ZWILILO 1:3 - BIVHILI KHETHWA Mafhungo Madifha

³ Vhathu vha Juda vho thubiwa vha tambudzwa vha shumiswa nga tshiṱuhu, vha vho dzula vhukati ha dzitshakha; a hu na hune vha awela hone. Vhoṱhe vhane vha vha pandamedza vho vha fara vha vha thathedza.

ZWILILO 1:3 Iomraidhean Croise

2 MAHOSI 25:11

Ndi hone Nebusaradani mulangammbi wa musanda a tshi hwala vhathu vhe vha vha vho sala afho muḓini a vha isa vhuthubwani Babele khathihi na vhaṅwe vhathu vhoṱhe na vhe vha vha vho pfukela ha khosi ya Babele.

2 MAHOSI 25:21

Henefho muḓini wa Ribila, shangoni ḽa Hamathi, khosi ya ita uri vha vhulawe. Vhathu vha Juda vha iswa vhuthubwani, kule na shango ḽavho.

2 MAHOSI 25:4

Zwino mutsheṱo wa muḓi wa pwashea wa phorotshedzwa, mmbi yoṱhe ya shavha vhusiku ya bva nga khoro ine ya vha vhukati ha mitsheṱo mivhili tsini ha ngade ya musanda, naho Vhababele vho vha vho govhela muḓi. Vha shavha vho livha govhani ḽa Jorodani.

2 MAHOSI 25:5

Hone mmbi ya Vhababele ya pandamedza khosi Tsedekia ya mu fara mudavhini wa Jerikho, vhahali vhawe vhoṱhe vha mu ṱutshela vha balangana.

JEREMIA 13:19

Miḓi i re Negeve i ḓo govhelwa ha si vhe na a i phalalaho. Vhathu vha Juda vha ḓo iswa vhuthubwani, a hu na a no ḓo sala.”

JEREMIA 16:16

Muṋe washu u ri, “Ndi ḓo ruma vharei vha khovhe vhanzhi vha ḓa vha fasha havha vhathu. Ngavhuya ndi ḓo ruma vhazwimi vhanzhi vha ḓa vha vha zwima dzithavhani dzoṱhe na mivhunduni na mapakoni vhukati ha nngwa.

JEREMIA 24:9

Ndi ḓo vha ḓisela khombo lune tshakha dzoṱhe dza mashango dza ḓo ofha. Hoṱhe hune nda ḓo vha balanganya vha ḓo kolelwa nga vhathu, vha ita miswaswo ngavho, vha vha nyadza; vha tshi teketela muthu vha ḓo ri ngavhe a tshi welwa nga khombo yeneyo ye ya wela vhathu vha Juda.

JEREMIA 39:9

Nebusaradani, ene mulangammbi, a hwala vhathu vho salaho muḓini a vha isa vhuthubwani Babele, vha ṱuwa na vhaḽa vhe vha shavhela khae, na vhaṅwe vhathu vhoṱhe.

JEREMIA 52:15

Nebusaradani mulangammbi wa musanda a hwala vhaṅwe vha vhatshinyali na vhe vha vha vho sala muḓini khathihi na vhatsila na vhe vha vha vho pfukela ha khosi ya Babele, a vha isa vhuthubwani.

JEREMIA 52:8

hone Vhababele vha pandamedza khosi Tsedekia vha mu fara mudavhini wa Jerikho. Vhahali vhawe vhoṱhe vha fhandekanywa nae vha balangana,

ZWILILO 2:9

Khoro dzawe dzo wa, dzo no tou fukedzwa nga mavu; tswinga dzadzo o dzi vunḓekanya a dzi posa kule. Khosi yawe na vhavhusi vhawe vho thubwa nga dzitshakha, a hu tsha funzwa mulayo, vhaporofita vhawe a vha tsha wana mabono a bvaho kha Muṋe washu.

ZWILILO 4:15

Vhathu vha vha ṱavhela mukosi vha ri, “Ṱuwani! No kumala! Ṱuwani! Ṱuwani! Ni songo ri kwama!” Musi vha tshi shavha vha tshi tendeleka na vha dzitshakha dza vhannḓa vha ri, “Vha songo dzula fhano!”

ZWILILO 5:5

Vha ri poṋodza zwirethe, a vha ri humeli; ro neta, a ri vhuyi ra awela.

ESEKIELE 5:12

Tshipiḓa tshithihi kha zwiraru tsha vhathu vha haṋu vha ḓo fa nga dwadze kana vha fhela nga nḓala henefha ngomu muḓini; tshipiḓa tshithihi kha zwiraru tsha vhathu vha haṋu vha ḓo fa nga pfumo ngei nnḓa ha mutsheṱo; tshipiḓa tshithihi kha zwiraru ndi ḓo tshi balanganya muyani ndi tshi khou vha pandamedza nga pfumo.

DOTORONOMIO 28:48

ni ḓo shumela maswina ane Muṋe washu a ni rambela, na vha shumela ni tshi tambula nga nḓala na ḓora na tsiku na vhushai, vha ni hwesa dzhogo ya tsimbi muṱanani vha vhuya vha ni lozwa tshoṱhe.