ZWILILO 1:22 - BIVHILI KHETHWA Mafhungo Madifha

²² Ngavhe vhuvhi havho hoṱhe vhu tshi swika maṱoni au! Vha lifhedze unga wo lifhedze nṋe nga vhuvhi hanga hoṱhe. Zwigomelo zwanga ndi zwinzhi, ndo kulea nungo.”

ZWILILO 1:22 Iomraidhean Croise

DZIPHISALEMA 143:7

Muṋe washu, ṱavhanya u mphindula, muya wanga u a kundelwa; u songo mpfuralela, ndi sa ḓo fana na vhane vha godimela tshaloni.

DZIPHISALEMA 79:10

U tendelani vhannḓa vha tshi ri, “Mudzimu wavho u ngafhi?” Vha sumbedze ri tshi zwi vhona uri u lifhedzela hani malofha a vhalanda vhau o shululwaho.

YESAYA 13:7

Zwanḓa zwoṱhe zwi ḓo kulea nungo, mbilu dzoṱhe dza ṋoka;

JEREMIA 10:25

Shululela mbiti dzau kha tshakha dza vhannḓa dzi sa u luvhi, dzi sa u rabeli. Ndi vhone vhe vha mila Jakopo; vha mu fhedza tshoṱhe, vha phusukanya shango ḽa hawe.

JEREMIA 18:23

Huno Iwe Muṋe washu u a ḓivha zwoṱhe zwe vha nndangana uri vha mmbulahe. U songo vha hangwela milandu yavho, u songo thutha vhutshinyi havho wa si tsha vhu vhona. Nga vha tekulwe u tshi zwi vhona, tshine wa vha ita vha ite wo sinyuwa.

JEREMIA 30:16

Hone vhoṱhe vhane vha u mila vha ḓo milwa, maswina au oṱhe a ḓo iswa vhuthubwani. Vhane vha u ṱangula vha ḓo ṱangulwa-vho vhoṱhe vhane vha u kandeledza vha ḓo kandeledzwa-vho.

JEREMIA 51:35

Ngavhe fuvhalo ḽe ḽa itwa mivhili yashu ḽi tshi wela Babele,” vha ralo vha no dzula Tsioni. “Ngavhe malofha ashu a tshi vhilwa kha vha no dzula Babele,” vha ralo vha Jerusalema.

JEREMIA 8:18

Mbilu yanga i a vhavha, i tou ṋoka.

ZWILILO 1:13

O wisa mulilo u tshi bva ṱaḓulu, a u tsisela fhasi wa dzhena maramboni anga. O ṱharamudza mambule a mpfasha milenzhe a nṱanamisa. O ita uri ndi sale ndi ndoṱhe, nda ṱwa ndi tshi lwala.

ZWILILO 5:17

Ndi zwe mbilu dzashu dza ṋoka. Ndi nga mulandu wa hezwi zwithu maṱo ashu a tshi vho vha na luswiswi,

LUKASI 23:31

“Ndi uri arali thanda nṋu vha tshi tou i rali, yo omaho zwi ḓo tou ngani-ha?”

VHAEFESA 3:13

Zwino-ha ndi ni humbela uri ni si kulee nungo nga u vhona ndi tshi tambudzelwa inwi. Hufha zwi zwone zwine na huliswa ngazwo.

NZUMBULULO 6:10

vhone vha tshi khou ṱavha mukosi vha tshi ri, “Muṋe wa zwoṱhe, mukhethwa a fulufhedzeaho, zwi ḓo fhela lini? Vhaḽa vhathu vha re shangoni vhe vha ri vhulaha u ḓo vha haṱula lini wa lifhedzela malofha ashu?”