ZWILILO 1:6 - BIVHILI KHETHWA Mafhungo Madifha

⁶ Tsioni, musidzana wa lunako o dzhielwa vhugala hawe hoṱhe. Vhavhusi vhawe vha nga tholo dzi si na pfulo; vho shavha mupandamedzi wavho nga u shaya nungo.

ZWILILO 1:6 Iomraidhean Croise

2 MAHOSI 19:21

Yahavee a tshi mu fhindula u ri, “ ‘Musidzana ṅwananyana Tsioni u a u nyadza, u a u sea. Ṅwananyana Jerusalema u a u goḓa iwe u tshi khou shavha.

2 MAHOSI 25:4

Zwino mutsheṱo wa muḓi wa pwashea wa phorotshedzwa, mmbi yoṱhe ya shavha vhusiku ya bva nga khoro ine ya vha vhukati ha mitsheṱo mivhili tsini ha ngade ya musanda, naho Vhababele vho vha vho govhela muḓi. Vha shavha vho livha govhani ḽa Jorodani.

2 MAHOSI 25:5

Hone mmbi ya Vhababele ya pandamedza khosi Tsedekia ya mu fara mudavhini wa Jerikho, vhahali vhawe vhoṱhe vha mu ṱutshela vha balangana.

DZIPHISALEMA 50:2

Mudzimu u vhonadza lupenyo lwawe e Tsioni, muḓi wa manakanaka.

DZIPHISALEMA 96:9

Khothani Muṋe washu a tshi vhonadza lupenyo lwawe lukhethwa! Ḽifhasi ḽoṱhe nga ḽi mu tetemele.

YESAYA 1:21

Muḓi we wa vha u tshi fulufhedzea wo shandukela Mudzimu unga musadzi wa phombwe o shandukela munna; wo vha wo ḓala vha lwelaho zwi re zwone, hu hone he vhuvhuya ha lala hone, hone zwino ho sala dziphondi.

YESAYA 12:6

Inwi vhathu vha Tsioni, ṱavhani mukosi ni fhululedze! Edzonu vhona uri Mukhethwa wa Israele a re vhukati haṋu o hula hani!”

YESAYA 4:5

Muṋe washu u ḓo takusa gole masiari, ḽa alama thavha yoṱhe ya Tsioni, na kha tshivhidzo tshaho, vhusiku a ḓisa vhutsi, a vha vhonetshela nga khavhu ya mulilo. Vhugala ha Mudzimu vhu ḓo alama muḓi woṱhe ha u tsireledza,

JEREMIA 13:18

Muṋe washu a amba na nṋe a ri, “Vhudza khosi na vhakoma mme awe vha tse kha khuluṋoni dzavho, ngauri khare dza vhugala dzi re ṱhohoni dzavho dzi ḓo wela fhasi.

JEREMIA 29:4

“Muṋe washu Mulangazwoṱhe Mudzimu wa Israele u amba na vhoṱhe vhe a vha hwala Jerusalema a vha isa vhuthubwani Babele, u ri,

JEREMIA 47:3

vha tshi pfa mutsindo wa bere dzi tshi gada, vha tshi pfa phosho ya gariki dza maswina na u kunguluwa ha malinga. Vhokhotsi a vha nga rembuluwi vha farisa vhana vhavho; zwanḓa zwavho zwi ḓo kulea nungo zwa nembelela.

JEREMIA 48:41

Miḓi i ḓo thubiwa, ni ḓo dzhielwa vhushavhelo. Musi wonoyo mbilu dza vhahali vha Muaba, dzi ḓo nga mbilu ya musadzi a tshi ṱoḓou vhofholowa.

JEREMIA 52:11

Ndi hone a tshi nongola maṱo a Tsedekia, a mu vhofha nga dzigeḓane, a mu isa Babele, a mu hoṋela dzhele a vhuye a fe.

JEREMIA 52:13

a fhisa thembele ya Muṋe washu nga mulilo, na pfamo ya musanda na nnḓu dzoṱhe dza Jerusalema. Nnḓu khulu iṅwe na iṅwe a i fhisa.

ESEKIELE 24:21

‘Vhudza vhathu vha Israele u ri: Muṋe wa zwoṱhe Yahavee u ri: Ndi ḓo ṱuwa ndi tshi kumadza fhethu hanga hukhethwa, ḽone goliso ḽa maanḓa aṋu, ḽone dakalo ḽa maṱo aṋu, tshone tshitaṅwa tsha mbilu dzaṋu. Vhana vhaṋu vha vhatuka na vha vhasidzana vhe na vha sia vha ḓo fa nga pfumo.

ESEKIELE 24:25

“Huno iwe ṅwana wa muthu, musi une nda vha dzhiela vhana vhavho vha vhatuka na vha vhasidzana vhane vha vha vhone thikho yavho, ḽone goliso ḽavho na vhugala havho, ḽone dzanga ḽa maṱo avho, ḽone dakalo ḽa mbilu dzavho –

DOTORONOMIO 28:25

“Muṋe washu u ḓo ita uri ni kundwe nga maswina aṋu; ni tshi vha bvela pfumo ni ḓo bva no rwa muduba muthihi, ni tshi vho vha shavha na balangana na shavhela thungo dzoṱhe. Mivhuso yoṱhe ya ḽifhasi vha ḓo tetemela vha tshi vhona khombo dzo ni welaho.

DOTORONOMIO 32:30

Hufha swina ḽithihi ḽo pandamedza vha tshigidi! Hufha vhavhili vho gidimedza zwigidi zwa fumi! A si uri Bako ḽavho o vha laṱa naa? A si nge Yahavee a vha kumedza maswina naa?