha arali ya thoma nga riṋe, vhaḽa vho landulaho mafhungo maḓifha a Mudzimu khavho zwi ḓo tou ngani?

1 SAMUELE 1:11

A fulufhedzisa Muṋe washu a ri, “Muṋe washu Mulangazwoṱhe, arali wa sedza vhuṱungu hanga, wa nnyelelwa, wa si nkhangwe, wa mpha ṅwana wa mutuka, ndi ḓo mu kumedza Iwe Muṋe washu maḓuvha oṱhe a vhutshilo hawe, nahone a nga si vhuye a vheulwa mavhudzi.”