ZWILILO 1:8 - BIVHILI KHETHWA Mafhungo Madifha

⁸ Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 1:8 Iomraidhean Croise

GENESI 3:7

Ndi hone maṱo avho vhuvhili havho a tshi bonyolowa, vha thoma u vhona uri vha fhedzi; vha rungekanya maṱari a muhuyu, vha ḓiitela vhupila.

1 MAHOSI 9:6

“Huno arali iwe kana vhana vhau na ntshandukela na si tsha tevhedza ndaela dzanga na ndayo dzanga dze nda ni ṋea, na ṱuwa na shumela miṅwe midzimu, na i luvha,

1 MAHOSI 9:7

zwenezwo ndi ḓo pfulusa Vhaisraele shangoni ḽe nda vha ṋea, thembele hei ye nda i ita khethwa ndi tshi itela dzina ḽanga, nda i landula. Vhaisraele zwenezwo vha ḓo tou vha milomoni ya vhathu vha tou vha samba vha nyadziwa nga tshakha dzoṱhe.

1 MAHOSI 9:9

Vhathu vha ḓo konou fhindula vha ri, ‘Ndi nge vha ṱutshela Yahavee Mudzimu wavho we a pfulusa vhokhotsi avho Egipita, vha nambatela miṅwe midzimu, vha i luvha, vha i shumela, ndi zwe Yahavee a ita uri vha welwe nga khombo nngafha.’ ”

YESAYA 47:3

Ḓiṱangule vhathu vha u vhone wo sala fhedzi; ndi ḓo lifhedza, a thi nga sii na muthihi.”

JEREMIA 13:22

Arali wa ḓivhudzisa wa ri, “Ndi mini zwo raloho zwo nngwela?” ḓivha uri ndi nga mulandu wa zwivhi zwau nguvho dzau dzi shi vhuya dza pengulwa wa tshipiwa.

JEREMIA 13:26

Ndi ḓo pengula nguvho dzau, dza u thivha tshifhaṱuwo, uri vhoṱhe vha u vhonele.

JEREMIA 15:4

Ndi ḓo ita uri mivhuso yoṱhe ya ḽifhasi i tshenuwe i tshi vhona zwine nda vha ita ndi tshi lifhedza zwe Manase ṅwana wa Hiskia khosi ya Juda a ita e Jerusalema.”

JEREMIA 24:9

Ndi ḓo vha ḓisela khombo lune tshakha dzoṱhe dza mashango dza ḓo ofha. Hoṱhe hune nda ḓo vha balanganya vha ḓo kolelwa nga vhathu, vha ita miswaswo ngavho, vha vha nyadza; vha tshi teketela muthu vha ḓo ri ngavhe a tshi welwa nga khombo yeneyo ye ya wela vhathu vha Juda.

JEREMIA 32:23

Vho dzhena vha ḽi dzhia ḽa vha ḽavho, hone a vho ngo u thetshelesa, a vho ngo tevhedza milayo yau, a vho ngo ita zwe wa vha vhudza uri vha zwi ite. Ndi zwe wa vha ḓisela khombo hei yoṱhe.

JEREMIA 34:17

“Huno-ha, Nṋe Yahavee ndi ri: A no ngo nthetshelesa; a no ngo ḓivhadza uri ni ḓo vhofholola vha haṋu. Zwino-ha Nṋe ndi ni ḓivhadza mbofholowo, Nṋe Yahavee ndi khou ralo – ndi mbofholowo ya u yo fa nga pfumo na dwadze na nḓala. Ndi ḓo ita uri mivhuso yoṱhe ya ḽifhasi i ofhe i tshi vhona zwe nda ni ita.

JEREMIA 4:31

Ndi khou pfa mukosi u no nga wa musadzi ane a ṱoḓou vhofholowa; ndi tshigomelo tsha a no nga u khou beba ṅwana wa tanzhe; ndi mukosi wa u fhihamelwa ha Tsioni a tshi onyolosa zwanḓa a tshi ri, “Yawee, ndi khou dzidzivhala, ndo kumedzwa dziphondi!”

JEREMIA 6:28

Nṋe nda wana uri vhoṱhe ndi mashandukwa o tilaho, vha konḓa unga musinaseṱha na tsimbi, vha enda vha tshi isela vhaṅwe phungo mmbi; ndi vhatshinyi!

ZWILILO 1:11

Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:17

Tsioni a ṱharamudza zwanḓa zwawe a tshi vhidza khonani dzawe, hone a hu na ane a mu khuthadza. Muṋe washu o rambela Jakopo maswina a no bva masia oṱhe. Vha vhona Jerusalema a tshi nga musadzi e maḓuvhani awe.

ZWILILO 2:10

Vhahulwane vha Tsioni vha dzula mavuni vho sokou tshete; vho ḓishela mavu ṱhohoni vha ambara madzanganda. Vhasidzana vha kotamisa dziṱhoho.

ZWILILO 4:21

Iwe Edomo, pembela zwau, takala zwau iwe u no dzula shangoni ḽa Utsi. Na iwe tshinwelo u ḓo tshi nwa-vho, wa tou kambwa wa bvula zwiambaro wa sala fhedzi.

ESEKIELE 23:29

Vha ḓo u vhenga, vha u dzhiela zwoṱhe zwe wa shuma, vha u sia u fhedzi. Ndi hone vhupombwe hau vhu shonisaho vhu tshi ḓo vhonala. Vhuaḓa hau na vhupombwe hau

ESEKIELE 23:46

Muṋe wa zwoṱhe Muṋe washu u ri, “Vhidza gogo ḽi vha kuvhanganele ḽi vha tambudze ḽi vha ṱangule;

ESEKIELE 39:23

Tshakha dzoṱhe dzi ḓo zwi ḓivha uri vhathu vha Israele vha tshi iswa vhuthubwani ndi nga mulandu wa zwivhi zwavho vha tshi ntshandukela nda vhuya nda vha furalela nda vha kumedza maswina avho, vhoṱhe vha lovha nga pfumo.

HOSIA 2:10

Ndi ḓo mu ṱangula a sala e fhedzi vhafunwa vhawe vha tshi zwi vhona, a hu na ane a nga mu ponyokisa zwanḓani zwanga.

HOSIA 2:3

A sa ralo ndi ḓo mu ṱangula a sala e fhedzi vhunga musi we a bebwa. Ndi ḓo ita uri a sale a tshi nga phanga, nda mu ita soga, nda mu vhulaha nga ḓora.

NZUMBULULO 3:18

A si khwiṋe ni tshi ḓa kha Nṋe na renga musuku wo bviswaho manyelo nga mulilo na ḓo kona u vha vhapfumi vhukuma naa? Na renga na zwiambaro zwitshena na konou pila bunyu ḽaṋu ḽi shonisaho. Na renga na mushonga wa u ḓodza maṱoni uri ni kone u vhona.

1 SAMUELE 2:30

“Zwino-ha, Muṋe washu Mudzimu wa Israele u khou ḓivhadza u ri, ‘Ndo fulufhedzisa uri nnḓu yau na ya makhulukuku wau vha ḓo dzula vha tshi ntshumela lini na lini.’ Hone zwino Muṋe washu u khou ḓivhadza u ri, ‘A zwi tsha ḓo ralo! Vhane vha nkhulisa ndi ḓo vha hulisa, hone vhane vha nnyadza vha ḓo nyadziwa-vho.