ZWILILO 1:21 - BIVHILI KHETHWA Mafhungo Madifha

²¹ Vhathu vho pfa tshigomelo tshanga, hone a hu na ane a nkhuthadza. Maswina anga oṱhe o pfa uri zwo mmbifhela, a pembelela zwe wa nnyita. Ngavhe u tshi ḓisa ḓuvha ḽe wa ḽi ḓivhadza, uri na vhone vha itwe zwe nṋe nda itwa.

ZWILILO 1:21 Iomraidhean Croise

DZIPHISALEMA 35:15

Zwino nṋe ndó wela-vho khomboni vha nkuvhanganela vha ntsea. Ndi vho nzhonzhowedzwa nga mifhafhara i sa ḓivhalei, vha ntsasaladza vha dovha.

DZIPHISALEMA 37:13

Hone Muṋe wa zwoṱhe u sea muvhi; u ḓivha uri ḓuvha ḽawe ḽi a ḓa.

DZIPHISALEMA 38:16

Ndi a rabela ndi ri, “U songo litsha vha tshi ntsea, u songo tenda vha tshi zuwa u kundwa hanga!”

YESAYA 14:5

Muṋe washu o vunḓa mbuno ya vhavhi; o konyola luḓo lwa vhavhusi,

YESAYA 14:6

lwe mahosi a rwa ngalwo vhathu ó sinyuwa a tshi vha bumudza a sa imi, a luvhisa dzitshakha o sinyuwa, a levha a sa humi.

JEREMIA 30:16

Hone vhoṱhe vhane vha u mila vha ḓo milwa, maswina au oṱhe a ḓo iswa vhuthubwani. Vhane vha u ṱangula vha ḓo ṱangulwa-vho vhoṱhe vhane vha u kandeledza vha ḓo kandeledzwa-vho.

JEREMIA 48:27

Israele wo vha u sa khou ḽi shonedza naa? Kani ḽo vha ḽo farwa na mafobvu, hezwi u tshi ḽi nyadza wa ita na u dzungudza ṱhoho misi yoṱhe u tshi ḽi amba?

JEREMIA 50:11

“Pembelani zwaṋu ni takale, inwi ni no kumbulula shango ḽanga, khanani zwaṋu unga mavhoḓa ó vulelwa a yo fula, ni lile unga bere dza mboho,

JEREMIA 50:15

U ṱavheleni mukosi wa nndwa thungo dzoṱhe! U a luvha, thawara dzawo dzi a wa, mitsheṱo yawo yo thuthea. Vhunga iyi i ndifhedzo ya Yahavee, u lifhedzeni; u iteni zwe wone wa ita vhaṅwe.

JEREMIA 50:29

“Vhidzani vhapfuli vha lwe na Babele, vhoṱhe vhane vha akha vhura. U govheleni, hu songo vha na a ponyokaho. U lifhedzeni zwe wa ita; u iteni zwoṱhe zwe wone wa ita vhaṅwe. Wo nyadza Yahavee, Ene Mukhethwa wa Israele.

JEREMIA 50:31

“Inwi vhadzia-u-ḓiḓivha, vhonani, ndi khou lwa na inwi, ngauri ḓuvha ḽaṋu ḽo swika, ndi tshone tshifhinga tshine na fanela u lifhedzwa,” u ralo Muṋe wa zwoṱhe Muṋe washu Mulangazwoṱhe.

JEREMIA 51:24

“Hone zwino ndi ḓo lifhedza Babele ni tshi zwi vhona, nda lifhedza na vhoṱhe vhane vha dzula khaḽo, ndi tshi vha lifhedzela vhutshinyi hoṱhe he vha vhu ita Tsioni,” u ralo Muṋe washu.

JEREMIA 51:49

“Babele wo fanela u wa-ho nge wa vhulaha Vhaisraele, u ḓi nga vho vhulawaho mashangoni oṱhe vhó vhulawa nga wone Babele.

ZWILILO 1:16

Ndi zwine nda lila, maṱo anga a bva miṱodzi. A hu na a re tsini ane a nkhuthadza, a hu na ane a rudza mbilu yanga. Vhana vhanga vho ṱovhowa, swina ḽo kunda.”

ZWILILO 1:2

Vhusiku u lila lu ṱungufhadzaho, marama awe o ḓala miṱodzi. Kha vhafunwa vhawe vhoṱhe a hu na ane a mu fhumudza. Khonani dzawe dzoṱhe dzo mu fheṱa; vho no vha maswina awe.

ZWILILO 1:22

Ngavhe vhuvhi havho hoṱhe vhu tshi swika maṱoni au! Vha lifhedze unga wo lifhedze nṋe nga vhuvhi hanga hoṱhe. Zwigomelo zwanga ndi zwinzhi, ndo kulea nungo.”

ZWILILO 1:4

Nḓila dzi yaho Tsioni dzo ṱungufhala, a hu na ane a ḓa minyanyani yawe. Khoro dzawe ndi soga, vhotshifhe vhawe vha a gomela, vhasidzana vhawe vha pfa vhuṱungu, ene muṋe u vhuṱunguni vhuhulu.

ZWILILO 1:8

Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 2:15

Vhoṱhe vhafhiri vha nḓila vha vhanda zwanḓa vha ri, “Koṱo!” vha u nzhonzhowedza, vha u dzungudzela dziṱhoho iwe Jerusalema. Vha ri, “Nṋa uyu ndi uḽa muḓi we wa vha u tshi pfi u khunyelela ha lunako, dakalo ḽa ḽifhasi ḽoṱhe?”

ZWILILO 2:16

Maswina au oṱhe a a u kolela, vha a u nzhonzhowedza vha tshi shenganya maṋo vha ri, “Ro mu mila. Heḽi ndi ḓuvha ḽe ra ḽi lindela; ḽo swika, ro ḽi vhona.”

ESEKIELE 26:2

“Iwe ṅwana wa muthu, vhunga vha Tiro vho nzhonzhowedza Jerusalema vha ri, ‘Ahaa! Uḽa muḓi we wa vha u tshi pfi Khoro ya Dzitshakha wo phusukanywa, wo sala u matumba; zwino ro vulelwa khoro, lupfumo lu ḓo vha lwashu!’

JUELE 3:14

Govhani ḽa Khaṱhulo hu na magogo na magogo! Ḓuvha ḽa Muṋe washu ḽi tsini henefho Govhani ḽa Tsengo.

NZUMBULULO 18:6

U lifhedzeni-ha zwe wa ita vhaṅwe, ni u lifhedze ni ite kavhili zwe wa ita. Ḓadzani dzhomela ḽawo kavhili, u nwe waini yeneyo ye wa vha ingela!